Kodampaya 1:16 - Mataafa Qulqulloota

¹⁶ “Hellaanno, qoota Yihutase, a orra Yesuusi qape tura' qateeti desa, qaaletase a mataafa qulqulloota a Hapura Qulqulloota turan qattishe ka afa Taawwiti oppan haasawade, dikkatta isheetta parpaacciste.

Kodampaya 1:16 ပူးပေါင်းရင်းမြစ်များ

Mataafa Saamu'eeli a lammatta 23:2

“Hapura Waaqa anoppanne haasawade, qaaletaadi ka arrapiyyo qara kitta.

Mataafa a Nuqussa a lammatta 15:12

Qaalese a Waaqa Iyyu haasawade ka kide, “Sanynyeetaayti haka xelta afuriti'i Isira'eeli qara nuqusumta.” ka dikkatte.

Mataafa Masmuureta 41:9

Moottiyyo an kippanno an toma takkoppa ollin damme kuli, ana qara paarkaallummaatan xa'e.

Maatiyoosi 26:14

Sitiiyyi tamaarewwasene kudanka lakki oppaayye, asqorottittase Yihuta kidammo, saarra qeesewwa kapopa aane ka ishootta kide,

Maatiyoosi 26:47

Ete sede afaappa in dikkinniniiyi, Yihuta, isase tamaarewwaadi kudanka lakkippa takka kodde, ide'e. Isha olliiyyiiw, samayta a koraatewwa isho kumaya qaqqapade, kuttayta ka de'e; ishootta saarra qeesewwa isho qimoota piita kapa erkamen.

Maatiyoosi 26:54

Oto asse kodditooyye, mataaffasene a qulqulloota kiina'e, ‘Rakkoota akkatta isha parpaaccisni;’ oori ayshanne dikkadan?”

Maatiyoosi 26:56

Ma wa malla se pisa koddite, akka waasene a xuumampaya taafene dikkadan malla.” Sitiiyyi tamaarewwaadi piisa ka alle isha diishen ka kapa qahen.

Mariqoosi 12:36

Taawwiti mattaadi'i ete hapura qulqullootatin immakaade ikide, ‘Ha Waaqa ipoqallaayyo kide: hakan paarkaalaatti ke kelopa orsho kara'e harkiyyo a akkitaati kuti'e.’

Mariqoosi 14:43

A Yesuusi sede afaappa in dikkinniniiyyi, Yihuta isase tamaarewwasene kudanka lakkippa takka kodde ka de'e. Orra a koraatewwa isho kumaya qapade kuttayta ka isha olli ca. Ishootta nefo saarra qeesewwa ka kollissampaya a seera isho qimoota piita kapa erkamen.

Luqaasi 22:47

Yesuusi ete sede haasawattaappa cooyye, orra lekayta ka eennow de'e. A ishoottan de'e nefo, Yihutase kudanka lakkasene oppa takka kodde. Ka Yesuusi dinkeeta isha kapopa dehaade.

Yohaannisi 10:35

Semmalla mataafa qulqulloota shaareeta in koddito; oto mataafa qulqulloota isaasine a qaaleta Waaqa ishootta deeteeti ‘waaqadda’ kide ka haleeyye,

Yohaannisi 13:18

Oton asse haasawannooyye, ishin piisa mallan. Anti ishina an reexade in upa ma xoori, qaalese a mataafa qulqulloota kiinitto ‘Nama laaqqotiyyo dame ana qara' paarkaalummaata' xa'e’ dikkatta isheetta parpaaccisni.

Yohaannisi 17:12

Anti an ishootta olli cooyye, maxxase' xaayti a ana' daassennen ishootta tooyte. Anti in ishootta tooyte; semalla akka qaaleta mataafa qulqulloota dikkatto'e, innoosen a pateetta maliiyyi ishootta oppa nama takka' nefo in panne.

Yohaannisi 19:36

Sede nefo wa malla asse koddite, qaaletase a mataafa qulqulloota kiinitto, “Ishoppaayye lafta takka nefo in qepto.” Akkima dikkatto malla.

Kodampaya 1:20

“Sede nefo wa malla asse koddite, Mataafa masmuureta oppa qaaleta a kiinitto ‘Tikaadi a onto, umma nama kara in kallaannin.’ Saarumaadi nefoow, a nama pila' teyyado.’ Qoota taafamte malla.

Kodampaya 13:15

Ete mataaffa seera isho a xuumampaya nappapamen kammaayye, saarrasene a tika qinseeta ka opa Pawloosi kapopa nama erken ka kidene, “Hellaanno, otoon qaaleta dehamta a orra xasa oorisso qaptaneeyye, haasawada.”

Kodampaya 13:38

Semmalla hellaanno a kiristaanatiiyyi, akka haseenta juppoota Yesuusin akkannaan akka ishina torramte upnaada.

Kodampaya 15:13

Ete ishootta haasawaden ka dikkishen kammaayye, Yayqoopi ka oorshe ka kide, “Hellaanno a kiristaanati! intoonno ana dakkaysadaay!

Kodampaya 15:7

Ete a kuttati oli shiishen kammaayye, Peetiroosi ka xa'e ka ishootta kide, “Hellaanno a kiristaanati, orra a Yihutaata in koddini akka ana qudan qaalese a otoota fayya dakayo ka amano'e se turanne Waaqa akkima ishin oppa ana ree'ade i'uptan.

Kodampaya 2:23

Isha' nefo mattaadi'i, akkima Waaqa xattaaw turan koda' qapade ka upnaade qara'e ishina' tarpe ka daasame. Ishina ka akka harka tiyyoolaya oppa' fannisamo ka to'o' kooten.

Kodampaya 2:37

Orrase ete sede dakayeeyye, ikka a kuttati karittaaysho karanxata ishootta' dakaatte, ika Peetiroosi isho erkamampayasene ata haseeti' kidene, “Hellaanno! Ka kuli maanan koona?”

Kodampaya 22:1

“Hellaanno ka aappadaannooyye! Tin amma malseetan ishin tura oorsanno, ana qara dakaya”

Kodampaya 23:1

Pawloosi ka firtishoonkotase quda ilda kode ka kide, “Hellaanno! anti haka awweti a karittiiyyo ana qootinni in kinnin malin fuula Waaqa tura kallaade”

Kodampaya 23:6

Pawloosi, orra eyye co oppaayye, paka takka akkima Saatuqaata kodde, paka takka ka Feresaata kodde upnaade ka nessaadi kuttishe ka firtishoonkotoppeela haasawade ka kide, “Hellaanno anti an Feresitta a Feresaattoppa dalade! Tin amma waan malla firteeta turoopa dehaade nefo, kippeetase daasamte isho tootoppa xaana a orra le'eti minanne.”

Kodampaya 28:17

Kuyyaata sessa kammaayye Pawloosi ka orra a Yihuta a Roomi kara kalo a kukutta halacciise ka ete ollopa de'eneeyye, ishootta kide, “Hellaanno, anti ishin dapayta an samayta Isira'eeli isho taanteta a aappadaannoti qara kode takka nefo in kitto. A koddito ma Yerusaalami kara'en hidme ka orra Roomi turopa tuukkame.

Kodampaya 28:25

Ka a olli in kallin mali oli kela pasen. A olli kela in, pasnin turan xoori, Pawloosi ete a piraampirati haasawannooyye ikide, “Wa Hapura Qulqulloota xuumampaytase Issayyaasi qudan aappadaassina haasawade dukaata.

Kodampaya 7:2

Istifaanosi ka oorshe ka kide, “Hellaanno ka appadaannooyye! Intoonno ana dakayaay. Aakkinno Aprihaami a piita Kaaraani kara kallaatta in annin turanne, a piita Mosoppotaamiya kara cooyyeew Waaqase a ulfeena isha tura akkaade.

Petroosi a paayyota 1:11

hapurase a Kiristoosi turan ishootta kara co ka rakkootase Kiristoosi qara' kayto ka rakkoose kammaayye, ulfeena a akkado turanneew ishootta akkishe. Ishootta ka sede piisa aytami akkima koddito ka atta akkima koddito kara qoren.

Petiroosi a lammatta 1:21

Xuuma takka nefo heenna namatin in deene. Ma orra Hapura Qulqullootatin marra'ame Waaqa qara teyyade ka xuumose haasawade.

Petiroosi a lammatta 2:21

Asaanta hanqeelluma upnaaden kammaayye, a ajajase Qulqullaawe ishootta daasame kapa iskammandesa ooran kapaayye, kadi saanta hanqeelluma'en upnaannini i'ishootta wayyi.