Keleshaata 8:9 - Mataafa Qulqulloota

⁹ Pinaana pakateeta kara kala oppaayye harka sessaappa takka ka jolqe. Markapadda qudaayyeew harka sessaappa takka ka pirame.

Keleshaata 8:9 ပူးပေါင်းရင်းမြစ်များ

Mataafa Masmuureta 48:7

Ka akkima markappasene a piita Terseesi a puppeeta qinda piirtota ishootta qeqqepinnitta mina' kodden.

Mataafa Sooketa 7:21

Murkuja kirra Appaayi kara co piisa ka le'e. Qoota pisha kirra Appaayi xaccannaan malla, Kipseeta ka pishasene ika malaalte. Piita Kipsi kara diika ka pora piisa oppa caade.

Xuuma Issayyaasi 2:16

ka markapadda a Tersesi' piisa isho koonkadasene a ulfeena' piisa jeersha.

Xuuma Issayyaasi 23:1

Sene erkana Waaqa a qoota Tiroositi desa lelame; ishina markappa a Tiroositiiyyi, Tiroosi iqitqitteey umma tikka in qaptooy; umma pora oppan pakateeta oppopa sookto ka oppan kalto in qaptooy pooya; oto piita Qobbiroositi kallittaneeyye, otoota a' dakaytan sedewweey.

Xuuma Sakkaariyaasi 13:8

Waaqa ikiini, “Orra piisse oppa co oppaayye, harka sessa oppaayye, harka lakki idaysama ka pirama; a koddito ma harka sessa oppaayye, harka takka hasa.

Xuuma Sakkaariyaasi 13:9

Harkoose takka a kela hase nefo, apittoppopan tuqa ka akka a dakara' mina xoopa ka akka a warqeeta' mina liilsha ka ekkaysada. Sekkammaayye ishootta maxxiyyo halan, anti ka ishootta dakaya ka ishootta' kida, ‘Samaytiyyo’ ishootta ka ana' kidane, ‘Waaqa Poqallaanno.’”

Keleshaata 12:4

Ka ektaadin hikkasene qudaayye harka sessaappa takka moonte tite ka piitopa ishootta tuqe. Pofase oto iskatteese xaaytooyye qoota innaadi loqa dikade malla, iskatteese xaaya foolsatte tura'e qa'ade.

Keleshaata 16:3

Erkampattoota lammatta ka kuppaayyaadi pakateeta karopa tuqteew. Pakateetase ka diika a nama to'e pahanaatte. Wa pakateeta kara kala a nessa qapa piisa ka piramen.

Keleshaata 8:10

Erkampattoota sessatta ka turumpaadi dawteew. Hikkitta kuttayta a ila mina opayno ka moonte pi'e ka kirrada qudaayye harka sessaappa takka isho ella pisha qara' de'e.

Keleshaata 8:12

Erkampattoota afratta ka turumpaadi dawteew. Piirtota qudaayye harka sessaappa takka ka leya qudaayye harka sessaappa takka isho hikka qudayyeew harka sessaappa takka ka daysame; seminanneew ishootta qudaayye harka sessaappa takka ka tukkane. Sedenne kuyyaata qudaayye harka sessaappa takka isho halkeetta qudaayye harka sessaappa takka ka la'ayta dape.

Keleshaata 8:7

Erkampattoota paayyota ka turumpaadi dawte, apteenta isho apitta a diika olloppa lahe ka kodde. Ka piita qaropa katame; piita qudaayye, harka sessaappa takka ka kupade. Qoraappaayyeew, harka sessaappa takka ka kupadeew. Aykittta a ilaawa piisa ka kupade.

Keleshaata 9:15

Erkampattowwasene afuri saatetose isho kuyyaatose ka leyoose isho paroseti harmisade ka akka sanynyeeta nama qudaayye harka sessaappa takka pirane'e furmaden.

Keleshaata 9:18

Apitta ka qayya isho dakaase a apitta erkannaawwosen sessa afaasso oppa sooknaatinni, sanynyeeta nama qudaayye harka sessaappa takka ka piramte.