Kodampaya 11:1 - Mataafa Qulqulloota

¹ Erkamampaya isho hellaa a kiristaana a piita Yihuta kara ca, akkima isasene Yihutaata in koddinin qaaleta Waaqa teyyaden dakayen.

Kodampaya 11:1 ပူးပေါင်းရင်းမြစ်များ

Mataafa Uumata 49:10

Haka piddampayta a samayta piita piisa isha'ew ajajama' deeno kara'e, nuqusuma harka Yihuta oppa'ew tawa, uleeta a siltaana (a nuqusuma) umma nama a harkaadi oppa poqqisho in caado.

Mataafa Masmuureta 22:27

Orra piita piisa, a matte isha oorsade ka Waaqopa tiitaawo; kaffa samayta' piisa ka isha tura' sakatadan.

Xuuma Issayyaasi 11:10

Awsetiiyyi, akkima hittina taama' dehino mina'e, nuqusase toola Isseyi oppaayye xa'o milikkita kodda ka samayta' qa'ada; mankistewwa ka pora isha fadan; pora oppa kalo ka a ulfeessame kodda.

Xuuma Issayyaasi 32:15

Sede nefo haka hapura moonte xata ino roopo, koommayta ka kappatayta dula koddo, kappatayta dula ka mura koddo kara'e asse koddita.

Xuuma Issayyaasi 42:1

Waaqa ikiini, “Tin, orxaytase' xayyo an opeela qapno, ka reexade ka ishin xasoonno ini; anti hapuriyyon isha kara' xaaya; ikka samayta piitaddaati dukaatan' farata.

Xuuma Issayyaasi 42:6

“Anti an Waaqa ka hanqeetan ke hale, ka harka ke tupa qape ka ke tooyte; anti a kodayteeta' mina'en samayta' ke daashe, ka a la'ayta' mina'e, samayta piitaddaati ke daashe;

Xuuma Issayyaasi 49:6

Waaqa kiini, “Akka kafa Yayqoopi xa'isso'e, ka peela a Isira'eeli' kalisso'e, dinissiyyo ka a porra sessekaati ca qara' kayo'e, anti mankistewwa'en la'ayta' ke koda.”

Xuuma Issayyaasi 52:10

Waaqa hupnase' xaadi qulqullaawe mankistewwa tura' akkisha, samayta a porra sessekaati co ka dinissa a Waaqinno akka.

Xuuma Issayyaasi 60:3

Mankistewwa ka la'aytaaytippopa de'an, nuqussa ka la'aytaayti a piiro oppopa de'an.

Xuuma Issayyaasi 62:2

Mankistewwa hanqeeta a ke' muramto akkan, nuqussa piisa ka ulfeenaayti tooyan; atti ka maxxa haaraya a Waaqa ke' koonon halaamta.

Xuuma Ermiyaasi 16:19

Oo Waaqqo! Ke a kokkonnumaayyo ka mishshikeetiyyo an eta rakkootati karopa qahano kodde; samayta, piita piisa qaraayye ke kapopa de'an ka kida, “Aappadaanno killanna a we takkan nefo ishootta qara nakanni in kinnini a paata patta'e lehaden.

Hoose'i 2:23

Samaytase' xayyo akka teyantoodo'en piisse oppa' kutiisha ka isasene ‘Orra a in suraysatammin’ kidame suraysada ka isasene ‘orriyyon’ kidameeti' kida ‘Ishina a orriyo;’ Ishootta ka ana' kidane, ‘Atti a' Waaqinno.’”

Xuuma Mikkiyaasi 5:7

Isasene samayta Yayqoopi oppa peela hase, akkima Waaqa tadaahata ka uusheta seehinno ikka piita ilawnaannitto mina'e, orra leka'e saka koddan. Umma nama pora in kippadane ma, isha patta xasa' kodadan.

Xuuma Sofooniyaasi 2:11

Qoota Waaqa killanna piitaaysho oppa ca' piisa alle' pashsho malla, ishootta isha fuuran, orra piisa ka pora oppa kalo piisa oppaayye isha waaqaysada.

Xuuma Sofooniyaasi 3:9

Sitiiyyi, anti orra piisa akka takka koddo ka ana Waaqa pattopa qinsado ka ana' koda kodo'en afa fayya ishootta' daasha.

Xuuma Sakkaariyaasi 2:11

Awsetiiyyi, samayta a piita lekayta'e Waaqa kapopa heeqqa ka samaytiyyo kodda; anka ishin oppa' kallaada.” Atti ka akka Waaqase we piisa ettaninno ke kapopa ana erke upnaatta.

Xuuma Milkiyaasi 1:11

Waaqase we piisa ettaninno ikiini “Samayta piita qara kalo piisa haka piirtotati paayyatte haka dumaatati ana ulfeessini ka pora pisa oppaayye tankarta alaawnitto ana qayyanni ka kalisoota qaja in qapnin ana kalinni, orra piisa ka ana ulfeessa.

Maatiyoosi 2:1

Sapana a nuqusa Herodiisiiyyi, ete Yesuusi katamasene a Peteleheemi piita Yihutaata kara ca oppa daladeyye; tooyampaya a hikka moonta'e qinda pirtootate desa Yursaalamipa de'en.

Maatiyoosi 8:11

Anti in ishina kiini, orra lekayta qinda piirtotati dela ka dumaateta xata ollopa de'a; ka Aprihaami ka Hisaaqi isho Yayqoopi olliiyyi mankisteeta moontati damta kuti'a.

Mariqoosi 16:5

Ete hawlase karopa kulleneeyye, xayyoolayse takka ohaata ata uwwisade ka qinda akkittain kute'e akken ka qara tammaqen.

Luqaasi 2:32

Isha orra a ke amani in kinnini'i, la'ayta, a dukaata akkinno kodda, ka samaytaayti a Isira'eeliti nefo ulfeena.”

Kodampaya 1:15

Sitiiyyi, Peetiroosi ka orra amanno a nama dippa ka kunda lakki mina' co oppeela qa'ade ka kide,

Kodampaya 11:29

Semmalla kiristaana a Ansookkiya kara kalo matta mina'e akka ettanissaaysho mina'e akka hellaasso a kiristaana a Yihuta kara kalaati qaarqaarsa kodane piisaden.

Kodampaya 14:27

Ka ete eyye kayeneeyye, orra amanno ollopa halen ka wa a Waaqa ishootta olli caade ka kode ka akka orra Yihutaata in koddini amano'e akka ishootta xarra pane ishootta torren.

Kodampaya 15:3

Semmalla ishootta ka tika kiristaanatin erkamen ka aanen. Ka ete Finqe ka Samaariya oppan tarpinaaneeyye akkima orra Yihutaata in koddinin Waaqopa tiitaawe torren. Otootose ka orra kiristaana piisa xasasse.

Kodampaya 28:15

Orra amanno a Roomi kara co, ete qoota deenaannoti desa dakayeeyye, haka urmala Afiyoosi isho haka porase ‘Tikka sene a mukitta sessa’ kidammati ino mina de'en. Pawloosi ete ishootta akkeeyye, Waaqa kalataysade ka xasa oorsade.