Keleshaata 6:9 - Mataafa Qulqulloota

⁹ Ete kobbeeta a kenatta' paneyyeew, anka, poqa kalisoota' kela'e napseewwa a orrase' qaaleta Waaqa isho maakkumaaysho a daashen malla leysame akke.

Keleshaata 6:9 ပူးပေါင်းရင်းမြစ်များ

Mataafa Uumata 4:10

Yaahiwwe ka ishi' kide, “Atta innassin koote? Diika innassina a nama' mina'e piiteela qindiyyo opa ullupni.

Mataafa Sooketa 29:12

Ka diika xormaseti quda qeede ka kaassa a pora kalisoota qara'e, qupittaaytin daate ka a kela hase pora kalisoota kelandesa tuqe.

Mataafa orra Lewi 4:7

Qeesittase ka diikase quda shakkayta qeedoow ka tukkanase a Yaahiwwe kelaayye fuula Yaahiwwe tura'e kaassa porase a kalisoota a tankarta alaawnitto quda daato; ka diikase a xorma kela hase qeedo ka xarra tukkana a Yaahiwwe turaayye porase a kalisoota a kupannitto kela tuqo.

Yohaannisi 16:2

Tikkasene a qinseeta a orra Yihuta kela ishin sookshan ka ishin kamma daanan. Laadi eta a oppaayye orra ishin lenno piisa, a Waaqa koda koono pahanaatto de'a.

Qorontoosi a lammatta 5:8

Ka dakintose' xanno are tika an kara kallaanninno pahato kara sookeeta ka Poqalla olli kinnaatta xajeellinna ka semmalla kippeetan kallaanninna.

Filippisiyuusi 1:23

Dikattose lakki oppa'en qapame; qinda takkanne, Kiristoosi olli kinnaatta qoota we' piisa qara qapto malla, caattose oppa sookeeta ka Kiristoosi olli kinnaattaan faani.

Filippisiyuusi 2:17

Kalisootaayshin isho koda a amanteetaayshina a Waaqopa dehaanno qara'e, kadi caattiiyyo a kalisoota ikkayta mina' tuqamma nefooyye, ishin piisa olliiyyi xasa ana' dakaanni.

Timotoosi a lammatta 1:8

Semmalla qoota, poqallaannoti desa maakkumanne, in jeeran; umma an asse qootaadi malla hidame nefonne, in jeeran. Ma hupna a Waaqa ke' daannonne, otootose a fayya' malla ana olli rakkoota teyyado.

Timotoosi a lammatta 4:6

Anti' xoori, kalisoota kodda'e in foolsade; eta an oppaayye piisse oppa alle aano nefo ikayte.

ipro 12:23

Ka xorase a orra amannooti qarammasene a tika kiristaana, isasene a maxxadaasso moonta' taafamene kapopa dehaatten ka Waaqase orra piisa qara' farato isho napsewwa a hanqeellayasene qaja dapeetoppa kaye kapopa dehaatten.

Keleshaata 1:2

Yohaannisi ka qoota qaaleta Waaqati desa ka dukaatase a Yesuusi Kiristoosi isha kollishe desa, isho qoota wa akke pisaayye desa maakkume.

Keleshaata 1:9

Anti innasene xaayshin a kiristaana Yohaannisi; isase Yeuusi Kiristoosi qudanne rakkootaadi ka mankisteetaadi isho duupattaadi oppaayye ishin olli qoottanno, qaaleta Waaqa isho Yesuusi maakkuma minannen, piitase otanta pakateeta' kara kitto ka Fitmo kidammitto kara' hidame.

Keleshaata 14:18

Erkampattoota pila a apitta qaraayye hupna ukkumeeta qapto ka porase a kalisoota kapa sookte ka erkampattootase maajita a qarta qapo qapto'e, nessa a kuttan kiite, “Dalta a saara qara kitto ipaliteey, maajitaayti a qarta qapo erake ka piita qaraayye dalta wayneeta a saara qara kitto piisa quure ka ollopa oorshe!”

Keleshaata 16:7

Porase a kalisootati desaaw anka nessa a kiino, “Aa, Waaqqo Poqlo! Ke a we piisa ettaninno firteewwaatti dukaata ka hanqeeta.” dakaye.

Keleshaata 19:10

Anti ka erakampattooseti sakatatta'e, loqqaadi kela pi'e ka fuula piitan kaye; isheetta xoori, i'ana kiite, “Diishe asse in kodan! Ha anti ke isho hellasene xaayshin a kiristaana maakkuma Yesuusi qapade olliiyyiiwwin an orxayteetaay! Waaqa sakatado maakkuma Yesuusi, hapurase a xuuma'ey.”

Keleshaata 2:13

Atti akkima pora a oppa suufaana seetana co oppa kalto in upa. A koddito ma maxxiyyo ikokkonnaysatte ka qapatte, umma amanteeta a ana qara qapto a' marmanne, maakkittase xayyo amaname Antipaasi ete katamasene' xaayshin a kara seetana kala kara ishshame nefooyye, ana amaneeta a' diinne.

Keleshaata 20:4

Sekkammaayye suufaanaddan akke suufaanaddasene qara'ew orra akka faratane'e hupna ukkumeeta ishootta daasame ka kukkuti'e anka akke. Anka napseewwa a oorra qoota Yesuusi desa maakkuma malla ka qoota qaaleta Waaqa malla mattadaasso qara quuramene akke. Ishootta orra pinantase isho waakkaadi in sakatannin ka milikkitaadi fuulaaysho isho harkaasso quda in kodannini. Ishootta tootoppa xa'en ka Kiristoosi olliiyyi para kuma nuqusumen.

Keleshaata 8:3

Erkampattoota pila a meehase kara tankarta qayyannaan warqeetoppa kodame qapatte ka deete ka poqa kalisoota' kapa qa'atte. Poqasene a kalisoota a warqeeta sufaana tura co qara'e, tankarta kuttayteeta a qinseeta qulqullowwa' piisa olli kalsammitto ka ishi' daasamte.

Keleshaata 9:13

Erkampattoota a lehatta ka turumpaadi dawte. Tin anka kaassaasene afuri a porase a kalisoota a warqeetoppa kodame ka fuula Waaqa tura co qara desa, nessa xaano dakaye.