Keleshaata 8:7 - Mataafa Qulqulloota

⁷ Erkampattoota paayyota ka turumpaadi dawte, apteenta isho apitta a diika olloppa lahe ka kodde. Ka piita qaropa katame; piita qudaayye, harka sessaappa takka ka kupade. Qoraappaayyeew, harka sessaappa takka ka kupadeew. Aykittta a ilaawa piisa ka kupade.

Keleshaata 8:7 ပူးပေါင်းရင်းမြစ်များ

Mataafa Masmuureta 105:32

Pakka pisha oppa apteenta roope. Ka piitaaysho oppa apitta lekkishe.

Mataafa Sooketa 9:33

Muuse ka oori Feri'ooni kapa xa'e ka katama kara sooke; ka harkaadi opeela qapade ka Yaahiwwepa qinsade. Qaqawwase isho apteentase ka qa'atte; umma kammopa roopa in roopne.

Xuuma Issayyaasi 28:2

Tin ha Poqalla, nama takka a uufanditta apteenta ka a puppeeta a paata haanitto ka a malxa kutta a piita qara pirro mina kokkoka ka hupnampayta kodde qapa; isha ka piitopa isheetta kata.

Xuuma Issayyaasi 29:6

Waaqa a we piisa ettaninno, qaqawwa ka lelleehayta a piita ka nessa a kutta ka puppeeta ka puppeeta a kokkoka a pisha qara isho apitta a paata domohinnonne de'a ka ken paha.

Xuuma Issayyaasi 30:30

Waaqa ka nessase' xaadi a ulfeena akka orra' dakaado' koda ka hupnase' xaadi qatta'a' lekkanno, akka miiraadi a kokkoka ka apittaadi a domohinno ka qaqawwa ka puppeeta isho apteentan akkaado' koda.

Xuuma Issayyaasi 32:19

Kadi punu mura apteentan luuqqaayye, katama ka takka alle qitqitaneeyye,

Xuuma Hisqeeli 38:22

Ishootta qara'en farata ka paaqa a tuullino ishootta qara' qeeda ka orannaappa ishootta pira ka isha ka xelaadi a oranna isho samayta a isha quda co qara'e roopa a kutta ka qita; apteenta ka apitta isho daka apitta ka roopa.

Xuuma Iyyu'eeli 2:30

Ka illi moonta quda'e ka xati piita qara'e, wa orra qawwanna' koda; diika ka apitta ka qayya kupno ka kodda.

Yayqoopi 1:11

Atoota oto awdinittooyye, jabba kokinni, pisaadi ka sehni; paxaarumtaadi ka panni. Teyantoolayta nama'ew oto kodaadi kammaaw keerannooyye, asseew panni.

Mataafa Iyyaasu 10:11

Amooratase ete hellaa Isira'eeli tura takeelan xata qahanittooyye, haka katama Aseqati'i Waaqa moonte xata ishootta qara apteenta a dakada kukutta mina kikitto roope. Orra apteenta lesse ka lekumtan orra a Isira'eeleta lesse qara qapa.

Petroosi a paayyota 1:24

Mataafa ikiini, “Nama pisa a miissa' mina, ulfeenaadi piisa kan, pisa koommayta' mina. miissa ikokni, pisaadi ka seehni.

Keleshaata 12:4

Ka ektaadin hikkasene qudaayye harka sessaappa takka moonte tite ka piitopa ishootta tuqe. Pofase oto iskatteese xaaytooyye qoota innaadi loqa dikade malla, iskatteese xaaya foolsatte tura'e qa'ade.

Keleshaata 16:2

Erkampattoota a paayyota ka ante ka kuppaayyaadi piita qaropa tuqte. Orra milikkita pinantaseti qapo ka pahanaadi sakatanno quda'e, fayka neeqa ka suraawna ka doddo'en.

Keleshaata 16:21

Apteenta a matta mina kiilota kunda afuri keni mina kikitto ka moonteeyye orra qara roopte. Erkannaatase qoota dikke a orra miiddinitto koddite malla, orra ka erkannatase a apteenta minan Waaqa ote.

Keleshaata 6:8

Tin anka farta puleeta akke. A fartase' qara kute'e maxxaadi toota kidammi. Si'ooli ka isha kamma' qatte. Toota isho si'ooli akka orannaanne ka lootanne ka paaqa orra pirronne isho pinaana koommaytatin piita qudaayye harka afuri oppa takka pirane'e, hupna ukkumeeta ka ishootta' daasame.

Keleshaata 7:1

Sekkammaayye anka erkampattowwa afur a qeppeelliyya piita afur qara' qa'ade akke; ishootta ka piita ka pakateeta isho qoyra qara'e akka xayxayta takka nefo in uruurinini'i, xayxayta piita a qindadda afuri desa uruurino tura qapen;

Keleshaata 9:15

Erkampattowwasene afuri saatetose isho kuyyaatose ka leyoose isho paroseti harmisade ka akka sanynyeeta nama qudaayye harka sessaappa takka pirane'e furmaden.

Keleshaata 9:18

Apitta ka qayya isho dakaase a apitta erkannaawwosen sessa afaasso oppa sooknaatinni, sanynyeeta nama qudaayye harka sessaappa takka ka piramte.

Keleshaata 9:4

Torraytase nefo, akka aykitta isho jabba ilaawa taaki qoyra takka nefo in miiddinini'i ishi' lelamte; torraytase orra miidda isha parpaaccisno orra kobbeeta Waaqa' fuulaaysho oppa in qapnini patta.