Keleshaata 21:3 - Mataafa Qulqulloota

³ Anka nessa kuttayta a sufaana qara desa kiino, “Tin tika a kara Waaqa kalo orroppa kitta. Waaqa orra olli kallaada ishootta ka orraadi koddan. Waaqa ka mattaadi ishootta olli caada ka Waaqaaysho kodda.” dakaye;

Keleshaata 21:3 ပူးပေါင်းရင်းမြစ်များ

Mataafa a Nuqussa a paayyota 8:27

Hela dukaata'e Waaqa piita qara kallaada? Moonta moonta qaropeela kitto kuli ke in kayniniiy, tikase a qulqulloota an anti qupe desa aysha ke kayta?

Mataafa Otoowwa a lammatta 6:18

Hela allu dukaatanne Waaqa ipiita qara nama olli kallaada? Ma xoori moonta ka moontada moonta qaropeela ca nefo ke kayni in caaneey, ka kuli tikoose an anti ke' qupe desa atta ke' qajtaaw?

Mataafa Sooketa 25:8

ka akkan otantaaysho oppa kallaado'e, akka tukkana qulqullaawe ana daapane'e ishootta lele.

Mataafa Sooketa 29:45

Anka otanta samayta Isira'eeli oppa kallaada ka Waaqaaysho kodda.

Xuuma Issayyaasi 12:6

Ishina Siyyooni qara kalatiiyyi, qulqullittase a Isira'eeli ishin oppa kalo ikuttiiy, ililiwa ka xasan dawada.”

Xuuma Ermiyaasi 31:33

Waaqa ikiini, “Ma xoori awse kammaayye, kodayteeta an samayta Isira'eeli olli kodado sede; seeriyyon mattaaysho kara' xaaya ka karittaaysho kara' taafa, ka Waaqaaysho kodda; ishootta ka samaytiyyo koddan.”

Xuuma Ermiyaasi 32:38

Ikka orriyyo koddan anti ka Waaqaaysho kodda.

Xuuma Hisqeeli 37:27

Poriyyo a kallaata nefo otantaaysho oppa kodda; anti ka Waaqaaysho kodda; ishootta ka samaytiyyo koddan.

Xuuma Hisqeeli 43:7

Ka ana' kiini, “Atti to'ampayta namatiiyyi, poroose are co pora suufaaniyyo ka pora a loqtiyyo oppa yetatto, anka haka paraparati otanta samaytiyyo a Isira'eeli oppa' kallaado; umma kulipaata samayta maxxase' xayyo qulqullaawe in nyalsho, umma samayta Isira'eeli isho nuqussaasso killanna' sakatattaanne ka oto nuqussaasso le'aneeyye wa a koonaanetinni maxxiyyo in nyalshan.

Xuuma Hisqeeli 48:35

Kawwatta a katama quda kitto tiitaawwataadi piisa, kiilomeetireeta sakali kayni; awseti desa paayyatte maxxa katamooseneti ka ‘Waaqa eeyye kara ca!’ kidama.”

Xuuma Sakkaariyaasi 13:9

Harkoose takka a kela hase nefo, apittoppopan tuqa ka akka a dakara' mina xoopa ka akka a warqeeta' mina liilsha ka ekkaysada. Sekkammaayye ishootta maxxiyyo halan, anti ka ishootta dakaya ka ishootta' kida, ‘Samaytiyyo’ ishootta ka ana' kidane, ‘Waaqa Poqallaanno.’”

Xuuma Sakkaariyaasi 8:8

Ka akka Yursaalami kara' kallaadane'e eeyye ishootta kalsha, ikka samaytiyyo koddan; anti ka Waaqaaysho kodda ka dukaata isho hanqeellumaan ishootta muksha.

Mataafa Dikoota 9:16

Ka awta piisa asseew koddini; kuyyaateeyye urratta ka tukkanase qara uwwinni, halkeetteeyye wa apitta paha ka qara akkaanni.

Yohaannisi 1:14

Sede qaaleta kidame nefo, nama kodde ka daassata Waaqa isho dukaata immakaade ka otantinno oppa kallaade. Ino ka a inna sene takkan a aappa ulfeena, a'appaaysho kapa qapan akkine.

Yohaannisi 14:23

Yesuusi ka ishi oorshe ka kide, “Nama ana jaalanno, qaaletiyyo tooytaanni; Aappinno nefo ka isha jaalanni; ino ka isha kapopa deena ka isha olli kallaanna.

Qorontoosi a lammatta 6:16

Tika qulqulloota a Waaqa killanna olliiyyi, olli' kalayta maana'e qapta? Waaqa akka haasawade ka kide, “Ishootta oppa'en kallaada ka ishootta oppa pora aana, ka Waaqaaysho' kodda, ishootta ka samaytiyyo koddan.” mina'e, ino takka takkaayye an tika qulqulloota a caattampayta Waaqa.

Qorontoosi a lammatta 6:18

Ka aappaayshin kodda, ishina ka hellaayyo a diira isho a tuparra' kodditan. Waaqase we' piisa ettaninno asse kiini.”

Teseloonqe a paayyota 3:11

Amma nefo, Waaqinno ka Aappinno ka Poqallaanno Yesuusi mattaadi'i, akkan ishin kapopa deeno a saantinno ino' qajeelsho.

ipro 11:16

Amma xoori, piitase jaallitto ka moonteeyye kitto yaatanni. Semmalla Waaqa qoota katama ishootta' harmishe malla, kati “Waaqinno” kidan ka isha halaneeyye, ishi' jeera in koddito.

ipro 8:10

Poqalla ikiini, Kodayteeta an arepa desa samayta Isira'eeli olli kodado sede. Anti, seeriyyon mattoppa ishootta' xaaya, Ka karittaaysho kara' taafa ka Waaqaaysho' kodda, ishootta ka samaytiiyyo koddan.

ipro 8:2

Isha porase qulqullaawe, tukkanase a dukaata kara koda kooni. Tukkanoose' nefo, poqalla daape diisheey, harka namatin in daapamme.

Keleshaata 10:4

Ete xirarase tappa haasawadeeyye, anti allu taafaan dikade ma, nessan moonte dakaye ikka kiini, “Wa xiraroose tappa haasawade juuttotan qapado diisheey, in taafan.”

Keleshaata 10:8

Sekkammayye nessase an turan moonte dakaye ka lammatta ana haasawadeew ka kiini, “Aane ka mataafase ollopa marrammo paname harka a erkampattootase pakateeta isho piita qara qa'atte oppaayye qeede.”

Keleshaata 12:10

Sekkammaayye, nessa takka kutta ka moonte xata kiini, “Tin dinissa ka hupna isho mankisteeta a Waaqinno'e kodditen. Hupna ukkumeeta ka a Kiristoosi kodde; xasasampaytase a fuula Waaqinno tura halkeetta ka kuyyaata hellaanno a kiristaana xasasno i'alle katame.” Anka dakaye.

Keleshaata 21:7

Nama puto, sede lehada: anti Waaqaadin kodda, isha ka innaayyo kodda.

Keleshaata 22:3

Umma arepa desa jiija takkan nefo in kinnaadan. Sufaana Waaqa isho a laahaseti katamasene kara kinnaadan, orxayaadi ka isha waaqaysadan.

Keleshaata 7:15

Semmalla sufaana Waaqa' tura caan ka halkeetta ka kuyyaata tikaadi a qulqulloota' kelaayye ishi' koda kooni. Isase sufaana qara' kute'e ka kaattisaaysho' kodda.