Keleshaata 5:5 - Mataafa Qulqulloota

⁵ Sitiiyyi qimayasene oppaayye takka ka ana' kide, “Impooyan, tin karmase kafa Yihuta kodde ka meera a Taawitippaayye xa'e, ipute. Isha' mataafose ollopa marrammo isho kobbeetase tappa paneeta i'ettansha.”

Keleshaata 5:5 ပူးပေါင်းရင်းမြစ်များ

Mataafa a Nuqussa a paayyota 10:20

Porose a fayyuma lehi patta mina'e, qinda qindanne pahana karmada takka takka qa'ade. Ishootta olloppa karmada kudanka lakki. Umma suufaaneeta asse pahato mankisteeta a pila oppa apari in kodamme.

Mataafa Otoowwa a lammatta 9:18

Suufaanese nefo fayma opeela oppan fayyannaan ka lekkanaane lehi qapta ka pora a oppa loqta xaayannaan a warqeeta oppa kodamte ka suufaanese quda qapsiisame qaptaaw; pora kutiittatiiyyi qinda qindanne, pora qara harka xaayannaane qapta; porase qara harka xaayannaan qinda qindanne, karma takka takka qa'ade.

Mataafa Iyyoopi 41:15

Xoshopshopa a tulta qara qapo, kadi kontalewwa olkamma' qunen ka olquda jajaqqalshen.

Xuuma Issayyaasi 11:1

Akkima kurpana qudaayye fujuqa ujjino, hittinaadi ka taama dehinno mina'e, toola Isseyi oppaayye nuqusa xa'a;

Xuuma Issayyaasi 11:10

Awsetiiyyi, akkima hittina taama' dehino mina'e, nuqusase toola Isseyi oppaayye xa'o milikkita kodda ka samayta' qa'ada; mankistewwa ka pora isha fadan; pora oppa kalo ka a ulfeessame kodda.

Xuuma Ermiyaasi 31:16

Waaqa asse kiini, “Atti pooyta diishe ka nessaayti qapado; ildaati ka ilmaama in urqinnin.” Waaqa ikiini, “Yaalaayti patta'en haso; piita nyaapaayshotitiiyyi itiitaawan ka kalaneey.”

Xuuma Taani'eeli 7:16

Anka orrase eeyye qaqqaade oppa takka kapopa desa heeqqe ka wossen piisa maana akka kodden qara kaassade. Isha ka wossen maana akka kodden ana' lele.

Mataafa Dikoota 24:9

Akka karma mina'e eyye asadeneey, ka akka akkooteta karma mina eyye rabbeneey, ayno ishootta xa'issa ettansha? A ishin jiijno a jiijame a koddo, a ishina' sakno ka a sakame koddo.”

Luqaasi 23:28

Yesuusi xoori iskattoose opa desa tiitaawe ka ishootta kide, “Ishina iskatta Yursaalamitiiyyi, ana malla in pooyan ma hellaassin isho isi malla pooya.

Luqaasi 7:13

Poqalla ete ishetta akkeeyye, ishetta suraysade ka isheetta kide, “In pooyan.”

Luqaasi 8:52

Orra eyye co piisa olloppe qite ka qoota enentaseti desa pooyni. Yesuusi xoori i'ishootta kide, “In pooyan, enentoose imukte diisheey in tooneey.”

Yohaannisi 20:13

Ishootta ka Mariyaami' kidene, “Atti iskatteetayti, maana malla' pooyni?” Isheetta ka kiite, “Ha Poqallaayyo qeeden, umma pora a oppa' xaayen anti an upo.”

Roomi 1:3

Otootase a fayya, akkima inna a Waaqa, namumaadinni sanynyeeta Taawiti oppa dalade lelli.

Roomi 15:12

Asseew Issayyaasi ka kiiniiwwi, “A sanynyeeta Isseyippa dalado de'a, ka saara a orra Yihutaata in koddinini kodda' xa'a; ishootta ka kippetaaysho isha qara' xaayadan. ”

ipro 7:14

Poqallaanno akkima kafa Yihuta oppa de'e, i'upnaysamte. A kodditoma, Muuse ete qoota qeesewwaati desa haasawannooyye, qoota kafa Yihutaati desa wa haasawade takkan' nefo in caan.

Keleshaata 1:1

Akka wa dehaynittoppa' kodda orxayaadi akkisho'e, kelashaatase a Waaqa Yesuusi Kiristoosi' daashe sede, Yesuusi Kiristoosi ka erkampattootaadi erke ka kelashaatose orxaytaadi Yohaannisi akkishe.

Keleshaata 22:16

Anti Yesuusi akka maakkumoose ishina daasso'en erkampattootiyyo tikka kiristaana opa erke. Anti an meera ka sanynyeeta Taawwiti ka an hikkitta para mina a la'ayno.”

Keleshaata 3:21

Akkiman anti' pute ka aappinno olliiyyi suufaanaadi qara' kute'e mina'e, nama puto akka ana olliiyyi suufaaniyyo qara' kuti'o'en koda.

Keleshaata 4:10

qimayasene kunda lakki afuri, isase sufaanaadi qara' kute'e ka paraparaayye haka araparti' kallaanno tura'e kilpiippanni ka fuula piitan kayni ka ishi' sakatanni ka kullewwasene' xaaysho a nuqusa sufaana tura' xaayni ka kiini,

Keleshaata 4:4

sufaanase kapan desaaw suufaana kunda lakki afuri caaw. Suufaanaddasene qara'e, qimaya kunda lakki afuri, a mehadda a'ata' kalsade ka kullewwa a nuqusa a warqeeta a mattaaysho qara' kalsade ka qaa'en.

Keleshaata 5:4

A mataafose ollopa marrammo paneeta ka kara tooyeeta isha parpaaccisnitto qoota in teyannin malla, a kuttatin pooye.

Keleshaata 6:1

Sekkammaayye anka a laahase kobbewwasene tappa oppaayye a paayyota panno akke. Ka uumatase caata qapo afuri oppaayye a takka nessa a xirarron “xooye!” kiino dakaye.

Keleshaata 7:13

Qimayaasene oppaayye takka ka anopa tiittawe ka ana' kide, “Sene mehadda a''ata' kalsade opa ayno? Ka ayshaayye de'en?”