8 Erkampattoota lammatta ka turumpaadi dawteew. Wa irroota kutta' paha ka opayaan pakateeta karopa pi''en. Pakateeta qudaayye, harka sessaappa takka ka diika kodde.
Waaqa ikiini, “Atti patissampayteeta a irrootaatiiyyi, ke a piita piisa patinnitto, tin anti ke qara'en xaani; harkiyyon ke qara' xaasha, ka hiiba takeela qara xata ke suksha ka irroota a kupatte ke koda.”
Oto xuumampayta sassapatamooyye ka qaaleta a xuuma' haasawadooyye, a xuumampayse sassapade ana Waaqa; anti harkiyyon isha qaropa xaasha ka samaytiyyo a Isira'eeli oppa alle isha pashsha.
Waaqase piisa qara qapo ka wa pila ana akkisheew, Waaqase piisa qara qapo ka qitaatese akkissa'e, apitta erke; apittase ete pakateeta laaw kiishe ka kokshe kammaayye, piita kuli kupa paayye.
Harkoose takka a kela hase nefo, apittoppopan tuqa ka akka a dakara' mina xoopa ka akka a warqeeta' mina liilsha ka ekkaysada. Sekkammaayye ishootta maxxiyyo halan, anti ka ishootta dakaya ka ishootta' kida, ‘Samaytiyyo’ ishootta ka ana' kidane, ‘Waaqa Poqallaanno.’”
Anti dukaatannen ishina kiini, nama oton isi karan xata oppa qaapni in kinnin ka wa kide akka ishi koddane amanni, kati irrootoseti kida, ‘Areppa xa'e ka pakateeta karopa katameeyye’ i'ishi koddita.
Erkampattoota paayyota ka turumpaadi dawte, apteenta isho apitta a diika olloppa lahe ka kodde. Ka piita qaropa katame; piita qudaayye, harka sessaappa takka ka kupade. Qoraappaayyeew, harka sessaappa takka ka kupadeew. Aykittta a ilaawa piisa ka kupade.