Keleshaata 4:8 - Mataafa Qulqulloota

⁸ Pinaanoosen afuri, matta mina' xoolla lehi lehi qapan ishootta isqudandela ka iskaranxata ildaanne immakaaden. Umma halkeetta ka kuyyaata'e “Qulqullitto, qulqullitto, qulqullitto, Waaqa Poqalla isase we piisa ettaninno. A xatta co ka amma co ka itturopa de'o.” kideeta qaatinni in caan.

Keleshaata 4:8 ပူးပေါင်းရင်းမြစ်များ

Mataafa Uumata 17:1

A Apraami para kunda sakali' sakali kayeeyye, Yaahiwwe isha tura akkaade ka kide, “Anti an Waaqa we piisa ettaninnooy, awta piisa ana ajajame ka dukaatan kallaado.

Mataafa Masmuureta 91:1

Nama Waaqase we' piisa qara qapo xelsuma' kodade, kaattisa a Waaqase we' piisa ettaninno kela'e kallaanni.

Mataafa Sooketa 15:11

Oo Yaahiwwe, Waaqaddaappaayye, a ke paho ayno ca? A qulqullumaan kuttade; ka kodaddaadi a orra qawwannaatin fuurammo; ka daxxowwa koono; a ke paho ayno ca?

Mataafa Sooketa 3:14

Waaqa ka Muuse kide, “Anti ‘isase co ka kallaanno’ Semmalla aane ka kide, ‘isase co’ ishin kapopa ana erke.”

Xuuma Issayyaasi 13:6

Kuyyaatase a Waaqa idesa kayteey, pooya! Hupnampaytase a Waaqa' kapa pateetta deeniiy.

Xuuma Issayyaasi 62:1

Haka hanqeetaadi a para mina' qinnitto, dinaadi ka a ila' mina opaynaan kara'e, anti Siyyooni malla jaw an kido; ka Yursaalami malla nessa an qapado.

Xuuma Hisqeeli 1:18

Kaamarra a kanaannawwoseneti idedderi ka orra fuurinni; tiitaawwaata a kaamarra a kanaannawwoseneti ka ildaan immakaaden.

Xuuma Hisqeeli 1:5

Puppeetase karaayye uumatadda a caatta qapa afuri ka akkaaden; pahanaasso nefo pissa nama'e qapan.

Xuuma Hisqeeli 1:6

Ma xoori, ishootta matta mina'e fuula afuri afuri qapan ka matta mina'e xoolla afuri afuri qapan.

Xuuma Hisqeeli 10:12

Dakinta kirupeelewwaseneti' piisa, tultaaysho ka harkaasso ka xoollaasso isho kanaannawwa a ishootta afuri qapan piisa ka ildaan immakaaden.

Xuuma Iyyu'eeli 1:15

Kuyyaata oppa Waaqa de'o idehaatteey, oo ino kido! Waaqase we piisa ettaninno kuyyaata oppa paata pashsho idehaatteey, kuyyaatose' malla oo kuyyaatose' kido!

Kodampaya 20:31

Semmalla ishina takka takkaayye sede an para sessa halkeetta ka kuyyaate ilmaamaayyo urqissan ishin dehaame, matte oorsada ka tooytaada.

Qorontoosi a lammatta 6:18

Ka aappaayshin kodda, ishina ka hellaayyo a diira isho a tuparra' kodditan. Waaqase we' piisa ettaninno asse kiini.”

Teseloonqe a paayyota 2:9

Hellaanno a kiristaanatiiyyi! atta akkiman koda koone ka yaalle i''uptan. An otootase a fayya a Waaqa ishina' torrininnooyye akkan nama takka nefo qara' haadeta an koddinini'i, halkeetta ka kuyyaaten yaallinna ka koda kooninna.

Timotoosi a paayyota 4:16

Ka isi isho wa' kollinnitta' tooytado ka wossenen japaado ka qa'ado. Oton asse' kooniiyyi, issi isho a ke dakayna kulinni' pahaniiy.

Timotoosi a lammatta 4:2

qaalese torre, kadi punu ettanta ka ettana diissaayye, eta piisaayye a japaanno kodde ka la'assaanne ka fukkanne ka dehaamaanne, a kuttati' duupatta ka kollissaan japaado.

ipro 13:8

Yesuusi Kiristoosi xala ka awwe ka haka paraparati ishaaw umma pursammi in co.

Keleshaata 1:4

Nakayta ana Yohaannisi kapaayye tikkasene a kiristaana tappa, piita Issiya kara caati erkame. Isase amma co ka xatta co ka itturopa de'o, kapaayye ka hapurrasene tappa sufanaadi tura ca kapaayye, a daassata Waaqa isho nakayta ishina' kodden;

Keleshaata 1:8

A amma co ka xatta co ka itturopa de'o, Waaqa, Poqalla isase we piisa ettaninno, ikiini “Alfa ka omeeka a paayyota ka a piraampira ana!”

Keleshaata 11:17

ka kidene, “Poqallaay, Waaqqo! Ke a we piisa ettaninno! Ka amma co ka xatta co, qoota hupnase xaayti a ukkumeeta kutta harkoppopa oorsatte ka nuqusumte malla, in ke kalataysanninna.

Keleshaata 14:11

Qayya a apittase ishootta rakkacciiso nefo, paraparaayye haka paraparati'i opeela xa'a. A uumata a catta qapo isho waakkaadi sakatanna ka milikkita a maxxaadi kodade piisa, halkeetta ka kuyyaata'e nessuma in qapan.

Keleshaata 14:3

Suufaanase ka uumatase caata qapo afuri isho qimayasene tura'e nama kuma dippa kunda afuri afuri ka masmuureta haraya dawade; umma masmuurese namoose kuma dippa kunda afuri afuri a piita qara furame maliiyyi nama takka nefo sahatta in ettaninne.

Keleshaata 15:3

Ka masmuureta Muuse a orxaytase a Waaqa isho masmuureta a laahoseti dawanni ka kiini, “Poqallaay, Waaqqo ke a we piisa ettaninno, kodaayti ikutti ka orra qawwanni. Ke a nuqusa leknada kodde, saantaayti saanta hanqeeta ka a dukaata.

Keleshaata 15:7

Uumatase caata qapo afuri oppaayye takka ka kuppaayyasene tappa a warqeeta a miira Waaqase paraparaayye haka paraparati kallaanno oppa immakaade erkampattowwasene tappa daashe.

Keleshaata 16:14

Ishootta hapurra orriyya a wa olsa paha koona. Hapurroosen nyale oranase kuyyaatase kutta a Waaqase we piisa ettaninnotiiyyi koddo'e orra ollopa oorsatta'e nuqussa a piita piisa kapopa aanan.

Keleshaata 16:7

Porase a kalisootati desaaw anka nessa a kiino, “Aa, Waaqqo Poqlo! Ke a we piisa ettaninno firteewwaatti dukaata ka hanqeeta.” dakaye.

Keleshaata 19:15

Koraateeta qaarta qapto a ishin leknada qido ka afaappa ishi sookni. Isha uleeta siplatinni ishootta ukkuma isha porase kara taadeta wayneeta diipnaan isase miirase orra fuurinno a Waaqase we piisa ettaninno akkinno'e diita.

Keleshaata 19:4

Qimayaasene kunda lakki afuri isho uumatase catta qapo afuri ka itturandesa seehen ka Waaqase sufaana qara kute'e sakataden ka kidene, “Ameen, haalleluuyya!”

Keleshaata 21:22

Waaqa Poqalla isase we piisa ettaninno isho laahase qoota tikaadi a qulqulloota kodden malla, katamasene kara'e tika qulqulloota an akkine.

Keleshaata 3:7

Erkampattoota a tika kiristaana a Filadelfiyaati' taafe ka kide: “Sede isase qulqullitta ka dukaallayta kodde ka fura a tika Taawwiti qapo kapa lelamte. Wa ishi' dufa nama takka nefo panni in co umma wa ishi' pana nama takka nefo dufni in co.

Keleshaata 4:4

sufaanase kapan desaaw suufaana kunda lakki afuri caaw. Suufaanaddasene qara'e, qimaya kunda lakki afuri, a mehadda a'ata' kalsade ka kullewwa a nuqusa a warqeeta a mattaaysho qara' kalsade ka qaa'en.

Keleshaata 4:6

Sufaanase turaayye pakateeta a kaawwata pahato a wahi kiite ka oynitto ka kitta. Otantoppaayye, sufaanase kapandesa pinaana afuri a fuula turan ka kamman ilda lekaya qapa'e ca.

Keleshaata 4:9

Uumatase caata qapo oto isase sufaana qara' kute'e ka a paraparaayye haka paraparati' kallaanno'e kuttuma ka ulfeena isho kalata kalinnaan piisaayye,

Keleshaata 5:6

Sekkammaayye anka suufaanase isho uumatase caata qapo afuri otanttoppaayye ka qimayasene otanttoppaayye, a laha qalame paho ka qa'ade akke. Laahose' nefo, kaassa tappa ka ilda tappa qapa. Ishootta' nefo hapurrasene a Waaqa tappa piita piisa qaropa erkame.

Keleshaata 6:1

Sekkammaayye anka a laahase kobbewwasene tappa oppaayye a paayyota panno akke. Ka uumatase caata qapo afuri oppaayye a takka nessa a xirarron “xooye!” kiino dakaye.

Keleshaata 6:6

Anka nessa a uumatase caata qapo afuri otantoppa xa'e paho dakaye, nessase ka kiini, “Kappa a kiilota quda paka mina' co a xaayya kuyyaata takka' koddo. Poorta a kiilota takka ka paka mina' kittoow a xaayya kuyyaata takka' koddito; ma sayteeta isho wayneeta in miidan.” Anka dakaye.

Keleshaata 7:11

Erkampattowwasene' piisa ka sufaanase ka qimayaasene isho uumatase catta qapo afuri kapan desa qaqqa'aden ka sufaanase' tura itturandesa seehen ka Waaqa' sakataden;

Keleshaata 7:15

Semmalla sufaana Waaqa' tura caan ka halkeetta ka kuyyaata tikaadi a qulqulloota' kelaayye ishi' koda kooni. Isase sufaana qara' kute'e ka kaattisaaysho' kodda.