Keleshaata 9:2 - Mataafa Qulqulloota

² Isha ka hiwwalaallasene' pane; hiwwalaallasene karaayye qayya a kisa kutta oppa xaano paho ka xa'e. Qayya a hiwwalaallasene kara xa'e minanne piirtota isho xayxayta ka tukkanen.

Keleshaata 9:2 ပူးပေါင်းရင်းမြစ်များ

Mataafa Uumata 15:17

Ete halkeettaawteeyye, opaya apitta kisa' paho isho qayya arta so'asene qootameetiiyyi otantoppan tarpe.

Mataafa Uumata 19:28

Ete Sodoomi ka Kamoora ka piita kapandesa kitto piisa tooynooyye, qayya oppa xaano, qayya apitta a mura a kutta kupno oppa xaano paha.

Mataafa Sooketa 19:18

Qoota Yaahiwwe irrootase a Siina qara apittan lekkade malla, qayya ka irroota a Siina qara pire; qayyase ka akka qayya a kupaanaappa xaano mina'e, tullupaytini; irroota piisa ka a kuttati lellehte.

Xuuma Issayyaasi 14:31

Nyaapa a kokkoka a xelaadippa nama takka nefo in nukkullini qutatte xata ishin qara' deeniiy, xarradaappa pooya ka katamaappa ullupa ka Filisteemeteeyye, piisani fuuraan xarra!

Xuuma Taani'eeli 3:6

Nama pahanooseneti' xata in kiinnin ka in sakatannin sitiiw porase a kara apitta opayno co karopa katama.”

Xuuma Iyyu'eeli 2:10

Piita ishootta tura ixarta, moonta ka olkelan lelleehta, piirtota isho leya ka alle' tukkanan, umma hiikka in la'ayan.

Xuuma Iyyu'eeli 2:2

Ha kuyyaase kuyyaata tukkanta ka a qayanqayoota; ka a urratta isho a otomala poora. Akkima piirtota teykante irrowwa qaran piirrito mina'e, torrayta akata leka piita qara pira, umma wa asse paha apari in koddine umma itturopa nefo in koddan.

Xuuma Iyyu'eeli 2:30

Ka illi moonta quda'e ka xati piita qara'e, wa orra qawwanna' koda; diika ka apitta ka qayya kupno ka kodda.

Kodampaya 2:19

Illi moonta quda'e daxxowwan koda. Ka xati piita qara'e wa orra qawwanna akkisha, Diika ka apitta isho qayanqayoota qayya ka akkaatta.

Keleshaata 14:11

Qayya a apittase ishootta rakkacciiso nefo, paraparaayye haka paraparati'i opeela xa'a. A uumata a catta qapo isho waakkaadi sakatanna ka milikkita a maxxaadi kodade piisa, halkeetta ka kuyyaata'e nessuma in qapan.

Keleshaata 16:10

Erkampattoota kenatta'ew, suufaana pinantaseti qara'e kuppaayyaadi tuqte. Mankisteeta pinantaseti ka tukkantaawte. Rakkootaaysho qaran xaate'e, orra ka iskaraayye arrapa alalli.

Keleshaata 8:12

Erkampattoota afratta ka turumpaadi dawteew. Piirtota qudaayye harka sessaappa takka ka leya qudaayye harka sessaappa takka isho hikka qudayyeew harka sessaappa takka ka daysame; seminanneew ishootta qudaayye harka sessaappa takka ka tukkane. Sedenne kuyyaata qudaayye harka sessaappa takka isho halkeetta qudaayye harka sessaappa takka ka la'ayta dape.

Keleshaata 9:1

Erkampattoota kenatta ka turumpaadi dawteew. Anka hikkitta takka a moonteeyye piitopa pi'e akke. Fura hiwwalaalla ka ishi' daasameen.

Keleshaata 9:11

Ka nuqusa kuli qapan. Isha' nefo, erkampattoota a hiwwalaallaseneti. Maxxaadi nefo afa Iprutin apaddooni kidammi ka afa Kirikkitinni, aboliyooni kidammi.

Keleshaata 9:17

fartadasene isho xelase fartadaasene qara kute'e, akkan kelashaatoppan ishootta akke mina'e, akka pahan arepaxata lelamte; siplase kessoppa qaarannaan a kessaaysho qara co a porooda apitta mina'e tiimi; ka akka dakase yaakinti kidammo mina poori ka ishin moonta paha; ka akka dakaase a apitta mina puddayyaysi. Mattada fartadaaseneti, mattada karmada'e pahan. Apitta ka qayya isho daka apitta ka afaappa ishootte sookni.