Keleshaata 20:2 - Mataafa Qulqulloota

² Ikka pofase qapte ka para kuma isha hiite. Pofase nefo, maakase a xatta isase taapiloosi taaki seetana kidammo.

Keleshaata 20:2 ပူးပေါင်းရင်းမြစ်များ

Mataafa Uumata 3:1

Pinaana a Yaahiwwe Waaqa uume piisa oppa maaka, akatan falqoolayta. Maaka iskatteetase'e kaassade ka kide, “Hela Waaqa keeto luukkata qorosen pora dishima kara ca takka nefo akka addammini ishin dawre?”

Mataafa Uumata 3:15

Otantaayti ka a iskatteetoseti ka otanta sanynyeetaayti ka a sanynyeetaadi oppa'en paarkaallummaata koda. Isha mattaayti oppa tuma atti ka kamdaadi qomta.”

Mataafa Iyyoopi 1:7

Waaqa ka seetana' kide, “Ayshaayye' deete?” Seetana ka Waaqa' oorshe ka kide, “Piita piisa qarandesan a'aane ka oppa tittitaawe.”

Xuuma Issayyaasi 24:22

Ka akka orra a piita kela' hidame mina'e ollopa ishootta oorsha ka tika hida' kara ishootta dufa ka kuyyawwa lekaya kamma ishootta qatta'a.

Xuuma Issayyaasi 27:1

Awsetiiyyi, Waaqa koraatetase' xaadi kutta qaarta qapto ka kokkokatinni Lewaataani maakase ollopa marammo ka Lewaataani maakase loomlommo qatta'a ka naaccase kutta a pakateeta kara' ishsha.

Xuuma Hisqeeli 47:5

Ikka amma metireeta dippa keni ekkaysadeew; qoota pishaasene opeela xa'en malla, ikka kirra an oppan tuulla an ettaninnin kodden; ishootta oppandesa anta in koddan; ma pisha a daana kaye mina'e karanxata seki.

Maatiyoosi 19:29

Nama ana malla kide ka tika, taaki hellaasso, taaki tuparraasso, taaki aappaaysho, taaki aayyaasso, taaki hellaadi, taaki dula alle diishe, harka dippa akkada; ka caatta parapara kuli lehada.

Maatiyoosi 8:29

Ishootta ka ullupitta paayyen ka kidene, “Atti inna Waaqa, maana ino qara qapta? Ka a xoorasene in kaynin mali ino rakkacciissa deete?”

Mariqoosi 4:15

Ete qaalese qupamteeyye, xottoosen pora kapa seehe, wa akkinnaane orra qaalese a Waaqa dakaye, seetana ka eennow deeno ka qaaletase ishootta kara aylamte ishootta kara qeenno lelli.

Mariqoosi 5:7

Ka nessa kuttan ullupe ka kide, “Yesuusi atti inna Waaqase we piisa qara qapooti, ata maana ana qara qapta? Maxxa Waaqatinnin ke qinsanniiy, atara anan rakkacciisan.”

Yohaannisi 12:31

Eta a oppaayye piisse' qara faratamta amma. Eta a oppaayye poqallasene a piissiti, seetana lakopa katamo nefo, ammaaw.

Yohaannisi 16:11

Sede a qoota firteetati desa ishootta laka' sookshoow, qoota piddampayta piisseti qara' faratamte malla.

Roomi 16:20

Oton asse' koonittaneeyye, Waaqase a nakayta eennoow seetana loqqaassin kela xata yooqa. Daassata a Poqallaanno a Yesuusi Kiristoosi a ishin olli caatto.

ipro 2:14

Se malla helloosen, qoota orra so'a ka diika qapo kodden malla, Yesuusi a xaaysho mina'e nama kodde. Wa malla asse kode' nefo, akka tootaadinni taapiloosise' toota qara hupna ukkumeeta' qapo, pashsho malla.

Petroosi a paayyota 5:8

Mina' desa kallaada ka impasa! Paarkaalaassin, seetana, nama a loqo faani ka a karma daattino mina ishin kapa tittiitaawniiy.

Petiroosi a lammatta 2:4

Erkampattowa nefo ete juppoota kodeneeyye Waaqa a ishoottan suraysannin mali, akka qaawase a tukkanta karan xata seka kara jaran ka kuyyaata firteeta asadane'e kahaannami karopa ishootta kate.

Yihuta 1:6

Akkimoose' mina'ew erkampattoowwasene ulfinaaysho'en tooytannini ka poraaysho a ukkumeeta alle' diishe matte oorsadaaw; haka kuyyaatase kutta a firteeta' kaynitto kara'e, Waaqa hida a paraparatinni akka tukkanta nan kiite kara' jarane kode.

Keleshaata 12:13

Pofase ete akkima piita qaropa katame akkeeyye, iskatteetase inna diirta xaayte kamma pora daane.

Keleshaata 12:15

Akka iskatteetase malxaan haadamto'e, pofase ka pisha a kirra urqino mina ca afaadippaayye tufe ka iskatteetase kamma tuqe.

Keleshaata 12:17

Pofase ka iskatteetase qara miiroode ka sanynyeetase a iskatteetaseti peela hasse torpa sooke. Ishootta nefo, isasene ajajadda Waaqa tooytina ka qoota Yesuusi desa amanuman maakkumma.

Keleshaata 12:3

Milikkita a pila ka moonta quda akkaadeew. Pofa a tiima kuttayta a matta tappa ka kaassa kudan qapo ka akkaade ka mattadasene xaadi qara'e, kullewwa nuqusa tappa kalsade.

Keleshaata 12:4

Ka ektaadin hikkasene qudaayye harka sessaappa takka moonte tite ka piitopa ishootta tuqe. Pofase oto iskatteese xaaytooyye qoota innaadi loqa dikade malla, iskatteese xaaya foolsatte tura'e qa'ade.

Keleshaata 12:9

Pofase kutta ka kumpaappe katame. Isha nefo maakaase a xatta, isase taapiloosi taaki seetana kidammo ka halaammo ka akka piita piisa kamma dapto koono. Isha piita qaropa katame. Erkampattowwaadi ka isha olliiw katamen.

Keleshaata 13:2

Pinantose an akke, qayranta paha; loqqaadi loqqa pinantase tipi kidammo'e pahan; afaadi ka afa karma pahan. Pofase ka pinantaseti'i hupnaadi ka suufaanaadi isho hupna ukkumeeta kuttayta daashe.

Keleshaata 13:4

Qoota pinantaseti hupna ukkumeeta daashe malla, orra piisa ka pofaseeti sakatade; ka pinantase kuli sakatade ka kide “Ayno pinantose paha? Ayno ka isha torpa ettansha?”

Keleshaata 20:10

Taapiloosi, isase akka kamma dapane ishootta kode, pakateetase a apitta a daka apitta oppa opayno, isase pinantase isho xuumampaytase a darta kara caan karopa katame. Ikka eeyye kara halkeetta ka kuyaata, paraparaayye haka paraparati miidama quda tawan.

Keleshaata 20:7

Oto parase kuma dikkado kammaayye, seetana hidaappa furama.

Keleshaata 9:11

Ka nuqusa kuli qapan. Isha' nefo, erkampattoota a hiwwalaallaseneti. Maxxaadi nefo afa Iprutin apaddooni kidammi ka afa Kirikkitinni, aboliyooni kidammi.