Keleshaata 5:1 - Mataafa Qulqulloota

¹ Anka harka akkitta a isase sufaana qara' kute'e oppa'e, mataafa ollopa marrammo a karan ka lakatulan oppa' taafame ka kobbeeta tappaan dufame akke.

Keleshaata 5:1 ပူးပေါင်းရင်းမြစ်များ

Xuuma Issayyaasi 29:11

Keleshaata a wossen piisa ishin tura'e, mataafa a ollopa marrammo a ashshakame kodda; oto mataafose marrammo nama nappapeeta saho daassan ka kiitane, “Ino nappapeeyye” I'ishina kida, “I'ashshakameey, nappapa an ettansho.”

Xuuma Issayyaasi 34:16

Mataafa Waaqa karaayye a asse kiinitto fada ka nappapa; uumatose oppaayye takka' nefo in pato; umma akkooteta isho xorma olquda in dapadan. Maana malla afaa Waaqa'e sede haasawade, hapuraadi ka ollopa ishootta oorsheey.

Xuuma Issayyaasi 8:16

Maakkumose ollopa marre ka hidde ka kollissoose tamaarewwaayyo otantoppa' kobbeetan toomme.

Xuuma Taani'eeli 8:26

Kelashaatose a' qoota kalisoota a tekkanta isho a kallaptati desa akkite maana akka koddite wa a' dakayte, dukaata ma xoori qoota sapanna kamma oorshaati koddito malla isi kara' qapado.

Xuuma Sakkaariyaasi 5:1

Anka amma tooyyadeew ka mataafa a ollopa marrame a moonta quda anno akke.

Keleshaata 10:2

Erkampattootase, mataafa a ollopa marrammo a paname shakkayta harkoppa qapta. Ka loqtaadi a akkitta pakateeta qara xaayatte ka a pittitta piita qara xaayatte.

Keleshaata 4:3

Isase sufaana qara kuti'e nefo, pahanaadi dakaddasene heraan kokokkoka a iyaasbidi isho a serdinooni'i paha. sufaanase kapan desaaw pankaallata a dakase heraan kokkoka merkidi pahato ca.

Keleshaata 4:9

Uumatase caata qapo oto isase sufaana qara' kute'e ka a paraparaayye haka paraparati' kallaanno'e kuttuma ka ulfeena isho kalata kalinnaan piisaayye,

Keleshaata 5:13

Anka uumata moonteeyye ka piiteeyye ka piita kelaayye isho pakateeta karaayye co piisa a kiino, “Isase' sufaana qara' kute'e isho laahaseti'i, kalata ka kuttuma ka ulfeena isho hupna a paraparaayye haka paraparati ishootta kayo” dakaye.

Keleshaata 5:7

Laahose ka de'e ka harka akkitta a isase sufaana qara' kute'e oppaayye, mataafa ollopa marrammo qeede.

Keleshaata 6:1

Sekkammaayye anka a laahase kobbewwasene tappa oppaayye a paayyota panno akke. Ka uumatase caata qapo afuri oppaayye a takka nessa a xirarron “xooye!” kiino dakaye.

Keleshaata 6:16

Ka irrowwa isho shilalla' kidene, “Ino qara deka ka miira a isase sufaana qara kute'e isho a laahaseti turaayye ino juuta.

Keleshaata 8:1

Ete laahase kobbeeta tappatta' paneeyye, haka saateta quda paka' mina kitto'e, moonta ollin jaw kiite.