Keleshaata 5:6 - Mataafa Qulqulloota

⁶ Sekkammaayye anka suufaanase isho uumatase caata qapo afuri otanttoppaayye ka qimayasene otanttoppaayye, a laha qalame paho ka qa'ade akke. Laahose' nefo, kaassa tappa ka ilda tappa qapa. Ishootta' nefo hapurrasene a Waaqa tappa piita piisa qaropa erkame.

Keleshaata 5:6 ပူးပေါင်းရင်းမြစ်များ

Mataafa Otoowwa a lammatta 16:9

Orra karittaaysho piisan isha kippanno kokkonnassa'e ilda Waaqa piita piisa qara akkini. Atti qoota eepuma koote malla arepadesa oranna ke qara in oolan.”

Xuuma Taani'eeli 7:14

Ka akka samayta piitadda leka oppa kalo ka sanynyewwa ka orra afadda karkar haasawanno piisa isha kela' piddamo'e, siltaana ka nuqusuma isho hupna mukissa ka ishi' daasame. Mankisteetaadi umma pata in qapto, mukissaadi umma in dikkado.

Xuuma Taani'eeli 8:3

Ka kirroose kapa'e, laha a kaassa deddera lakki qapo akke. Kaassosen lakkippa takka kamma desa dehe ma, deruma a taaka qara qapa.

Xuuma Mikkiyaasi 4:13

Waaqa ikiini, “Ishina samayta Yursaalamitiiyyi, akkima xorma a kaassa isho kamaja silpa' qapo mina'en ishin kokkonnaysheey, aana ka paarkaalaassin akka unta' mina' tuma. Ha ishina' piitadda lekaya' patissan ka teyantaaysho a karpan ollopa pootadene piisa ana Waaqa Poqalla piita piisa mukinnooti ishin deetan.”

Xuuma Inpaqoomi 3:4

Kuttumtaadi akka piirtota' mina'e la'ayni, hupna a harkaadippaayye co ka eyye' dekade karaayye, hanjarra ka hankaani.

Xuuma Sakkaariyaasi 3:9

Tin daka takka an Iyyaasu tura' qaatishe ca; dakoose qaraayye qindadda tappa ca. Waaqase we piisa ettaninno ikiini, anti dakoose qara'en taafeta poja ka kuyyaata takka oppa'ew dapa a piitooseti alle' tawsha.

Xuuma Sakkaariyaasi 4:10

Ata ayno kuyyaata a oppa we shakkaya kodammaan puyade? Orra oto tumpeeta harka Sarupaapeelippa akkooyye, ixasooda wossen qara ipsa xaaynaane tappa, ilda a Waaqa a piita piisa qara anna ka qinda pisa opa akkina”

Mataafa Dikoota 7:39

ka kalisoota a kupnaane'ew xorma takka ka laha takka ka haaritta laha a para takka pire,

Mataafa Dikoota 7:57

ka kalisoota a kupnaane'ew xorma takka ka laha takka ka haaritta laha a para takka pire,

Luqaasi 1:69

Sanynyeetase a orxaytaadi a Taawwiti oppaayye dinshampayta a hupna qapo ino xaasheey.

Yohaannisi 1:29

Parraytaadiiyyi Yohaannisi, a Yesuusi isha kapopa deeno akke ka kide, “Tin laahase a Waaqa juppoota piita alle pashsho.

Yohaannisi 1:36

Yohaannisi ka Yesuusi a eeppa desa tarpino akke ka kide, “Tin laahase a Waaqa!”

Kodampaya 8:32

Isha nefo mataafose a qulqulloota karaayye, pora a nappapno ikiini, “Isha kaharta a qalama qulammitto mina, ka akka haaritta laha otoo quda nyirfa mujnaane jaw kiino mina'e afaadi nefo in paqqinnin mina.

Keleshaata 1:4

Nakayta ana Yohaannisi kapaayye tikkasene a kiristaana tappa, piita Issiya kara caati erkame. Isase amma co ka xatta co ka itturopa de'o, kapaayye ka hapurrasene tappa sufanaadi tura ca kapaayye, a daassata Waaqa isho nakayta ishina' kodden;

Keleshaata 12:11

Ishootta diika a laahasetiitinni ka qaaleta maakkuma a haasawadenetinni isha puten, ishootta a caattaaysho in suraysannin mali toota turopa isi tuuken.

Keleshaata 13:8

A piita uumamte paayyatte, orra piita qara kalo a maxxaaysho maskapase a caatta a laahase qalameeti oppa in taafammini piisa ka pinantaseti sakatadan.

Keleshaata 14:1

Sekkammaayye, tin laahase ka irroota Siyyooni qara qa'ade anka akke. Isha olliiyyi nama kuma dippa kunda afuri afuri a maxxaadi isho maxxa aappaayshoti miintoppa ishootta taafame ka ca.

Keleshaata 17:14

Ishootta laahase qara'e oranna qishshan. Ma xoori laahose qoota Poqla poqalladda ka Nuqusa nuqussa kodde malla, i'ishootta puta. Orra isha olli co a halaame ka reexame ka amaname.”

Keleshaata 21:22

Waaqa Poqalla isase we piisa ettaninno isho laahase qoota tikaadi a qulqulloota kodden malla, katamasene kara'e tika qulqulloota an akkine.

Keleshaata 21:23

Qoota ulfeena Waaqa isheetta la'anno laahase ka ipsaadi kodde malla, katamasene akka piirtota taaki leya ishootta la'aysho ishootta parpaaccisni in kitto.

Keleshaata 22:1

Sekkammaayye erkampattootase ka kirra a pisha caatta isase sufaana Waaqa isho a laahaseti kelaayye urqino ka a kaawwata la'aynitto mina waha kide ana akkisse.

Keleshaata 22:3

Umma arepa desa jiija takkan nefo in kinnaadan. Sufaana Waaqa isho a laahaseti katamasene kara kinnaadan, orxayaadi ka isha waaqaysadan.

Keleshaata 4:8

Pinaanoosen afuri, matta mina' xoolla lehi lehi qapan ishootta isqudandela ka iskaranxata ildaanne immakaaden. Umma halkeetta ka kuyyaata'e “Qulqullitto, qulqullitto, qulqullitto, Waaqa Poqalla isase we piisa ettaninno. A xatta co ka amma co ka itturopa de'o.” kideeta qaatinni in caan.

Keleshaata 5:11

Eten tooynooyye; sufaanase ka uumatase' caata qapo isho qimayasene kapandesa, anka nessa a erkampattoowwa leka' dakaye. Lekumtaaysho' nefo kumadda leka isho miloonewwa leka.

Keleshaata 5:12

Ka nessa kuttaytan kidene, “Laahase' qalame, hupna ka teyanta ka ookuma ka kokkonnuma ka kuttuma ka ulfeena isho kalata akkatta isha parpaaccisni.”

Keleshaata 5:13

Anka uumata moonteeyye ka piiteeyye ka piita kelaayye isho pakateeta karaayye co piisa a kiino, “Isase' sufaana qara' kute'e isho laahaseti'i, kalata ka kuttuma ka ulfeena isho hupna a paraparaayye haka paraparati ishootta kayo” dakaye.

Keleshaata 5:14

Uumatase caata qapo afuri ka kidene, “Ameen!” Qimayaasene ka kilpiippaden ka fuula piitan kayen ka sakataden.

Keleshaata 6:16

Ka irrowwa isho shilalla' kidene, “Ino qara deka ka miira a isase sufaana qara kute'e isho a laahaseti turaayye ino juuta.

Mataafa Saamu'eeli a paayyota 2:10

A Waaqa paarkaalumma iqeqqepan ka olloppa' ooran, ikka moonte xata ishootta qara xirara Waaqa orra piisa qara'e farata, ka nuqusaadi japeessa ka hupna a nuqusase a reexadeeti opeela qapa.”