Keleshaata 3:4 - Mataafa Qulqulloota

⁴ Ma xoori Serdeesi karaayye, orra mehaddaasso a kalsannaane in nyalinnin lamaya ke quda ca. Ishootta' qoota orra a mehadda a'ata kalsatta ishootta parpaaccisno kodden malla, mehadda a'ata'e kalsadan ka ana olliiyyi aanan.

Keleshaata 3:4 ပူးပေါင်းရင်းမြစ်များ

Mataafa a Nuqussa a paayyota 19:18

Ha anti xuumampaya paa'ali in kilpiippannini ka waakkaadi in dinkinini kuma tappan amma ikki Isira'eeli kara qapa.

Mataafa Asteeri 8:15

Mardekkiyoosi ka mehaddasene ilaawa ka ishin ata kalsade ka kuppaarta awla ka kulleese a warqeeta paxaara matta qara' kalssade ka tika a nuqusa karaxata sooke; katama Suusa ka ililitta ka xasan immakaaden.

Mataafa Masmuureta 68:14

Waaqa a we' piisa ettaninno, ete nuqussa piisse kara ca pasisheeyye, akka apteenta a irroota Salmooni qara seehnitto mina'e ishootta kode.

Mataafa Dehaamta 9:8

Awta piisa mehadda ata' kalsado ka mattoppa' sayteeta ekerta' daatado.

Xuuma Issayyaasi 1:9

Kadin Waaqa a we' piisa ettaninno peela ino in hattinnin kiiteeyye, akka Sotoomi mina koddinin heenne ka Kamoora pahanaanni heenne.

Xuuma Issayyaasi 52:1

Siyyooni xa'e! Xa'e! Ka hupnaayti hidado; atti Yursaalami katama qulqullaawetiiyyi, mehaddaatti a paxaara' kalsado; maana malla arepadesa a dawra qara in muranini, ka a nyale ke karopa in kullaneey.

Xuuma Issayyaasi 59:6

Xaynaatase' xaaysho a kalankalaata ohaata koddini in kitto; ohaataaysho a dawnaan nama uwwisanni in co; kodaaysho koda neequmta, harkaasso ka koda karpa'ew kooni.

Xuuma Issayyaasi 61:10

Anti Waaqannen xasooda; ka Waaqiyyon a kuttati' xasooda, maana malla akka hemampayta diirta' parroota siranno, enenta a hemammitto ka furootaadi sirannitto mina'e, Waaqa ohaata dina' ana uwwishe, ka kaappa hanqeelluma ana' kalsheey.

Xuuma Issayyaasi 61:3

Akkan a Siyyooni kara pooynaati' xasa oorsho'e, ka pakka tara' oppa'e parroota a paxaara ishootta qara' maro'e, ka pakka ilmaama oppa'e sayteeta xasa ishootta qara' tuqo'e, ka pakka hapura nyarrahe oppa'e kaappa kalata' kalsho'e ana reexade; akka Waaqa ulfeessamo'e, ikka “Dishma hanqeeta a Waaqa dishade” Kidman ka halaaman.

Xuuma Issayyaasi 64:6

Ino' piisantiiyyin nyalle, kodinno a hanqeelluma kan soddinka uta; anka piisani a haashsha' mina oline, neequmtinno ka a puppeeta mina ino haate.

Mataafa orra Lewi 13:48

ka xaynaata taaki shaloota a dawamte taaki nyirfa kahirra taaki kollatta taaki mehadda a kalsannaane a kollatoppa kodame quda akkaaniiyyi

Maatiyoosi 10:11

Katama taaki paleeta a karopa kullitan karaayye, nama a tikaadipa ishin teyyado fada; ka haka eyye sooknittan ka annittan kara'e tikooseti tawa.

Mariqoosi 16:5

Ete hawlase karopa kulleneeyye, xayyoolayse takka ohaata ata uwwisade ka qinda akkittain kute'e akken ka qara tammaqen.

Luqaasi 20:35

orra tootoppa xaana ka piita itturopa deeto oppa kallaatta ishootta daasamte, xoori in heman umma in hemaman.

Luqaasi 21:36

Semmalla akka wossen deena piisa kela pahatan ka fuula inna a nama tura qa'atta ettanissane'e, qinsada ka awta piisa japaada.”

Kodampaya 1:15

Sitiiyyi, Peetiroosi ka orra amanno a nama dippa ka kunda lakki mina' co oppeela qa'ade ka kide,

Teseloonqe a lammatta 1:5

Sede piisa wa akkinnitta, firteeta Waaqa akkima dukaata koddite ka mankisteetase' xaadi a' malla rakkoota teyyannittan karopa orra kalta ishootta parpaaccisno ishin koonitto akkinni.

Yihuta 1:23

Ka deemo apittoppa sooksha ka ishoottan paha. Ka deemo fuuran ishootta suraysada. Ma xoori japara a dakintase' xaaysho juppootan nyalte quda kaye kuli needdada.

Keleshaata 1:11

“Wa akkinitta mataafoppa' taafe ka tikkasene a kiristaana tappa erke, ishootta' nefo, Efesooni ka Semirineesi ka Perkamooni ka Tiyatirooni ka Sardeesi ka Filadelfiya isho Lodooqiya.”

Keleshaata 11:13

Saatese oppa'ew piita ka akata lellehete. Katamasene qudaayye harka kudani oppaayye takka ka qitqite. Lellehayta piita minanne, nama kuma tappa ka pirame. A toota kela pahee ka a kuttati fuuren ka Waaqa a moonta ulfeessen.

Keleshaata 14:4

Ishootta qoota issin caan malla iskatta olli mukittaanne in nyalle ka pora a laahase opa anno piisa opa kamma anni. Ishootta Waaqa isho laahaseti'i orroppaayye akka qarpatta mina dehaaden.

Keleshaata 19:14

Xela oranna a moonta a ohawwa a''ata a xaynaata qora talpa oppa dawame a jureeta in qapnini ka papaxxaara uwwisade ka fartada a'ata qara kute'e ka isha kamma qatte ka isha kamma anni.

Keleshaata 19:8

Akka kalsatto'e, mehadda a xaynaata qora talpa oppa dawame ka pippildaawna a jureeta in qapnin ka paxaara ka ishi daasamen.” mehaddoosen a sira a xaynaata qora talpa oppa dawame nefo, kodase a qulqullowwa a hanqeelluma

Keleshaata 3:18

teyantoolayta kodda'e warqeetase apittan ekkaysatamte akka ana qara piddatto ka jeera lulle kinnaattaayti' qara deka'e, mehadda a ata' kalsatto ka akka' paata akka ettanisso'e, qorsa ilda' piddatto ka ildaappa' daatatto'en ke dehaammi.

Keleshaata 3:5

Nama puto, a xaaysho' mina'e mehadda a'ata kalsada, anti ka fuula aappinno isho a erkampattoowwaadi' tura'e maxxaadi ishi upnaysha; umma maskapase a caatta a maxxa caattampaaya oppa taafammo oppaayye maxxaadi an haqo.

Keleshaata 4:4

sufaanase kapan desaaw suufaana kunda lakki afuri caaw. Suufaanaddasene qara'e, qimaya kunda lakki afuri, a mehadda a'ata' kalsade ka kullewwa a nuqusa a warqeeta a mattaaysho qara' kalsade ka qaa'en.

Keleshaata 6:11

Ishootta matta mina'e mehadda a kalsadane a a'ata ka ishootta daasamen. Haka dikootase a hellaasso a kiristaana a ollin orxaya Waaqa' koddene ka itturopa leysama immakaannitto kara'e akka shakkayteeta asadane'e ishootta' lelamte.

Keleshaata 7:9

Sekkammayye anka tooyyade ka orra akata leka akke, ishootta lekna ka kaffa ka sanynyeeta isho orra afaa ika lekayta haasawanno oppaayye ollopa sooken ka mehadda a''ata' kalsaden ka taamma qoyqoyta harkoppa' qapaden ka sufaanase isho laahase' tura' qa'aden.