Kodampaya 10:4 - Mataafa Qulqulloota

⁴ Ikka erkampattootase quda ildaa kode ka tammaqtan kide, “Poqallaay, ata maana?” Erkampattootase ka isha kiite, “Qinseetaayti isho daassatase a teekolaya daannitto, kalisoota a paxaara a ishin matte ke oorsadane'e koddite ka opeela xaate ka Waaqa kapa kayte.

Kodampaya 10:4 ပူးပေါင်းရင်းမြစ်များ

Mataafa Otoowwa a lammatta 32:24

Sitiiyyi Hisqiyaasi ka paaqe ka toota foolsade ka Waaqopa qinsade; Waaqa ka ishi oorshe ka milikkita orra qawwanno ishi akkishe.

Mataafa Otoowwa a lammatta 6:33

moonte porase a oppa kalto xata dakaye; ka akka samayta piita piisa maxxaayti upnaado ka a samaytaayti a Isira'eeli mina ke fuuro'e ka tikoose an anti qupe akka maxxaayti kara halaammo upnaadane'e, haptittoseti wa ke kaassanna piisa kode.

Mataafa Masmuureta 141:2

Qinseetiyyo akkima tankareeta' mina, a ke turopa dehaatto; harkaayyo an opeela xa'inna ka akkima kalisoota kalaakala' mina' kodden.

Mataafa Masmuureta 20:3

A daassawwaatti piisa dikado; ka kalisootaayti a kupanitto kuli ke qara teyyado.

Xuuma Issayyaasi 43:26

Ana matte oorsada ka oli deexna; ka akka dukaata qaptan akkisha.

Xuuma Issayyaasi 45:19

Anti piita tukkanta kara kitto'e dekandekatti an haasawanne; umma sanynyeeta Yayqoopi an kiine, ‘Patta ana fada.’ Anti Waaqa dukaatan haasawanni; ka wa hanqeeta kodde' torrini.

Xuuma Taani'eeli 10:11

Erkampattootase ka ana' kiite, “Taani'eeli ke akata jaalatame, anti ke kapopan erkameey qa'ado ka waan ke' lella' fayya' dakkaysado.” Ete asse ana' kiiteeyye, anka xaraan xa'e ka qa'ade.

Mataafa orra Lewi 2:2

Ka hellaasene a diira a Arooni qeesewwasene kapopan de'o; qeesitta ka daammase sayteetan lahame qara harka kara kusso ka quda tankartase piisa qeedo ka akka kalisoose Yaahiwwe kalsamte ishin matte oorsadane'e kalisoota a Yaahiwwe alaawnitto ka isha xasannitto a apittan dehaannitto kodo ka porase a kalisoota qara kupo.

Xuuma Milkiyaasi 3:16

Sitiiyyi orra Waaqa fuurro ka ollopa oore ka ollin torraade, Waaqa ka wa torraadene' dakkaysade ka dakaye. Semmalla isha tura'e, maxxada orra isha fuurrooti ka maxxaadi ulfeena daanno akka in teymammini'i, mataafa qaropa taafamen.

Maatiyoosi 26:13

Anti dukaatannen ishina kiini, piisse qara, pora oppa otootose a fayya torraammitto pisa oppaayye, wossen a koote, akka ishin matte oorsatamto'e, torraaman.”

Luqaasi 1:29

Isheetta ka haasasene a erkampattooseti qara tammaqte ka dikatte ka kiite, “Hela awwe ini nakayta maana?”

Luqaasi 24:5

ete iskattase a kata fuure ka piitan xata tooyannooyye; orrase i'ishootta kide “Maana'e caattampayta orra a le'e kara faanittan?

Kodampaya 10:31

ka ana kide'e, ‘Qorneloosi! Waaqa qinseetaayti idakaye, daassatase xaayti a' teekolaya daannito nefo ka ke' dikatamte;

Kodampaya 14:9

namoose ete Pawloosi haasawannoyye, ikute'e ka dakkaysanni. Pawloosi ka isha quda ilda kode ka akka amanteeta a isha dinissa ettanisso qapo akke.

Kodampaya 22:10

Anti ka kide, ‘Poqallaay, maanan koda?’ Poqalla ka ana kide, ‘Xa'e ka Tamaasqo opa aane, wa koda ke parpaaccisnitta piisa eyye ke' lelamaneey’

Kodampaya 3:4

Ishootta ka isha quda ilda koden. Peetiroosi ka ishi' kide, “Inopa tooyyado.”

Filippisiyuusi 4:18

Daassatase xaayshin a ana erkiten, a ana parpaaccisnitto ka a ana' parpaaccisnitto qaropa koddite, Eppaafrodituusi qara in teyyade; daassatose' xaayshin nefo, akka kalisoota a alaawnitto mina'e Waaqa teyyada ka ishin xasooda.

Filippisiyuusi 4:6

Semmalla, qoota we' piisati desa, qinseeta ka naappuma isho kalataan Waaqa tura' rakkootaayshin dehaysha diisheey, we takka nefo oppa'e dikattaan an kupadan.

ipro 13:16

Wa paxaara kodeeta ka wa qaptane quda orra pilaati' qootteeta in teyman. Kalisoota asse pahato Waaqa xasanniiy.

ipro 6:10

Waaqa faratampayta dukaata; se malla isha kodaayshin isho jaalala a qulqullowwaadi qaarqaaran ishi akkissene ka amma nefo akkinnittane in teymo.

Keleshaata 8:4

Harka erkampattootaseti oppaayye, qayyase a tankarta ka qinseeta a qulqullowwa olliiyyi, fuula Waaqa' turopa opeela xa'e.

Mataafa Saamu'eeli a paayyota 3:10

Waaqa ka de'e ka eeyye qa'ade ka akkamase a deyyo mina isha hale ka kide, “Saamu'eeli Saamu'eeli” Saamu'eeli ka kide, “Anti orxaytaayti in dakayniiy haasawado.”