Keleshaata 8:3 - Mataafa Qulqulloota

³ Erkampattoota pila a meehase kara tankarta qayyannaan warqeetoppa kodame qapatte ka deete ka poqa kalisoota' kapa qa'atte. Poqasene a kalisoota a warqeeta sufaana tura co qara'e, tankarta kuttayteeta a qinseeta qulqullowwa' piisa olli kalsammitto ka ishi' daasamte.

Keleshaata 8:3 ပူးပေါင်းရင်းမြစ်များ

Mataafa a Nuqussa a paayyota 7:50

Ka tiwwada ka paallawwa ka qorewwa ka muuqadda ka qorewwa a kara tankarta qayyannaane ka qeppeelliyya a xarrada a qulqullitteeta qulqullowwa isho a tika qulqulloota piisa warqeetoppaayyeew kodamen.

Mataafa Masmuureta 141:2

Qinseetiyyo akkima tankareeta' mina, a ke turopa dehaatto; harkaayyo an opeela xa'inna ka akkima kalisoota kalaakala' mina' kodden.

Mataafa Sooketa 40:26

Muuse ka porase a kalisoota a warqeetoppa kodame tukkanase a Waaqa kelopa kullishe ka kaaranta mina desa xaaye.

Xuuma Issayyaasi 6:6

Sekkammaayye uumataddasene a moonta oppa takka ka porase a kalisoota' qaraayye qaptootan porooda qeette ka moontan xa'atte ka ana kapopan deete

Xuuma Hisqeeli 41:22

Pora kalisoota a qoyroppa kodame ka caaw; derumaadi moontandela metireeta takka ka paka; paldumaadi a piitandesa metireeta takka; derumaadi a piitandesa metireeta takka; qeppeelliyyaadi ka kiriyyaadi isho qussaadi qoyroppaaw kodamen; namase ka ana' kide, “Ha sede tarabbeesa a fuula Waaqa' tura kinnaanno.”

Xuuma Amoosi 9:1

A Waaqa porase qara' kalisoota kalinnaan kapa' qa'aden akke, ikka kide, “Akka tika qulqulloota kela qapaya xerere'ane'e, kelaayye tuudda tottoome ikka orra piisa qara' qitto, anti a kela hase'en koraatetan pira; umma nama takka nefo ishootta oppa qaha in ettansho; umma nama kelaayye passado in caado.

Xuuma Milkiyaasi 1:11

Waaqase we piisa ettaninno ikiini “Samayta piita qara kalo piisa haka piirtotati paayyatte haka dumaatati ana ulfeessini ka pora pisa oppaayye tankarta alaawnitto ana qayyanni ka kalisoota qaja in qapnin ana kalinni, orra piisa ka ana ulfeessa.

Mataafa Dikoota 4:11

Ka ohaata moonta pahato porase a kalisoota a warqeeta qaran deken ka qara oyleetase a kollaya qolpaya oppa kodamte qara uwwishen; ka poraadi karopa molookadda kalshen.

Mataafa Dikoota 7:62

Ka saahina a warqeeta takka a sheqileeta kudani kayno a kara tankarta immake,

Luqaasi 1:10

Oto tikase a qulqulloota kela tankarta qayyannaaneeyye, samayta piisa laka tula'e qa'anni ka Waaqa qinsanni.

Roomi 8:34

Ayno ishootta qara' farata? Hela Yesuusi Kiristoosi ishootta qara' farata? Ha isha ino malla to'e ka tootoppa xa'e ka harka Waaqa Aappaati akkitta' kute'e ka isha ino malla Waaqopa qepanni?

ipro 7:25

Se malla isha, ishootta' Waaqopa qinsatta'e, qoota haka paraparati' kallaanno malla, a isha qudan Waaqopa deena' piisa, immakkootan dinissa i'ettaninni.

ipro 9:4

Kaatosen karaayye, meeha a warqeetoppa kodame, a kara tankarta qayyannaan isho taapotase a kodayteeta a warqeetan quda dekene ca. Taapotose a kodayteeta' karaayyeew, qoreeta warqeeta a kara Menna xaayen ka uleetase a Arooni japarte, isho dakaddasene qaqqaaha a qara' seerase kudan taafame'e ca.

Keleshaata 10:1

Se kammaayye, anka erkampattoota a pila a hupnampayteeta koddite ka oraarta uwwisatte a moontexata lekkannitto akke. Pankaallata ka mattaadi kapa qorrasse; fuulaadi piirtota paha. Loqqaadi ka tuudda apitta pahan.

Keleshaata 14:18

Erkampattoota pila a apitta qaraayye hupna ukkumeeta qapto ka porase a kalisoota kapa sookte ka erkampattootase maajita a qarta qapo qapto'e, nessa a kuttan kiite, “Dalta a saara qara kitto ipaliteey, maajitaayti a qarta qapo erake ka piita qaraayye dalta wayneeta a saara qara kitto piisa quure ka ollopa oorshe!”

Keleshaata 5:8

Ete mataafase ollopa marrammo qeedeeyye, uumatase caata qapo afuri isho qimayaasene kunda lakki afuri ka laahase' tura itturandesa seehen ka ishi' sakataden. Ka matta mina kehayta qapaden ka qorewwa warqeeta a oppa tankarta immakene' qapaden. Tankartose' nefo qinseeta qulqullowwa.

Keleshaata 6:9

Ete kobbeeta a kenatta' paneyyeew, anka, poqa kalisoota' kela'e napseewwa a orrase' qaaleta Waaqa isho maakkumaaysho a daashen malla leysame akke.

Keleshaata 7:2

anka erkampattoota pila a kobbeeta a caattampayta Waaqa' qapatte a qinda piirtotati desa deenitto akke. Ikka erkampattowwasene afur isasene akka piita isho pakateeta miiddane'e hupna ishootta' daasame opa nessaadi kuttisse ka ullupte ka kiite,

Keleshaata 8:4

Harka erkampattootaseti oppaayye, qayyase a tankarta ka qinseeta a qulqullowwa olliiyyi, fuula Waaqa' turopa opeela xa'e.

Keleshaata 8:5

Sekkammaayye erkampattootese ka meehase kara tankarta qayyannaan qapatte ka poqasene a kalisoota qaraayye oppa apitta immakte ka piitopa shuulite. Qaqawwa ka nessa ka hankaada isho lellehayta piita ka kodde.

Keleshaata 9:13

Erkampattoota a lehatta ka turumpaadi dawte. Tin anka kaassaasene afuri a porase a kalisoota a warqeetoppa kodame ka fuula Waaqa tura co qara desa, nessa xaano dakaye.