Keleshaata 3:7 - Mataafa Qulqulloota

⁷ Erkampattoota a tika kiristaana a Filadelfiyaati' taafe ka kide: “Sede isase qulqullitta ka dukaallayta kodde ka fura a tika Taawwiti qapo kapa lelamte. Wa ishi' dufa nama takka nefo panni in co umma wa ishi' pana nama takka nefo dufni in co.

Keleshaata 3:7 ပူးပေါင်းရင်းမြစ်များ

Mataafa Iyyoopi 11:10

Kadi ke qapa ka ke hidaayye ka taanynya turopa ke dehaysadaayye, ayno isha dawra?

Mataafa Iyyoopi 12:14

Oton isha qishshaayye, a ela oorissa ka qupa ettaninno in co; oton isha nama tura' dufaayye, a pana ettaninno in co.

Mataafa Masmuureta 145:17

Waaqa saantaadi piisan hanqeellitta ka kodaadi piisan a amaname.

Mataafa Masmuureta 16:10

Napseetiyyo Si'oli kara'e a' diisso; umma a ke' amanammo akka japjapo a' kooto.

Mataafa Masmuureta 89:18

Kontaleetinno, Waaqa; nuqusaayno kuli, qulqullitta Isira'eeli'iw.

Xuuma Issayyaasi 22:22

Anka fura tika mankisteeta a Taawwiti ishi' daasha; wa ishi' pana, nama a dufo in caado; umma wa ishi' dufa'ew nama a pano in caado.

Xuuma Issayyaasi 30:11

Poroppa ino tura qindopa kida ka saanttoppa'en qa'adan; ino arepadesa qoota qulqullitta a Isira'eeliti desa dakaya an heennooy.”

Xuuma Issayyaasi 41:14

Waaqa ikiini, “Nukkullayto Yayqoopi! Ishina' samayta Isira'eelitiiyyi, in fuuran!” A ishin qaarqaarro anaay ka a ishin furanno qulqullittase a Isira'eeli'iy.

Xuuma Issayyaasi 41:16

Akka ishootta xayyissa, xayxayta ka ishootta haada; puppeeta ka alle ishootta fiita. atti ka Waaqan xasootta; ka ana qulqullitta a Isira'eeli' jeejjatta.

Xuuma Issayyaasi 41:20

Akka harka Waaqa sede kode, qulqullittase a Isira'eeli ka sede uume akka akkan ka upnaadan ka dikadan ka olturaayye sede upnaadane'en koda.”

Xuuma Issayyaasi 47:4

A ino furanno, qulqullittase a Isira'eeli, maxxaadi nefo Waaqase we piisa ettaninno.

Xuuma Issayyaasi 48:17

Qulqullittase a Isira'eeli ishin furanno, Waaqa ikiini, “Anti an Waaqa Poqallaatti, a wa ke qara we nakaysha ke kollinno, ka saanta' oppan anto ke akkinno.

Xuuma Issayyaasi 49:7

Waaqase Isira'eeli furanno ka qulqullitta Isira'eeli kodde, isase a mankistewwa needdaden ka jippen, ikka orxayta mukissampaya' kodde'e kiini, “Qoota Waaqase amaname a qulqullittase Isira'eeli reexade malla, nuqussa ke akkan ka ke tura xa'an; kutkuttowwa ka ke tura' seehan.

Xuuma Issayyaasi 54:5

A ke uume ishan diirtaayti, maxxaadi nefo Waaqa Poqalla a we piisa ettaninno; a ke furanno nefo qulqullittase a Isira'eeli ka ‘Waaqa piita piisa’ kidame.”

Xuuma Issayyaasi 55:5

Tin, qoota Waaqa Poqallaatti qulqullittase a Isira'eeli ke ulfeesse malla, mankistewwa a upnini'i' haleeta, mankistewwa a ke in upnini ka kepa hiran.

Xuuma Issayyaasi 6:3

ka dawanni ka olli' oorinni ka kiini, “Isha' qulqullitta, qulqullitta, qulqullitta Waaqa Waaqa Poqalla a we piisa ettaninno; piita piisa ulfeenaadinni immakaatte.”

Maatiyoosi 16:19

Anti fura mankisteeta moonta'en ke daasha; nama piita qara hiito moonte asseew hidama; nama piita qara furto, moonte asseew furama”

Maatiyoosi 24:35

Piita ka moonta itarpan ma, qaaletiyyo tarpa in qapto.”

Mariqoosi 1:24

“Ata Yesuusi a Naasirati, maana ino qara qapta? Hela ino patissa'e deete? Atti ayno akkima koddite in ke upa, atti a qulqullitta Waaqa.”

Luqaasi 1:32

Isha a kutta kodda ka inna a Waaqase we piisa qaropa qapo kidama. Waaqa Poqalla ka sufaanase a aappaayshoti a Taawiti ishi daasha.

Luqaasi 4:34

“Atti Yesuusi a Naasirati, maana ino qara qapta? Hela ino patissa'e deete? Atti ayno akkima koddite anti in upa; atti a Qulqullitta Waaqa.”

Yohaannisi 14:6

Yesuusi ka oorshe ka kide, “Pora ka dukaata isho caatta ana; umma anoppan maliiyyi a Waaqa Aappa kapopa de'o in co.

Kodampaya 3:14

Ishina qulqullittase ka hanqeellittaseti'i' kiitene ‘An isha an heenno;’ Ka takka nama ishshe akka ishina' furamo naappatten.

Yohaannisi a paayyota 5:20

Inna Waaqa akkima de'en ka akkan Waaqase a dukaata upnaanno'e, matta a paata qapaanno ino' daashen in upna. Anka innaadi Yesuusi Kiristoosi qudanne, isha Waaqase a dukaata olliiyyi takkumta qapna. Yesuusi Kiristoosi Waaqase a dukaata ka caattase a parapara.

Keleshaata 1:11

“Wa akkinitta mataafoppa' taafe ka tikkasene a kiristaana tappa erke, ishootta' nefo, Efesooni ka Semirineesi ka Perkamooni ka Tiyatirooni ka Sardeesi ka Filadelfiya isho Lodooqiya.”

Keleshaata 1:18

Anti an caattampayta. Turan into'e ma xoori tin haka paraparati an caattampayta. Ka toota isho si'ooli qaraayye hupna ukkumeeta' qapa.

Keleshaata 1:5

ka Yesuusi Kiristoosi, isase maakkitta amaname kodde ka tootoppa xaanaan' qaarta kodde ka nuqussa piita' mukinno ka ino jaalanno ka juppootinno oppa diikaadin nata ino sookshe kapaayye, daassata Waaqa isho nakayta a ishina' kodden.

Keleshaata 15:3

Ka masmuureta Muuse a orxaytase a Waaqa isho masmuureta a laahoseti dawanni ka kiini, “Poqallaay, Waaqqo ke a we piisa ettaninno, kodaayti ikutti ka orra qawwanni. Ke a nuqusa leknada kodde, saantaayti saanta hanqeeta ka a dukaata.

Keleshaata 16:7

Porase a kalisootati desaaw anka nessa a kiino, “Aa, Waaqqo Poqlo! Ke a we piisa ettaninno firteewwaatti dukaata ka hanqeeta.” dakaye.

Keleshaata 19:11

Sekkammaayye moonta panamten akke ka tin farta ata akkeew; a fartase qara kute'e “Isase amaname ka dukaallayta” kidammo isha hanqeetanne faranni ka torpini.

Keleshaata 19:2

Firteetaadi nefo dukaata ka hanqeeta; sharmuutitteetase kutta, sharmuutumaadin piita nyalisse, firteetanne qatta'e ka isheetta qatta'anne diika orxayaadi malla, isheetta qara haalota pooyye.”

Keleshaata 2:1

Erkampattoota a tikase a kiristaana Efesooniti' taafe ka kide: “Sede isase hikka tappa harkaadi a akkitta oppa' qapade ka otanta meehase' qara ipsa xaaynaan a warqeeta tappa karadesa tittiitaawno kapa lelamte;

Keleshaata 21:5

Isase sufaana qara kute'e ikide, “Tin anti we piisan haaraya koda.” Ka kammaddesa ana kideewwe, “Qaalese a amanamte ka dukaataay, taafe.”

Keleshaata 3:14

Erkampattoota a tikase a kiristaana a Lodooqiyaati' taafe ka kide: “Sede isase ‘Ameeni’ kodde ka maakkittase amaname ka a dukaata kodde, uumata Waaqa piisa ka isha quda teyade kapa lelamte.

Keleshaata 4:8

Pinaanoosen afuri, matta mina' xoolla lehi lehi qapan ishootta isqudandela ka iskaranxata ildaanne immakaaden. Umma halkeetta ka kuyyaata'e “Qulqullitto, qulqullitto, qulqullitto, Waaqa Poqalla isase we piisa ettaninno. A xatta co ka amma co ka itturopa de'o.” kideeta qaatinni in caan.

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.

Keleshaata 6:10

Ishootta ka nessa kuttan ullupen ka kidene, “Qulqullitto ka dukaallayto ke a piisa qara qapo Waaqqo! Haka aytamiti'i orra piita qara co qara' farata diissa ka diikinno malla haalota pooyya diissa?”