Keleshaata 8:5 - Mataafa Qulqulloota

⁵ Sekkammaayye erkampattootese ka meehase kara tankarta qayyannaan qapatte ka poqasene a kalisoota qaraayye oppa apitta immakte ka piitopa shuulite. Qaqawwa ka nessa ka hankaada isho lellehayta piita ka kodde.

Keleshaata 8:5 ပူးပေါင်းရင်းမြစ်များ

Mataafa a Nuqussa a paayyota 19:11

Waaqa ka ishi kide, “Aane ka irroota qara fuuliyyo a Waaqa tura qa'ado.” Waaqa ka isha kapan tarpe. Fuula Waaqa turandesa, puppeeta kokkoka ka kuttayteeta ka irrowwa kakkaani ka shilalla pappaqinni. Ma xoori Waaqa puppeetose karaayye in co. Puppeetase kammaayye, piita ka lelleehteew. Umma Waaqa lelleehaytose a piita karaayye in coow.

Mataafa Masmuureta 18:13

Waaqa moontexata xirare; isase' piisa qara qapo ka [apteenta ka hankaada poroodan] nessaadi dakaytishe.

Mataafa Sooketa 19:16

Kuyyaata sessattati teykanteeyye, qaqawwa ka irrootase qara dakaanni; hankaada isho oraarta poora ka akkaanni; nessa kaasa ka kuttumtan dawammi; samayta safaroppa co piisa ka xarri.

Xuuma Issayyaasi 29:6

Waaqa a we piisa ettaninno, qaqawwa ka lelleehayta a piita ka nessa a kutta ka puppeeta ka puppeeta a kokkoka a pisha qara isho apitta a paata domohinnonne de'a ka ken paha.

Xuuma Issayyaasi 30:30

Waaqa ka nessase' xaadi a ulfeena akka orra' dakaado' koda ka hupnase' xaadi qatta'a' lekkanno, akka miiraadi a kokkoka ka apittaadi a domohinno ka qaqawwa ka puppeeta isho apteentan akkaado' koda.

Xuuma Issayyaasi 66:6

Nessoose a horayta a katama kara xaano dakaya! Ka ullupitta a tika qulqulloota' kara dakaanno dakkaysada! Sede nefo nessa Waaqa, a juppootaaysho' kapa nyaapaadi qattaanooti.

Xuuma Ermiyaasi 51:11

lawadda laaja ka kontalewwa qapada; Waaqa qoota Paapilooni qatta'a qapo malla, nuqussa a metooni'i ishootta qara' xaashe; maana malla, ini haalota Waaqa; ikka tikaadi malla isheetta qara haalota pooyyiniiy.

Mataafa orra Lewi 16:12

Ka fuula Yaahiwwe turaayye porase a kalissota qaraayye tinna kara porooda hooddo ka kara immako ka tankarta alaawnitto ka yooqamte harraamaappa immako ka kaatasene akata qulqullaawe kelopan kullo.

Xuuma Sakkaariyaasi 14:5

Ishina ka naabose haka a Saaliti ooro karan desa qahatan. Ka akkima sapanase a Oosiyani nuqusa a Yihutaati piita lellehete akka turaayye qahaten mina'e asseew qahatan. Sekkammaayye Waaqa Poqallaanno ka de'a, qulqullowwa piisa ka isha olli de'an.

Maatiyoosi 24:7

Samayta samayta qara'e oranna xa'a, mankisteeta ka mankisteeta qara oranna xaata; porra lekayaappa'e loota ka deeta, porra lekayaappanne piita ka lelleheta.

Luqaasi 12:49

Kamma desa Yesuusi ikide, “Tin anti piita qara apitta qaptissa'en de'e. Katin irra qara ana qapanniiyyi attan heena!

Kodampaya 16:26

A opani isi qara in upnin maliiyyi haka kiritta tika hida xereeno'e piita ka harmo lellehete; xarrada piisa ka takka panamen. Sansalaata a nama hidame piisa quda co ka furame.

Kodampaya 4:31

Ete qinseeta diikkishen kammaayye, porase a oppa ollin caan ka lellehe. Ikka piisani Hapura Qulqullootatin immakaaden ka fuura mali qaaleta Waaqa maxanyumaan torren.

Keleshaata 11:13

Saatese oppa'ew piita ka akata lellehete. Katamasene qudaayye harka kudani oppaayye takka ka qitqite. Lellehayta piita minanne, nama kuma tappa ka pirame. A toota kela pahee ka a kuttati fuuren ka Waaqa a moonta ulfeessen.

Keleshaata 11:19

Tikase a qulqulloota a Waaqa moonte kitto ka panamte. Taapotase xaadi a kodayteeta ka tikase xaadi a qulqulloota kara akkaatte. Hankaada ka nessa ka xirara ka lellehayta piita isho apteenta kuttayteeta ka kodden.

Keleshaata 4:5

sufaanase qudaayye, hankaada ka nessa xirara isho a qaqawwa ka deeni. sufaanase turaayye ila opayna tappa ka caan. Ishootta' nefo hapurrasene a Waaqa tappa.

Keleshaata 6:12

Sekkammaayye ete laahase kobbeeta lehatta' paneeyye, ishopan tooyyade. Piita ka a kuttati lellehte. Piirtota ka akka ohaata dapteeta a poora' mina poornaatte, leya pisa ka akka diika mina' tiimnaade.

Keleshaata 8:3

Erkampattoota pila a meehase kara tankarta qayyannaan warqeetoppa kodame qapatte ka deete ka poqa kalisoota' kapa qa'atte. Poqasene a kalisoota a warqeeta sufaana tura co qara'e, tankarta kuttayteeta a qinseeta qulqullowwa' piisa olli kalsammitto ka ishi' daasamte.