Keleshaata 9:4 - Mataafa Qulqulloota

⁴ Torraytase nefo, akka aykitta isho jabba ilaawa taaki qoyra takka nefo in miiddinini'i ishi' lelamte; torraytase orra miidda isha parpaaccisno orra kobbeeta Waaqa' fuulaaysho oppa in qapnini patta.

Keleshaata 9:4 ပူးပေါင်းရင်းမြစ်များ

Mataafa Iyyoopi 1:10

Isha ka toolaadi ka teyantaadi a qapo piisa kapa'e oxinta a' kanne? Kodaadi a harkaadi' piisa ishi' sakte. xellootaadi a okkaya isho a kahirra ka piita piisa qara immakte.

Mataafa Iyyoopi 1:12

Waaqa ka seetana' kide, “Tin wa qapa' piisa harkaaytippa caan ma, isha qudaaw in kayan.” Seetana ka oori fuula Waaqa' tura sooke;

Mataafa Iyyoopi 2:6

Waaqa ka seetana' kide, “Tin isha' harkaaytippa ca ma, napseetaadi qudaaw in kayan.

Mataafa Masmuureta 76:10

Miira nama' mikka, ulfeenaayti koddini; a miira kela hase nefo ka xaysonessumaatti ulfeessini.

Mataafa Sooketa 12:23

Yaahiwwe Kipseeta lessaata'e piitaaysho oppan tarpaay, oto qorasene paka pakan ca a xarra lakki isho manturayta quda diika akkooyye, Yaahiwwe tikoose kapanne tarpa, umma akka erkampatootase a toota tikkaassin karopa kullito ka ishin pirto in kodo.

Xuuma Hisqeeli 9:4

Ka ishi' kide, “Katama Yursaalami' piisa oppa a'aane ka nyalasene katama kara' kodde minanne, fuula orrase akata nyarrahe oppa' milikkita kode.”

Xuuma Hisqeeli 9:6

Qimaya ka xayyoolayse a diira ka tuparra isho iskatta ka hellaa shashakka' piisa leysha; ma nama a milikkita qapo takka nefo quda in kayan ka tikiyyo a qulqulloota kara paayya.” Ikka qimayaasene tika qulqulloota tura ca qara paayyen.

Maatiyoosi 24:24

Orra dartan issi ‘An Kiristoosi’ kiino isho xuumampaya darta'e xa'a ka oton i'ishootta koddiniiyyi orrase a Waaqa reexade kuli kamma daptissa'e, wa kukutta a orra qawwanna isho daxxowwa koda.

Efesooni 4:30

Ka kuyyaatase a oppa furamtane'e Hapurase a Qulqulloota a Waaqa a ishin kobbeetan toommamten in nyarrahasiisan.

Keleshaata 14:1

Sekkammaayye, tin laahase ka irroota Siyyooni qara qa'ade anka akke. Isha olliiyyi nama kuma dippa kunda afuri afuri a maxxaadi isho maxxa aappaayshoti miintoppa ishootta taafame ka ca.

Keleshaata 6:6

Anka nessa a uumatase caata qapo afuri otantoppa xa'e paho dakaye, nessase ka kiini, “Kappa a kiilota quda paka mina' co a xaayya kuyyaata takka' koddo. Poorta a kiilota takka ka paka mina' kittoow a xaayya kuyyaata takka' koddito; ma sayteeta isho wayneeta in miidan.” Anka dakaye.

Keleshaata 7:1

Sekkammaayye anka erkampattowwa afur a qeppeelliyya piita afur qara' qa'ade akke; ishootta ka piita ka pakateeta isho qoyra qara'e akka xayxayta takka nefo in uruurinini'i, xayxayta piita a qindadda afuri desa uruurino tura qapen;

Keleshaata 8:7

Erkampattoota paayyota ka turumpaadi dawte, apteenta isho apitta a diika olloppa lahe ka kodde. Ka piita qaropa katame; piita qudaayye, harka sessaappa takka ka kupade. Qoraappaayyeew, harka sessaappa takka ka kupadeew. Aykittta a ilaawa piisa ka kupade.