Keleshaata 4:4 - Mataafa Qulqulloota

⁴ sufaanase kapan desaaw suufaana kunda lakki afuri caaw. Suufaanaddasene qara'e, qimaya kunda lakki afuri, a mehadda a'ata' kalsade ka kullewwa a nuqusa a warqeeta a mattaaysho qara' kalsade ka qaa'en.

Keleshaata 4:4 ပူးပေါင်းရင်းမြစ်များ

Mataafa Asteeri 8:15

Mardekkiyoosi ka mehaddasene ilaawa ka ishin ata kalsade ka kuppaarta awla ka kulleese a warqeeta paxaara matta qara' kalssade ka tika a nuqusa karaxata sooke; katama Suusa ka ililitta ka xasan immakaaden.

Mataafa Masmuureta 21:3

Saka paxaaranne isha mina deete; ka kulleeta a warqeeta paxaara matta qara ishi kalisse.

Maatiyoosi 19:28

Yesuusi ka ishootta kide, “Anti dukaatannen ishina kiini, oto we piisa haaraya koddinaaneeyye, inna nama ka suufaanaadi a ulfeena qara kuti'aneeyye, awse ishina ana kamma deena, sufaana kudanka lakki qare kutiitan ka kaffasene a Isira'eeli kudanka lakki qara farattan.

Luqaasi 22:30

Semmalla mankisteetiyyo oppaayye damta kutiitan ka damtan ka ikkitan; ka sufaana qara kutiitan ka kaffasene a Isira'eeli kudanka lakki qara' farattan.”

Timotoosi a lammatta 4:8

Arepa desa oori xalaala a hanqeelluma'e ana' harmisame ka eeyye ana asanni; poqallaasene hanqeelumaan faranna ka awse xalaaloosen ana' daasha. Umma ana patta'enne ma a deenaadi jaalanna' piisa'e daasha.

Keleshaata 11:16

Qimaya kunda lakki afuri a fuula Waaqa tura suufaannaasso qara kuti'e ka ittirandesa sehen ka Waaqa sakataden

Keleshaata 14:3

Suufaanase ka uumatase caata qapo afuri isho qimayasene tura'e nama kuma dippa kunda afuri afuri ka masmuureta haraya dawade; umma masmuurese namoose kuma dippa kunda afuri afuri a piita qara furame maliiyyi nama takka nefo sahatta in ettaninne.

Keleshaata 19:14

Xela oranna a moonta a ohawwa a''ata a xaynaata qora talpa oppa dawame a jureeta in qapnini ka papaxxaara uwwisade ka fartada a'ata qara kute'e ka isha kamma qatte ka isha kamma anni.

Keleshaata 19:4

Qimayaasene kunda lakki afuri isho uumatase catta qapo afuri ka itturandesa seehen ka Waaqase sufaana qara kute'e sakataden ka kidene, “Ameen, haalleluuyya!”

Keleshaata 2:10

Rakkoota a itturopa ke qara' kayto in fuuran. Tin akka ekkaysamtane'e taaploosi ishin oppa orra demo tika hida' karopa kalsha; akka kuyyaata kudani rakkoota teyyattan. Haka tootati a amaname kodde, xalaala caatta'en ke' daashaay.

Keleshaata 20:4

Sekkammaayye suufaanaddan akke suufaanaddasene qara'ew orra akka faratane'e hupna ukkumeeta ishootta daasame ka kukkuti'e anka akke. Anka napseewwa a oorra qoota Yesuusi desa maakkuma malla ka qoota qaaleta Waaqa malla mattadaasso qara quuramene akke. Ishootta orra pinantase isho waakkaadi in sakatannin ka milikkitaadi fuulaaysho isho harkaasso quda in kodannini. Ishootta tootoppa xa'en ka Kiristoosi olliiyyi para kuma nuqusumen.

Keleshaata 3:18

teyantoolayta kodda'e warqeetase apittan ekkaysatamte akka ana qara piddatto ka jeera lulle kinnaattaayti' qara deka'e, mehadda a ata' kalsatto ka akka' paata akka ettanisso'e, qorsa ilda' piddatto ka ildaappa' daatatto'en ke dehaammi.

Keleshaata 4:10

qimayasene kunda lakki afuri, isase sufaanaadi qara' kute'e ka paraparaayye haka araparti' kallaanno tura'e kilpiippanni ka fuula piitan kayni ka ishi' sakatanni ka kullewwasene' xaaysho a nuqusa sufaana tura' xaayni ka kiini,

Keleshaata 4:6

Sufaanase turaayye pakateeta a kaawwata pahato a wahi kiite ka oynitto ka kitta. Otantoppaayye, sufaanase kapandesa pinaana afuri a fuula turan ka kamman ilda lekaya qapa'e ca.

Keleshaata 5:11

Eten tooynooyye; sufaanase ka uumatase' caata qapo isho qimayasene kapandesa, anka nessa a erkampattoowwa leka' dakaye. Lekumtaaysho' nefo kumadda leka isho miloonewwa leka.

Keleshaata 5:14

Uumatase caata qapo afuri ka kidene, “Ameen!” Qimayaasene ka kilpiippaden ka fuula piitan kayen ka sakataden.

Keleshaata 5:6

Sekkammaayye anka suufaanase isho uumatase caata qapo afuri otanttoppaayye ka qimayasene otanttoppaayye, a laha qalame paho ka qa'ade akke. Laahose' nefo, kaassa tappa ka ilda tappa qapa. Ishootta' nefo hapurrasene a Waaqa tappa piita piisa qaropa erkame.

Keleshaata 5:8

Ete mataafase ollopa marrammo qeedeeyye, uumatase caata qapo afuri isho qimayaasene kunda lakki afuri ka laahase' tura itturandesa seehen ka ishi' sakataden. Ka matta mina kehayta qapaden ka qorewwa warqeeta a oppa tankarta immakene' qapaden. Tankartose' nefo qinseeta qulqullowwa.

Keleshaata 6:11

Ishootta matta mina'e mehadda a kalsadane a a'ata ka ishootta daasamen. Haka dikootase a hellaasso a kiristaana a ollin orxaya Waaqa' koddene ka itturopa leysama immakaannitto kara'e akka shakkayteeta asadane'e ishootta' lelamte.

Keleshaata 7:11

Erkampattowwasene' piisa ka sufaanase ka qimayaasene isho uumatase catta qapo afuri kapan desa qaqqa'aden ka sufaanase' tura itturandesa seehen ka Waaqa' sakataden;

Keleshaata 7:9

Sekkammayye anka tooyyade ka orra akata leka akke, ishootta lekna ka kaffa ka sanynyeeta isho orra afaa ika lekayta haasawanno oppaayye ollopa sooken ka mehadda a''ata' kalsaden ka taamma qoyqoyta harkoppa' qapaden ka sufaanase isho laahase' tura' qa'aden.

Keleshaata 9:7

Torraytose farta oranna' harmisatte paha. Mattadaasso qaraayye wa xalaala a warqeeta' paha'e ca. Fuulaaysho fuula nama'e paha.