Keleshaata 5:12 - Mataafa Qulqulloota

¹² Ka nessa kuttaytan kidene, “Laahase' qalame, hupna ka teyanta ka ookuma ka kokkonnuma ka kuttuma ka ulfeena isho kalata akkatta isha parpaaccisni.”

Keleshaata 5:12 ပူးပေါင်းရင်းမြစ်များ

Xuuma Sakkaariyaasi 13:7

Waaqase we piisa ettaninno ikiini, “Atti koraatetayti! Sikmaytase xayyo an ollin moottumminno qara' xa'e ka dayshe; kahirra ka alle' pasen. Anti nefo harkiyyon a shashakka qaropa oorsada.”

Maatiyoosi 28:18

Yesuusi ka de'e ka ishootta kide, “Hupna ukkumeeta piisa piita ka moontanne ana'e daasame.

Yohaannisi 1:29

Parraytaadiiyyi Yohaannisi, a Yesuusi isha kapopa deeno akke ka kide, “Tin laahase a Waaqa juppoota piita alle pashsho.

Yohaannisi 17:2

Wa malla isha ulfeessita nefo, orra a' ishi' daasse piisa'e, akka caatta parapara' daasho'e, qoota orra piisa qara'e hupna ukkumeeta ishi' daasse malla.

Qorontoosi a lammatta 8:9

Ishina daassatase a Poqallaanno a Yesuusi Kiristoosi i'upnaatten. Isha kadi punu teyantoolayta koddeeyye, ishin malla teekolayta kodde; sede nefo wa malla asse kode koddeetadin akka ishina teyaantolaya kodditan malla.

Timotoosi a paayyota 1:17

Semalla Nuqusase a parapara, isase tooni in kinnin ka akkaanni in kinnin, takkaytase a Waaqati'i, ulfeena ka kalata a haka paraparati isha kayo. Ameen!

Keleshaata 1:6

Akkan aappa opa Yesuusi Kiristoosi Waaqa kela koda koono'e, Yesuusi Kiristoosise nuqussa isho qeesewwa' ino kode'e, ulfeena isho hupna a paraparaayye haka paraparati a ishi koddo. Ameen!

Keleshaata 13:8

A piita uumamte paayyatte, orra piita qara kalo a maxxaaysho maskapase a caatta a laahase qalameeti oppa in taafammini piisa ka pinantaseti sakatadan.

Keleshaata 15:3

Ka masmuureta Muuse a orxaytase a Waaqa isho masmuureta a laahoseti dawanni ka kiini, “Poqallaay, Waaqqo ke a we piisa ettaninno, kodaayti ikutti ka orra qawwanni. Ke a nuqusa leknada kodde, saantaayti saanta hanqeeta ka a dukaata.

Keleshaata 19:1

Sekkammaayye, nessa kuttayta a samayta kutta pahon moonte dakaye ikka kiini, “Haalleluuyya! Dinissa ka ulfeena isho hupna, a Waaqinnoti!

Keleshaata 4:11

“Poqallaanno ka Waaqinno, qoota we piisa uumte malla, we piisa ka heennaatin uumamen. Ka caaden malla, kuttuma ka ulfeena ka hupna ke'e parpaaccisni.”

Keleshaata 5:13

Anka uumata moonteeyye ka piiteeyye ka piita kelaayye isho pakateeta karaayye co piisa a kiino, “Isase' sufaana qara' kute'e isho laahaseti'i, kalata ka kuttuma ka ulfeena isho hupna a paraparaayye haka paraparati ishootta kayo” dakaye.

Keleshaata 5:6

Sekkammaayye anka suufaanase isho uumatase caata qapo afuri otanttoppaayye ka qimayasene otanttoppaayye, a laha qalame paho ka qa'ade akke. Laahose' nefo, kaassa tappa ka ilda tappa qapa. Ishootta' nefo hapurrasene a Waaqa tappa piita piisa qaropa erkame.

Keleshaata 5:8

Ete mataafase ollopa marrammo qeedeeyye, uumatase caata qapo afuri isho qimayaasene kunda lakki afuri ka laahase' tura itturandesa seehen ka ishi' sakataden. Ka matta mina kehayta qapaden ka qorewwa warqeeta a oppa tankarta immakene' qapaden. Tankartose' nefo qinseeta qulqullowwa.

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.

Keleshaata 6:1

Sekkammaayye anka a laahase kobbewwasene tappa oppaayye a paayyota panno akke. Ka uumatase caata qapo afuri oppaayye a takka nessa a xirarron “xooye!” kiino dakaye.

Keleshaata 7:12

ka kidene, “Ameen! Saara ka kuttuma ka ookuma ka kalata ka ulfeena ka hupna isho kokkonnuma, a paraparaayye haka paraparti a Waaqinno' kodden! Ameen!”