Keleshaata 7:9 - Mataafa Qulqulloota

⁹ Sekkammayye anka tooyyade ka orra akata leka akke, ishootta lekna ka kaffa ka sanynyeeta isho orra afaa ika lekayta haasawanno oppaayye ollopa sooken ka mehadda a''ata' kalsaden ka taamma qoyqoyta harkoppa' qapaden ka sufaanase isho laahase' tura' qa'aden.

Keleshaata 7:9 ပူးပေါင်းရင်းမြစ်များ

Mataafa Uumata 13:16

Sanynyeetaayti akka Tahayta kirra mina'en koda; akka Tahayta kirra dika' ettansammi in kinnin mina'e, sanynyeetaayti dikama in ettansamto.

Mataafa Uumata 49:10

Haka piddampayta a samayta piita piisa isha'ew ajajama' deeno kara'e, nuqusuma harka Yihuta oppa'ew tawa, uleeta a siltaana (a nuqusuma) umma nama a harkaadi oppa poqqisho in caado.

Mataafa Masmuureta 2:8

ana qinsado; anti samayta piita'en, kodayteetaayti' koda; ka pora oppa piita oorto piisa qoottotaayti' koda ka ke' daashaay.

Mataafa Masmuureta 22:27

Orra piita piisa, a matte isha oorsade ka Waaqopa tiitaawo; kaffa samayta' piisa ka isha tura' sakatadan.

Mataafa Masmuureta 76:4

Oo Waaqqo, atti illa'ayni; ka irrowwa kukutta qaropa kuttuma' jaalli.

Mataafa Masmuureta 77:2

Kuyyaatiyyo a rakkootati Poqallaan fade, ka an nessannin mali halkeetteeyye harkaayyo ishopa qapanni rafe; napseetiyyo xoori xasa oorsatta imalaalte.

Mataafa Masmuureta 98:3

Xoonaadi ka amanamumaadi a hellaa Isira'eeliti' qapo dikade. Xaalla piita' piisa ka dinssa a Poqallaanno akken.

Xuuma Ermiyaasi 16:19

Oo Waaqqo! Ke a kokkonnumaayyo ka mishshikeetiyyo an eta rakkootati karopa qahano kodde; samayta, piita piisa qaraayye ke kapopa de'an ka kida, “Aappadaanno killanna a we takkan nefo ishootta qara nakanni in kinnini a paata patta'e lehaden.

Xuuma Ermiyaasi 3:17

Sitiiyyi ikka Yursaalami halan ka kidane ‘Sufaana Waaqa’ Mankistewwa piisa ka maxxa Waaqa ulfeessa'e, ollopa de'an; umma arepadesa kamtoolluma a karittaayshoti a nyiraamuma kamma in aanan

Xuuma Hisqeeli 47:5

Ikka amma metireeta dippa keni ekkaysadeew; qoota pishaasene opeela xa'en malla, ikka kirra an oppan tuulla an ettaninnin kodden; ishootta oppandesa anta in koddan; ma pisha a daana kaye mina'e karanxata seki.

Xuuma Taani'eeli 4:1

Nuqusase Naapukedenasoori orra piita piisa qara kalo ka afaa karkar ca' haasawanno piisa opa erkana erke ka kide, “A nakayta ishina' koddo!

Xuuma Taani'eeli 6:25

Sekkammaayye nuqusase Taariyoosi ka samayta piita piisa qara kalo ka afadda karkari haasawanno piisa'e, erkana taafe ka kide “A nakayta ishina' koddo.”

Hoose'i 1:10

Ma xoori samayta Isira'eeli eta a oppa porase a oppa Waaqa ishootta' kide, “Ishina a orriyyon.” oppa'e “Hellaa caattampayta Waaqa'e” kidamane de'a; lekumtaaysho ka akka hinkaajjeta daka kela' mina' koddita.

Mataafa orra Lewi 23:40

Kuyyaata paayyotatiiyyi qora piitaayshina qara luukkata paxaara ka taamma sampaapa ka taamma a qara haashsha qapa isho jaffeeta pisha kapa'e qapattan ka kuyyaata tappa kara'e fuula Yaahiwwe a Waaqaayshina (elohim Waaqa) tura xasoottan.

Xuuma Sakkaariyaasi 10:8

Fiijaannen ishootta hala ka ollopa ishootta oorsha ka dukaatan ishootta furada; ishootta ka akkimase a xatta' mina pooran.

Xuuma Sakkaariyaasi 2:11

Awsetiiyyi, samayta a piita lekayta'e Waaqa kapopa heeqqa ka samaytiyyo kodda; anka ishin oppa' kallaada.” Atti ka akka Waaqase we piisa ettaninno ke kapopa ana erke upnaatta.

Luqaasi 12:1

Sitiiyyi, samayta a kuma lekayta mina co ollopa xore ka lekumaasso qaran xaate'e oli tuukni ka olqara yeyyetanni. Yesuusi ka turan qattishe ka tamaarewwaadi asse kida paayye “Haddaya Feresaata pappahanassase xaaysho kapa isi tooytaada

Luqaasi 21:36

Semmalla akka wossen deena piisa kela pahatan ka fuula inna a nama tura qa'atta ettanissane'e, qinsada ka awta piisa japaada.”

Yohaannisi 12:13

Ka taamma Sampaapa qapade ka isha teyyatta' sooke ka nessa kuttishe ka kide, “Hosa'inna, nuqusa Isira'eeli a maxxa Poqallaatin deeno a eeppisamo!”

Roomi 11:25

Hellaanno a kiristaanatiiyyi, an upnampaya in kidan ka in jeejjaadan; juuttota an ishina' lelo takka ca. Sede nefo Isira'eeleta amana tiittetaadi, haka a Yihutaata in koddinini piisa immakkootan Waaqopa deenaan kara'e koddita diisheey, amana tiitteta kammaaw in caatto.

Efesooni 6:13

Semmalla kuyyaata neeqati akka hupna nyaapa isi qara oorissa ettanissane'e ka we' piisa dikkissa ka qa'atta ettanissane'e, meeha oranna a Waaqa' piisa hidada

ipro 11:12

Semmalla, Aprihaami takkayta isase nama to'e kapa' dikammo karaayye sanynyeeta a lekuma hikka moonta isho hinkaajjeta daka kela' pahato ka teyatte.

ipro 12:22

Ishina' xoori irroota Siyyooni kapopa idehaatten isheetta nefo Yursaalami a moonta; katamasene a caattampayta Waaqa ka erkampattoowwasene kumadda lekaya kapa' dikamma xasan ollopa aane kapopa dehaatten.

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.

Keleshaata 22:3

Umma arepa desa jiija takkan nefo in kinnaadan. Sufaana Waaqa isho a laahaseti katamasene kara kinnaadan, orxayaadi ka isha waaqaysadan.

Keleshaata 3:18

teyantoolayta kodda'e warqeetase apittan ekkaysatamte akka ana qara piddatto ka jeera lulle kinnaattaayti' qara deka'e, mehadda a ata' kalsatto ka akka' paata akka ettanisso'e, qorsa ilda' piddatto ka ildaappa' daatatto'en ke dehaammi.

Keleshaata 4:4

sufaanase kapan desaaw suufaana kunda lakki afuri caaw. Suufaanaddasene qara'e, qimaya kunda lakki afuri, a mehadda a'ata' kalsade ka kullewwa a nuqusa a warqeeta a mattaaysho qara' kalsade ka qaa'en.

Keleshaata 5:11

Eten tooynooyye; sufaanase ka uumatase' caata qapo isho qimayasene kapandesa, anka nessa a erkampattoowwa leka' dakaye. Lekumtaaysho' nefo kumadda leka isho miloonewwa leka.

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.

Keleshaata 6:11

Ishootta matta mina'e mehadda a kalsadane a a'ata ka ishootta daasamen. Haka dikootase a hellaasso a kiristaana a ollin orxaya Waaqa' koddene ka itturopa leysama immakaannitto kara'e akka shakkayteeta asadane'e ishootta' lelamte.

Keleshaata 7:8

kafa Saapiloonippaayye nama kuma kudanka lakki; kafa Yoosefippaayye nama kuma kudanka lakki; kafa Piiniyaamippaayye nama kuma kudan ka lakki.