Keleshaata 22:3 - Mataafa Qulqulloota

³ Umma arepa desa jiija takkan nefo in kinnaadan. Sufaana Waaqa isho a laahaseti katamasene kara kinnaadan, orxayaadi ka isha waaqaysadan.

Keleshaata 22:3 ပူးပေါင်းရင်းမြစ်များ

Mataafa Masmuureta 16:11

Atti saanta caatta'e ana' akkissa; ke kapaayye xasa immakkoota caay, akkittaaytippaayyeew xasa parapara'e ca.

Mataafa Masmuureta 17:15

Xayyo xoori, hanqeetannen fuulaaytippa tooya; ka oton impaso ka fuulaayti akkooyye, duttana.

Xuuma Issayyaasi 12:6

Ishina Siyyooni qara kalatiiyyi, qulqullittase a Isira'eeli ishin oppa kalo ikuttiiy, ililiwa ka xasan dawada.”

Xuuma Issayyaasi 51:11

Orra a Waaqa isha furade itiitaawa, ka masmuuretan Siyyoonipa kala; ka xasa parapara a xalaala' mina marada, ka akata xasooda ka xasa a kutta akkada, nyarrahata isho quujatta ka pata.

Xuuma Hisqeeli 37:27

Poriyyo a kallaata nefo otantaaysho oppa kodda; anti ka Waaqaaysho kodda; ishootta ka samaytiyyo koddan.

Xuuma Hisqeeli 48:35

Kawwatta a katama quda kitto tiitaawwataadi piisa, kiilomeetireeta sakali kayni; awseti desa paayyatte maxxa katamooseneti ka ‘Waaqa eeyye kara ca!’ kidama.”

Xuuma Sakkaariyaasi 14:11

Orra ka oppa' kallaada, umma arepa desa lammatta in qitqitto. Ka qaapa mali nakaytan kallaatta.

Maatiyoosi 25:21

Poqallaadi ka ishi kide, ‘Atti a orxayta fayya ka a amaname; wa paxaara'e koote. Wa shakkaatinni amanamteey, wa kutta qara'en ke shuuma; xooye ka xasase a poqallaatti oppopa kulle.’

Maatiyoosi 25:41

Ka kamma desaaw, isasene qinda pittittaaditin caati kida, ‘Ishina jiijameeti, ana kapa sekaada ka apittase libbini in kinnin seetana ka erkampattowwaadi harmisame oppopa aana.

Yohaannisi 12:26

Nama orxaytiyyo kodda heeno, a ana kamma de'o; pora an anti oppaayye co, orxaytiyyo eeyyew caada; nama orxaytiyyo kodde Aappa i'isha ulfeessa.”

Yohaannisi 13:32

Oto Waaqa isha minan ulefeessameeyye, Waaqa ka isha ulfeessaaw ka a in jarrin mali isha ulfeessa.

Yohaannisi 14:3

Ka oton aano ka pora ishina' harmisho kammaayye, akka ishina pora an anti oppa co oppa' kallaattane'e, lammatta' de'a ka ishin qeeda.

Yohaannisi 17:24

“Aappo, a piita in uumammin turanne, qoota ana jaalate malla, ulfeenase a ana' daasse, akka akkane'e, sene a ana' daasse akka pora an anti oppa co oppa ana olli kallaadane'en jaalanni.

Mataafa oppa' Ooreta 27:26

‘Nama qaalewwa a seerosetitin kallaanni in kinnin, a jiijame a koddo!’ Samayta piisa ka kido, ‘Ameen.’

Keleshaata 7:10

Ka nessa kuttaytan ullupni ka kiini, “Ishin pahatta, a Waaqase xanno sufaana qara' kute'eti isho a laahaseti!”

Keleshaata 7:9

Sekkammayye anka tooyyade ka orra akata leka akke, ishootta lekna ka kaffa ka sanynyeeta isho orra afaa ika lekayta haasawanno oppaayye ollopa sooken ka mehadda a''ata' kalsaden ka taamma qoyqoyta harkoppa' qapaden ka sufaanase isho laahase' tura' qa'aden.