Keleshaata 5:8 - Mataafa Qulqulloota

⁸ Ete mataafase ollopa marrammo qeedeeyye, uumatase caata qapo afuri isho qimayaasene kunda lakki afuri ka laahase' tura itturandesa seehen ka ishi' sakataden. Ka matta mina kehayta qapaden ka qorewwa warqeeta a oppa tankarta immakene' qapaden. Tankartose' nefo qinseeta qulqullowwa.

Keleshaata 5:8 ပူးပေါင်းရင်းမြစ်များ

Mataafa Masmuureta 141:2

Qinseetiyyo akkima tankareeta' mina, a ke turopa dehaatto; harkaayyo an opeela xa'inna ka akkima kalisoota kalaakala' mina' kodden.

Mataafa Masmuureta 150:3

Kaasa dawaan isha kalataysada; ka pekena isho maasinqootan saarsada.

Mataafa Masmuureta 33:2

Maasinqootan Waaqa kalataysada; ka kehayta riba kudani qapon ishi' dawada.

Mataafa Masmuureta 43:4

Anka porase' qara Waaqa kalisoota kalinnaan opa aana, ka Waaqase' xayyo an a kuttatin ishin xasoonnopa dehaada; Waaqqo Poqallaayyo, kehayta dawetannen ke kalataysada.

Mataafa Masmuureta 81:2

Masmuureta sammara paayya ka timpa dawa; ka kehayta isho maasinqoota a nessa paxaara' dakaytisha.

Mataafa Dikoota 7:62

Ka saahina a warqeeta takka a sheqileeta kudani kayno a kara tankarta immake,

Yohaannisi 1:29

Parraytaadiiyyi Yohaannisi, a Yesuusi isha kapopa deeno akke ka kide, “Tin laahase a Waaqa juppoota piita alle pashsho.

Yohaannisi 5:23

Sede nefo wa malla asse kode, orra piisa, akka Waaqa Aappa ulfeessino mina'e, akka asseew inna Waaqa ulfeesso malla. Nama inna Waaqa ulfeessini in kinnin, Waaqa Aappa, isase innaadi erke nefo ulfeessini in co.

ipro 1:6

Waaqa ete qartaadi piita qaropa erkeeyye, ikide, “Erkampattowwa a Waaqa' piisa a ishi' sakataden.”

Keleshaata 13:8

A piita uumamte paayyatte, orra piita qara kalo a maxxaaysho maskapase a caatta a laahase qalameeti oppa in taafammini piisa ka pinantaseti sakatadan.

Keleshaata 15:2

Sekkammaayye wa pakateeta kaawwata pahato paha a apittoppa lahame'en akke. Ka isasene pinantase ka waakkaadi isho milikkita dikoota maxxaadi pute akke. Ikka kehaytase a Waaqa ishootta daashe qapaden ka pakateetase a kaawwata kapa qaqqa'aden.

Keleshaata 15:7

Uumatase caata qapo afuri oppaayye takka ka kuppaayyasene tappa a warqeeta a miira Waaqase paraparaayye haka paraparati kallaanno oppa immakaade erkampattowwasene tappa daashe.

Keleshaata 19:4

Qimayaasene kunda lakki afuri isho uumatase catta qapo afuri ka itturandesa seehen ka Waaqase sufaana qara kute'e sakataden ka kidene, “Ameen, haalleluuyya!”

Keleshaata 4:10

qimayasene kunda lakki afuri, isase sufaanaadi qara' kute'e ka paraparaayye haka araparti' kallaanno tura'e kilpiippanni ka fuula piitan kayni ka ishi' sakatanni ka kullewwasene' xaaysho a nuqusa sufaana tura' xaayni ka kiini,

Keleshaata 4:4

sufaanase kapan desaaw suufaana kunda lakki afuri caaw. Suufaanaddasene qara'e, qimaya kunda lakki afuri, a mehadda a'ata' kalsade ka kullewwa a nuqusa a warqeeta a mattaaysho qara' kalsade ka qaa'en.

Keleshaata 4:6

Sufaanase turaayye pakateeta a kaawwata pahato a wahi kiite ka oynitto ka kitta. Otantoppaayye, sufaanase kapandesa pinaana afuri a fuula turan ka kamman ilda lekaya qapa'e ca.

Keleshaata 4:8

Pinaanoosen afuri, matta mina' xoolla lehi lehi qapan ishootta isqudandela ka iskaranxata ildaanne immakaaden. Umma halkeetta ka kuyyaata'e “Qulqullitto, qulqullitto, qulqullitto, Waaqa Poqalla isase we piisa ettaninno. A xatta co ka amma co ka itturopa de'o.” kideeta qaatinni in caan.

Keleshaata 5:11

Eten tooynooyye; sufaanase ka uumatase' caata qapo isho qimayasene kapandesa, anka nessa a erkampattoowwa leka' dakaye. Lekumtaaysho' nefo kumadda leka isho miloonewwa leka.

Keleshaata 5:12

Ka nessa kuttaytan kidene, “Laahase' qalame, hupna ka teyanta ka ookuma ka kokkonnuma ka kuttuma ka ulfeena isho kalata akkatta isha parpaaccisni.”

Keleshaata 5:14

Uumatase caata qapo afuri ka kidene, “Ameen!” Qimayaasene ka kilpiippaden ka fuula piitan kayen ka sakataden.

Keleshaata 5:6

Sekkammaayye anka suufaanase isho uumatase caata qapo afuri otanttoppaayye ka qimayasene otanttoppaayye, a laha qalame paho ka qa'ade akke. Laahose' nefo, kaassa tappa ka ilda tappa qapa. Ishootta' nefo hapurrasene a Waaqa tappa piita piisa qaropa erkame.

Keleshaata 6:1

Sekkammaayye anka a laahase kobbewwasene tappa oppaayye a paayyota panno akke. Ka uumatase caata qapo afuri oppaayye a takka nessa a xirarron “xooye!” kiino dakaye.