Keleshaata 4:5 - Mataafa Qulqulloota

⁵ sufaanase qudaayye, hankaada ka nessa xirara isho a qaqawwa ka deeni. sufaanase turaayye ila opayna tappa ka caan. Ishootta' nefo hapurrasene a Waaqa tappa.

Keleshaata 4:5 ပူးပေါင်းရင်းမြစ်များ

Mataafa Uumata 15:7

Ka oori ishi' kide, “Yaahiwwese piitoose are kitto ke' daasha malla, piita Paapilooniti paleeta Uuri kara ke qeede ana.”

Mataafa Otoowwa a lammatta 4:20

ka taanteta ishi' daasamte mina'e, wa a qara ipsa la'annaane a warqeeta palite oppa koden ka qulqullitteeta qulqullowwa tura xaaynaan ka kurraasewwaadi ollinni.

Mataafa Masmuureta 68:35

Waaqa Isira'eeli tikaadi a qulqulloota' kela oo atta orra qawwanni; isha samaytaadi'i kokkonnumta ka hupna daanniiy; Waaqa a kalataysamo!

Mataafa Sooketa 19:16

Kuyyaata sessattati teykanteeyye, qaqawwa ka irrootase qara dakaanni; hankaada isho oraarta poora ka akkaanni; nessa kaasa ka kuttumtan dawammi; samayta safaroppa co piisa ka xarri.

Mataafa Sooketa 20:18

Samayse piisa ete qaqawwase isho kaasase dawammo dakayeeyye ka hankaadase isho irrootase kuutaawnitto akkeeyye, fuuraanne xare ka lakadesa qa'ade;

Mataafa Sooketa 25:37

Ka ipsa tappa kode ka pora a qara ipsa xaaynaan qara xa'aayye, ikka pora fuula tura co oppa la'ayen.

Mataafa Sooketa 37:23

Ka asseew ipsaddosen tappa ka mehaddaadi a kara apitta libbinnaan isho saahinna a kela xaaynaane kuli ikka warqeeta paxaara oppaayyeew kode.

Xuuma Hisqeeli 1:13

Pahana uumatoose caatta qapoti porooda opayno ka ila a opayna'e pahan; apitta ka uumatose caatta qapo oppandesa arepa ka arepa pora anni; apittose nefo akata la'ayni; hankaada ka oppa qinni.

Xuuma Iyyu'eeli 3:16

Waaqa Yursaalamiiyyi irroota Siyyooni' qaraxata nessa orra fuurinnon haasawada; piita isho moonta ka tura lelleehan; Waaqa' xoori seppaayye samaytaadi a Isira'eeliti kontaleeta a xelsuma ka tika a kela' dekannaan kodda.

Xuuma Sakkaariyaasi 4:2

Ka ana kaassatte ka kiite, “Maana akkini?” Anti ka kide, “Wa a qara ipsa xaaynaane a warqeeta pattoppa kodame'en akkini. Kuutaadi qaraayye okta sayteeta'e ca; isheetta qaraayye ipsada opayna' tappa ka caan ipsadosen tappa nefo matta mina'e luulla a karan xaynaata tarpinitta'e qapan.

Maatiyoosi 25:1

Kammadesa Yesuusi ikide, “Sitiiyyi mankisteeta moonta tuparra kudani a ipsaasso qaqqapade ka hemampayta teyyatta turopa sooke'e pahanaatta.

Maatiyoosi 3:11

Tin anti juppootoppa oorissa'en pishaan ishin jaqini, a ana kamma de'o xoori, Hapura Qulqulloota isho apittanne ishin jaqa isha ana qaropa a kuttate jaalli anti isha kela xopa loqqaadi mikka haadeta mina an qanne

Kodampaya 2:3

Arrapadda a hapulpula apitta' paha ka ishootta akkaaden. Ka olkela qootamen ka ishootta takka takka qara' kuti'en.

Keleshaata 1:4

Nakayta ana Yohaannisi kapaayye tikkasene a kiristaana tappa, piita Issiya kara caati erkame. Isase amma co ka xatta co ka itturopa de'o, kapaayye ka hapurrasene tappa sufanaadi tura ca kapaayye, a daassata Waaqa isho nakayta ishina' kodden;

Keleshaata 10:3

Ka nessa kutta a daattitta karma pahon ullupte. Ete ullupteeyye, xirarase tappa ka haasawade.

Keleshaata 11:19

Tikase a qulqulloota a Waaqa moonte kitto ka panamte. Taapotase xaadi a kodayteeta ka tikase xaadi a qulqulloota kara akkaatte. Hankaada ka nessa ka xirara ka lellehayta piita isho apteenta kuttayteeta ka kodden.

Keleshaata 3:1

Erkampattoota a tika kiristaana a Serdeesiti' taafe ka kide: “Sede isase hapurrasene a Waaqa tappa isho hikkasene tappa qapade kapa lelamte. Kodaayti in upa, maxxa'e ikkitta, ma xoori ittoote.

Keleshaata 5:6

Sekkammaayye anka suufaanase isho uumatase caata qapo afuri otanttoppaayye ka qimayasene otanttoppaayye, a laha qalame paho ka qa'ade akke. Laahose' nefo, kaassa tappa ka ilda tappa qapa. Ishootta' nefo hapurrasene a Waaqa tappa piita piisa qaropa erkame.

Keleshaata 8:5

Sekkammaayye erkampattootese ka meehase kara tankarta qayyannaan qapatte ka poqasene a kalisoota qaraayye oppa apitta immakte ka piitopa shuulite. Qaqawwa ka nessa ka hankaada isho lellehayta piita ka kodde.