Keleshaata 4:1 - Mataafa Qulqulloota

¹ Sekkammaayye anka tooyyade tin moonteeyye xarra paname ka ca. Nessa kaasa a dawammo paho an paayyota qara dakaye ka kide “Xooye ka are qaropeela fayyado. Wa itturopa kodda ishootta parpaaccisnane'en ke' akkishaay.”

Keleshaata 4:1 ပူးပေါင်းရင်းမြစ်များ

Mataafa Sooketa 1:1

Maxxada hellaa Isira'eeli a toollaasso ollin Yayqoopi olliiyyi piita Kipsi opa paqe sene.

Mataafa Sooketa 19:24

Yaahiwwe ka ishi kide, “Lekkado ka Arooni isquda qeede ka ollin xooya; ma xoori akkan ishootta an qattaanini'i akka qeesewwa isho samayta xeeloose tuullo ka ana Yaahiwwe kapopa de'o in kodan.”

Mataafa Sooketa 24:12

Yaahiwwe ka Muuse kide, “Irroota qaropa ana kapopa xooye ka are asado; anti seera isho ajajaddaayyo an akka samayta kollissa malla dakadda qaqqaaha qara taafe'en ke daashaay.

Mataafa Pahana 25:7

A nama kutta tura' jeerto kapaayye, a isha ke' kido, “Arepeela kute'e” ke' wayyi.

Xuuma Hisqeeli 1:1

Para kunda sessatta oppa leya afrattati ka leyoose oppa kuyyaata kenattatiiyyi an kaba Kepaari kapaayye orrase poojameppa cooyye, moontada paname anka keleshaatoppan Waaqa akke.

Maatiyoosi 3:16

Ete Yesuusi jaqameeyye sooka pisha oppa sookenne, moonta paname. Ikka Hapura Waaqa a eleela pahanaade ka Yesuusi qara lekkanno akke.

Mariqoosi 1:10

Sooka Yesuusi pishaappa sookenne, Yohannisi ka moonta panamte isho a Hapura Qulqulloota eleela pahanaade ka Yesuusi qara lekanno akke.

Luqaasi 3:21

Ete orra piisa jaqame kammaayye, Yesuusi kuli ka jaqameew. Ete Yesuusi Waaqa qinsannooyye, moonta ka panamte.

Yohaannisi 16:13

Hapurase a dukaata oto de'ooyye, qinda dukaata piisa opa ishinan aana. Isha wa dakaye diisheey, qoota wa mattaadi' haasawanni in kinnin malla. Isha wa itturopa kodda'e ishina' lela.

Kodampaya 10:11

Kelashaatose a akke nefo: a moonta panamte wa ohaata a kaaranta a kutta paha ka qeppeellitta afurin qapame ka piitopa lekkana.

Kodampaya 7:56

Ka kide, “Tin moonta panamte inna nama ka harka Waaqati akkitta' qa'anna'en akkini.”

Keleshaata 1:10

Kuyyaata Poqallaatiiyyi an hapuran cooyye, nessa kutta a kaasa dawammo' paho ka ana kamma desa dakaanni, anka dakaye ikka kiini,

Keleshaata 1:12

Anka ayno akkima ana' haasawanno upatta'e, iskamman desa tiitaawe. Ka eten tiitaaweeyye, wa a qara ipsa xaaynaane a warqeetoppa kodame tappa akke.

Keleshaata 1:19

Semmalla wa akkite wa amma ca ka kuli kammaayye de'a' taafe.

Keleshaata 11:12

Sekkammaayye xuumampayasene lakki ka nessa kuttayta a moonte xata kiino “Arepeela fayyada!” dakayen. Ka a paarkaalaasso ishootta tooynaaneeyye, urrattoppa moontopa fayyaden.

Keleshaata 11:19

Tikase a qulqulloota a Waaqa moonte kitto ka panamte. Taapotase xaadi a kodayteeta ka tikase xaadi a qulqulloota kara akkaatte. Hankaada ka nessa ka xirara ka lellehayta piita isho apteenta kuttayteeta ka kodden.

Keleshaata 16:17

Erkampattootase a tappatta'ew xayxaytoppe'e kuppayyaadi tuqte. Suufaanase tika qulqulloota kela co qara desa nessa kuttayta a kiino “Idikkatte.” ka dakaade.

Keleshaata 19:11

Sekkammaayye moonta panamten akke ka tin farta ata akkeew; a fartase qara kute'e “Isase amaname ka dukaallayta” kidammo isha hanqeetanne faranni ka torpini.

Keleshaata 22:6

Sekkammaayye erkampattootase i'ana kiite, “Qaalewwosen a amaname ka a dukaata. Qaaqa Poqalla isase xuumampaya hapuraadi daanno, wa dehaynittoppa kodda orxayaadi akkissa'e erkampattootaadi erke.”