Keleshaata 2:7 - Mataafa Qulqulloota

⁷ Wa hapura tikka kiristaanati' kiina nama a napahata dakaynitto qapo a dakayo. Nama pute, akka dalta qoyra caatta a Kennete a Waaqa kara kitto damo'en ihsi' daasha.”

Keleshaata 2:7 ပူးပေါင်းရင်းမြစ်များ

Mataafa Uumata 2:9

Yaahiwwe Waaqa qora ilda turaayye nama satinna ka luukkata a me'aawnitto dalla piisa piitoppaayye deheshe ka otanta eenna kara'e, qoyra daltaadi oto dammaaneeyye wa neeqa ka a paxaara upnanno ka qoyra caatta daanno deheshe.

Mataafa Pahana 11:30

Dalta hanqeellayta qoyra caatta; a napseeta orratin pahano kan ooka.

Mataafa Pahana 13:12

Kippeeta jarritto, karitta orra kara kupni; xajeelta a harkoppa kayte xoori, qoyra caatta' mina.

Mataafa Pahana 15:4

Arrapa naaluma haasawanno qoyra caatta; arrapa sassapa' xoori caatta nama'e qepinni.

Mataafa Pahana 3:18

A isheetta qapannaati isheetta qoyra caatta, a isheetta kokkonnaysanna ka qapanna a sakame.

Xuuma Hisqeeli 28:13

Turanne akka Eteni a dulase a Waaqa kara kalto mina'e kallaata ettante kallaanni; ka sira dakadda oyna a heraan kokkoka oppa kodame' siratte; ohaataayti kan warqeeta; wa ohaataayti quda' rakene' piisa kan warqeeta patta. Siroosen nefo kuyyaata atti uumamteeyyeew ke' uumamen.

Xuuma Hisqeeli 31:8

Pirpirse a jijo dula Waaqa oppa co nefo, isha kapa'en ekkaysatamo; umma qora pirpira dankaadi kapa in kayan; umma qora leya nefo taammaadi kapa in kayan; umma qora a dula Waaqa oppa ca oppa takka nefo paxaaruma isha kapa in kayan.

Maatiyoosi 11:15

Nama napahata a dakaynitto qapo a dakayo.

Maatiyoosi 13:43

Hanqeellaya xoori awse mankisteeta aappaayshotitiiyyi akka piirtota mina'e la'ayan. Nama napahata a dakaynitto qapo, a dakayo.”

Maatiyoosi 13:9

Nama napahata a dakaynitto qapo, a dakayo.”

Mariqoosi 4:9

Se kamma Yesuusi ikide, “Nama napahata a dakaynitto qapo, a dakayo.”

Mariqoosi 7:15

Wa nama kara sookna'e nama nyalinni diisheey, wa lake desa nama karopa anna nama nyalinni in caan!

Mariqoosi 7:16

[Semmalla nama napahata a dakaynitto qapo, a dakayo.”]

Luqaasi 23:43

Yesuusi ka ishi kide, “Dukaatannen ke kiini, awwe seeyye ana olliiyyi Kenneeti kinnaatta.”

Luqaasi 8:8

Xotta a taakane xoori, piita fayya oppa'e seehen ka sakkatten; sakkattase ka jife ka matta mina miillata harka dippa pale.” Kammadesa Yesuusi ikide “Nama napahata a dakaynitto qapo a dakayo.”

Yohaannisi 16:33

Waan malla sede ishina' lele, akka anan caattan ka nakayta qapnaattan malla. Haka' piita qara kittaneti'i rakkoota ishin qaraayye ca; ma xoori in fuuran, anti in piita puteey.”

Qorontoosi a paayyota 2:10

Xoori, Waaqa hapuraadinni juuttotase' xaadi ino akkishe. Hapura Waaqa, juuttotase a Waaqa kara seka kuli hattinni in co ma piisa kara qorri.

Qorontoosi a lammatta 12:4

Isha Kennetipa qeedame ka wa afaa namatin in lelammini nama ka haasawatta in ettaninnini, dakaye.

Yohaannisi a paayyota 2:13

Aappadaayye! qoota isase paayyota'ew co upnaatten mallan ishina' taafni; xayyoolayteeyye qoota' seetana putten mallan ishina' taafni.

Keleshaata 13:9

Nama napahata dakaynitto qapo a dakayo!

Keleshaata 14:13

Anka nessa moonte xata kiino, “Sede taafe dakaye, ‘Arepa desa a Poqalla Yesuusin ca ka leena, a eeppisame!’” Hapura Qulqulloota nefo ikiiniiwwi, “Aa, akka yaalaaysho kela nessadane'e kodaaysho ishootta kamma anna.”

Keleshaata 15:2

Sekkammaayye wa pakateeta kaawwata pahato paha a apittoppa lahame'en akke. Ka isasene pinantase ka waakkaadi isho milikkita dikoota maxxaadi pute akke. Ikka kehaytase a Waaqa ishootta daashe qapaden ka pakateetase a kaawwata kapa qaqqa'aden.

Keleshaata 2:11

Wa hapura tikka kiristaanati' kiina nama a napahata dakaynitto qapo a dakayo! Nama puto, toota lammattatinni in miidamo.”

Keleshaata 2:17

Wa hapura tikka kiristaanati' kiina, nama napahata dakaynitto qapo, a dakayo! Nama puto'e, mennasene' juutame' qudaayyen ishi' daasha. Ka daka ata, a qara maxxa haaraya taafame ishi' daasha, umma nama teyyado maliiyyi, nama pila takka nefo in upnaado.”

Keleshaata 21:7

Nama puto, sede lehada: anti Waaqaadin kodda, isha ka innaayyo kodda.

Keleshaata 22:14

Qoyrase a caatta qudaayye dalta dama'e, xarradaadippan katamasene karopa kulla'e, akka mapteeta qapnaadane'e, orra a mehaddaasso diipade, a eeppisame.

Keleshaata 22:17

Hapurase a Qulqulloota isho enentase hemammitto ikiini, “Xooye!” a dakayno nefo, akido “Xooye!” a deepoode a de'o; nama heeno, a pisha caatta kaaja takkan nefo mali patta iko.

Keleshaata 22:2

Kirroose, pora a kutta a katamasenetiiyyi otantoppanne urqini ka tarpini. Kirroosetiiyyi qinda akkitta ka a pittittatinni, qoyra caatta a leya leyaappa dallo ka paroppa kudanka lakkin dalta dallo ca. Haashsha qoyroseti ka lekna dininni.