Keleshaata 6:4 - Mataafa Qulqulloota

⁴ Farta pila a akata tiima ka sookte. A fartase qara kute'e, akka piita qara nakayta alle pashsho ka akka orra oli piro kodo'e, hupna ukkumeeta ka ishi daasame. Koraateta a kutta ka ishi daasamte.

Keleshaata 6:4 ပူးပေါင်းရင်းမြစ်များ

Mataafa Masmuureta 17:13

Oo Waaqqo! Xa'e ka ishootta torpe ka alle' dakke; ka ukkuttowwa kela koraatetaaytin anan pahe.

Xuuma Taani'eeli 5:19

Kuttumaadi a ishi' daashe qaran xaate'e, kaffa leka leka isho samayta piitadda leka oppa kalo ka afaa karkar haasawanno piisa ka isha tura xarri; isha ka nama heeno ikanni, taaki akka kallaado' kooni ka a heeno shuummi ka a in heennin shaarri.

Xuuma Sakkaariyaasi 1:8

Halkeessetiiyyin keleshaata akke; porose oppaayye anka nama takka a farta a makaalaysa' qara' kuti'en akke, isha' nefo naaba qora parsanetiti otanta kara'e qa'ade; isha kamma xataaw farta a makaalaysa ka a awla isho a ata'e ca.

Xuuma Sakkaariyaasi 6:2

Fartada a makaalaysa ka sarakeella a paayyota tinni, fartada a poorpoora ka a lammatta tinni.

Maatiyoosi 10:34

Anti an piita qaropa nakayta qeeda de'e an ishina'en pahanaannin. Oranna xa'issa'en de'e diisheey, nakayta qeeda'e an deene.

Maatiyoosi 24:6

Otoota oranna isho qoota orannaati desa dakaytan; sede piisa koddeeta ishootta parpaaccisniiy, in tammaqan. Ma xoori piraampira in dehan.

Yohaannisi 19:11

Yesuusi ka ishi' kide, “Katin Waaqa kapa hupna ukkuma ke'en daasammin, kiiteeyye, helani ana qara hupna ukkumeeta takka nefo qapnaanni a' heenne. Ma xoori nama ke qaropa ana tarpishe, juppoota a dikke neeqa'e isha qara ca.”

Keleshaata 12:3

Milikkita a pila ka moonta quda akkaadeew. Pofa a tiima kuttayta a matta tappa ka kaassa kudan qapo ka akkaade ka mattadasene xaadi qara'e, kullewwa nuqusa tappa kalsade.

Keleshaata 13:10

A poojama kitame ipoojama; a koraatetan ishshama kitame koraatetanne ishshama. Semmalla duupatta isho amanteeta qulqullowwa etoosen oppa parpaaccisni;

Keleshaata 17:3

Sekkammayye, erkampattootase ka hapuran koommaytoppopa ana qeette, anka iskatteeta takka pinanta a tiima a maxxada otitta dakintaadi piisa quda taafamen ikka mattada tappa ka kaassa kudan qapto qara kutiite akke.

Keleshaata 17:6

Anka isheeta diika qulqullowwa isho diika a orra qoota Yesuusi malla maakkumen maashshootte akke. Eten akkeeyye, anka akata oppa qawwaawe.