Keleshaata 20:9 - Mataafa Qulqulloota

⁹ Ishootta, piita piisa qara'e pasen ka safarase a qulqullowwa isho katamasene jaalatame kapa muren. Ma xoori apitta moonte lekkade ka ishootta kupe ka pire.

Keleshaata 20:9 ပူးပေါင်းရင်းမြစ်များ

Mataafa Uumata 19:24

Yaahiwwe ka moonte xata apitta ka porooda apitta a dakada paho Sodoomi ka Kamoora qara' roopshe.

Mataafa a Nuqussa a lammatta 6:15

Orxaytase a nama Waaqa ete teykante paraappan xa'e ka sookeeyye, xela orraanna ka fartada isho sarakelladda qapo a katamasene kapa mure'e akke ka kide, “Poqallaayyo, oo ino kido! Maana koda ino wayyi?”

Mataafa Iyyoopi 38:18

Palduma piita atta akkima caan i''upta? Otoni sede piisa' uptaayye, haasawado.

Mataafa Masmuureta 106:18

Apitta safaroppa' qapade; opaya apitta ka ukkuttowwa kupe.

Mataafa Masmuureta 87:2

Waaqa, tikka Yayqoopi qaran qapto'e xarrada a Siyyooni'i jaalanni.

Mataafa Masmuureta 97:3

Apitta isha turandesa anni ka nyaapaadi a isha kapan desa co kupni.

Xuuma Issayyaasi 30:33

Qaawa a kara nuqusase a Asoori kutta kupado, xattaaw qotame ka paldi ka karanxata seki; apitta isho qora ka kara' immakaaden; nessa Waaqa ka akka daka opayno mina oppa apitta qapsiisa.

Xuuma Issayyaasi 37:36

Sekkammaayye erkampattoota a Waaqa ka sookte ka safara a Asoori oppa nama kuma dippa kunda setteeti keni lesse; ete teykante xa'eneeyye safara ka pukkadaan immakaade.

Xuuma Hisqeeli 38:16

Akkima urratta piita qara pirro mina'e samaytiyyo a Isira'eeli torpa' tulta; atti Kooki! Xeltada a kamma oorshatiiyyi akkima upnaadane'e, oton fuula mankistewwa tura qulqullumaayyo akkinnooyye, akka piitiyyo torpito'en ke koda.”

Xuuma Hisqeeli 38:22

Ishootta qara'en farata ka paaqa a tuullino ishootta qara' qeeda ka orannaappa ishootta pira ka isha ka xelaadi a oranna isho samayta a isha quda co qara'e roopa a kutta ka qita; apteenta ka apitta isho daka apitta ka roopa.

Xuuma Hisqeeli 38:9

Ke isho xelaayti a oranna ka samayta kutta a ke quda co, akka a puppeeta' mina'e' sooktan ka a urratta' mina piita libbissan.”

Xuuma Hisqeeli 39:6

Anti orra Makooki isho a qaapa mali pakateeta kapa kala' qaropan apitta erka; ikka akkiman anti Waaqa kodde upnaadan.

Xuuma Mikkiyaasi 2:13

Waaqa samaytaadi tura xarra pana, ishootta ka saantose oppan diitmadan, isha ka mattaadi nuqusaaysho kodda ka tura' qata ka ishoottan aana.

Xuuma Inpaqoomi 1:6

Ha anti karpampayasene ka jarjarampayasene a Paapilooni'in ishin qara' xaasha, ikka piita xaaysho in koddinini opa tuulan ka oranna xaashan ka piitadda piisa qapadan.

Mataafa Dikoota 11:1

Samayta Isira'eeli ka rakkoota ishootta qara kayte malla Yaahiwwe qara qoojqooje; Yaahiwwe ete qoojqoojaaysho dakayeeyye, a kuttati'i ishootta qara' miiroode; apitta Yaahiwwe ka ishoottoppa' opaye; ka safaraaysho a xaala quda co kupo'e.

Mataafa Dikoota 16:35

Apitta ka Yaahiwwe kapa lekkade ka orrase kalisoota tankarta kalinno namase dippa lakki ka kunda keni pire.

Luqaasi 17:29

Ma xoori, kuyyaata a oppaayye Looti katamoosen a Sotoomi kara sookeeyye, apitta isho daka apitta'e moonte xata roope ka ishootta piisa pashshe.

Luqaasi 19:43

Kuyyaata a oppaayye nyaapaayti de'o ka ke kapa muro ka ke kapa kawatta dawo ka qinda piisaayye desa ke qaatqaato de'a.

Luqaasi 21:20

Kamma desa Yesuusi ikide “Oto Yursaalami xela orannaatin kapa muramto, akka akkitaneeyye, pateettaadi akka desa kayte upnaada.

Luqaasi 9:54

Tamaarewwasene xaadi Yayqoopi isho Yohaannisi, ete sede akkeneeyye, i'ishi kidene, “Poqallaay akka apitta moonte lekkado ka orrose kupo'e akkan ajajino iheenta?”

Mataafa oppa' Ooreta 23:14

Yaahiwwe Waaqaayti ke tooyta'e ka nyaapaayti ke turopa tuukka'e, qoota safaraayti oppa pora anno malla akka wa a dappaawna ke kara in akkinin ka ke qaraayye alle in tiitaawnini'i, safaraayti a nyala mali caado.

Teseloonqe a lammatta 1:8

Isha hapulpula apittatinni moonte xata akkaada ka orra a Waaqa in upnin ka otootase a fayya a poqallaanno a Yesuusi' ajajammi in kinnini qatta'a.

ipro 13:13

Ino' nefo safara kara sookna ka isha kapopa anna ka jeeraadippa qoottanna.

Keleshaata 11:5

Oton nama ishootta miidda faaniiyi apitta afaasso oppa sooka ka paarkaalaasso kupa. Nama ishootta miidda faano piisa ka saanta asse pahaton to'a.

Keleshaata 13:13

Pinantose a lammatta xoori haka fuula orra tura apitta moonte lekkinno'e wa orra qawwanna a kukutta kooni.