Kodampaya 10:34 - Mataafa Qulqulloota

³⁴ Peetiroosi ka haasawatta paayye ka kide'e, “Dukaatan Waaqa akkima orra olqaran jaalinni in kinnin amma iana kalte.

Kodampaya 10:34 ပူးပေါင်းရင်းမြစ်များ

Mataafa Otoowwa a lammatta 19:7

Amma nefo, Waaqa fuureta a ishin kara caatto; firteeta qindandesa quu'eta ka qatayma kodeeta isho noodota teyyatta qoota Waaqa Poqallaanno kapa in kinnin malla, isi tooytaattaan farata.”

Mataafa Iyyoopi 34:19

Ishootta' qoota piisani koda harkaadi kodden malla, isha mukissampaya qara qanni in co. Umma teekolaya qaropa teyaantolaya jaalinni in co.

Maatiyoosi 22:16

Ka tamaarewwaasso isho kola Herodiisi Yesuusi kapopa erkite. Ishootta ka Yesuusi kaassaden ka kidene, “Kollissampayto, atti akkima dukollayta koddite ka qoota saanta Waaqati desa dukaatan kollinnitto in upna, umma nama fuureetan wa koonitta in caan, umma orra oli qaran a jaalinni a kittooy,

Maatiyoosi 5:2

Ikka asse kide ka ishootta kollissa paayye:

Luqaasi 20:21

Lettissampayasene ka Yesuusi kapopa dehaaden ka kiini, “Kollissampayto, wa atti haasawannitta ka orra kollinnitta akkiman dukaata in upna. Atti dukaatanne saanta Waaqa kollinni; umma nama takka nefo olqaran a jaalinni a kitto.

Kodampaya 10:33

Semmalla anka eennow ke kamma orra erke. Atti nefo sede a' deete fayya' koote. Wa Waaqa ke ajaje ke qara dakkaysatta'en piisantiiyyi are fuula Waaqa turopa ollopa deeneey akka haasawatto in heenna.”

Kodampaya 15:9

Qoota karittaysho amanteetan qulqullayshe malla, ino isho ishootta, olikela in purinne.

Kodampaya 8:35

Filippoosi ka porose a mataafa qulqulloota qara paayye ka qoota Yesuusi desa otootase a fayya ishi torre.

Roomi 2:11

Waaqa orra olqara jajjaalinni in co.

Roomi 3:29

Taaki hela Waaqa, Waaqa a Yihutaata' patta? Ka a Yihutaata in koddininiti'inni? Ha dukaatan isha Waaqa a orra a Yihutaata in koddinini' kuli.

Kelaatiya 2:6

Sene saarra pappaha ka akkaanna' xoori Waaqa qoota fuula nama tooyni in kinnin ka qatayma kooni in kinnin malla, aynumaaysho ana we'en; sene saarra kidame otootase a fayya an anti' torrino qara'e we takkan nefo in padaawne.

Efesooni 6:9

Ishina' poqalladdaayyeew! akkima poqallasene xaayshin ka xaaysho kodde ka qatayma kooni in kinnin moonte qaptan i'uptaneey; asseew ishootta' koda ka ishootta nyara diisha.

Mataafa oppa' Ooreta 1:17

Ka deexa muraappaayye qatayma in kodan; a shakka ka a kutta piisa olmina dakkaysada. Firteeta, firteeta Waaqa'ey, fuula nama tura in tammaqan; ka deexa a ishin qaropeela co ana turopan xooya, anti ka dakayo ka muro.’

Mataafa oppa' Ooreta 10:17

Yaahiwwe Waaqaayshin Waaqa Waaqadda ka Poqla poqalladda. Isha Waaqa a kutta ka hupnampayta ka orra fuurinni; umma qatayma kooni in co. Umma nooddota teyyanni in co.

Mataafa oppa' Ooreta 16:19

Firteeta qindan desa in quu'an umma qatayma in kodan; nooddota ookka qara'e ilda patinniiy, ka afa hanqeellaya alle quu'iniiy, nooddota nefo in teyyadan.

Qolaasiisi 3:11

Seden oori, Kirikkitta isho Yihutitta ka a dawra qara murade isho a in murannin ka karpampayta asalattane isho a in salattannin ka a natan co isho a nataan in kinnin oppaayye reexama takka nefo in co. Kiristoosi we' piisa ka we' piisa kara ca.

Qolaasiisi 3:25

Waaqa kapa qatayma in caaneey, nama neequmta koono, kodaade a neeqa kapa'e qitaatetaadi akkada.

Yayqoopi 2:1

Hellaanno a kiristaanatiiyyi, oton Yesuusi Kiristoosi, Poqallasene a ulfeena'e amannittaneeyye, nama takka takka qara qapa in kidan ka orra olqara an jaalshan.

Yayqoopi 2:4

Ka kuli sedenne akka orra olqara jaalinnittan ka firteeta qatayma' farannittan ishina akkaanni in kitto?

Yayqoopi 2:9

Oto orra olqaran jaalinnittan xoori, juppoota' koonittan ka qoota' seera qepissen malla akka qootisammittan.

Petroosi a paayyota 1:17

Waaqase orra olqara jaalinni in kinnin ka nama piisa akka kodaadi' mina' faranno'e, oto “Aappo” kiinittan ka haleenittaneeyye, piisse a xaykuma oppaayye, oto kalayta kodditen ka kallaannittaneeyye, isha fuuraan kallaada.