Keleshaata 2:5 - Mataafa Qulqulloota

⁵ Pora kutta a atta co qara akkima pi'ite matte oorsado. Ka juppootaaytippa oore ka kodaayti a' paayyota' koonitto kode. Oton xoori sede pisa a' kooni a kinniniiyyi ke kapopan de'a. Oton juppootaaytippa a oorriniiyyi meehaayti a qara ipsa xaaynaanen poraadippa maysha.

Keleshaata 2:5 ပူးပေါင်းရင်းမြစ်များ

Xuuma Issayyaasi 1:26

Ka mukissampaya a paayyota' paha ke' xaasha ka dehaamampaya a paayyota' paha ke' oorsha; sekamma akka kidamta, ‘Katama hanqeelluma ka paleeta amanamte.’”

Xuuma Issayyaasi 14:12

Atti ke hiikkitta para mina' paho nuqusa Paapiloonitiiyyi, atta moonte piite! Atti ke a nuqussa jeershe, ata atta piitopa katamte!

Xuuma Hisqeeli 20:43

Eeyye karaayye akka saantadasene' xaayshin ka kodaddasene' xaayshin a issin nyalissene matte oorsatan ka neequmta a' kooten malla isi xaccisattan.

Xuuma Hisqeeli 36:31

Sekkammayye akka kallaatase' xaayshin neeqa ka kodaddaasene' xaayshin nenneeqa isho kodaddasene' xaayshin jippame matte oorsattan ka juppootaayshin isho nyalaassin malla isi jippitan.

Hoose'i 14:1

Samayta a Isira'eelitiiyyi, qoota juppootan kehaysatten ka pi'iten malla, qinda Waaqa Poqallaassina opa oora.

Hoose'i 9:10

Waaqa ikiini, “Ha samayta a Isira'eeli, an ishootta teyeeyye, ishootta akka dalta a wayneeta a koommaytoppa teyatte mina ana' pahan; aappadaasso' nefo ka akka luukkata hilteeta a paayyota' palite ka teyatte mina ana' pahan; ma xoori ishootta ete pora pa'aali pe'oori kidammo kayeneeyye, jeerolayteetase a killootati'i issi daashen; ishootta ka akkimase a killootose' jaaladen' mina'e asseew nyalen.

Xuuma Milkiyaasi 3:4

Sitiiyyi oori, kalisoota samayta Yihuta isho a Yursaalami dehanno, akka kalisoota xeltada a xatta ka a parrada tarpe' mina'e a Waaqa xasannitto koddita.

Xuuma Milkiyaasi 4:6

Anti akkan andeenin ka piitaayshin an jiijnini'i, isha de'a ka kollissaadin toolla isho hellaa dikattaan olkela dape takka' koda.”

Maatiyoosi 5:14

“Ishina piita'e alla'ayta mina katama irroota qara qupame dekattan ettanshan.

Maatiyoosi 5:15

Orra oto ipsa la'ayshoyye akka nama a tika kela co piisa la'ayane'e, pora a opeela kide qara'e xaayni diisheey opani qara toma qupaapni in caan.

Mariqoosi 12:9

“Semalla oori aappase a dula wayneeta maana koda? Aappa dula isha mattaadi de'a; ka orrase leysha ka dulase xaadi a wayneeta, orra pilaati daasha.”

Luqaasi 1:17

Ka akka a xuumampaytase a Eeliyaasi mina'e, hapura isho hupna qapnaada ka dikatta a appada hellaapa tiitaysha ka dikatta orra Waaqa ajajammi in kinniniti ookumase a ishin Waaqa ajajamanepa tiitaysha ka samayta inpasisha ka akka poqalla tura harmisadane koda.”

Luqaasi 20:16

Aappaase a dula wayneeta isha mattaadi de'a ka qotampayasene leysha; ka dulase a wayneeta qotampaya pilaati daasha.” Orrase ete sede dakayeeyye, ikide, “Sede pakkanna in koddinin.”

Kelaatiya 5:4

Ishina a seera tooytaattan hanqeellaawa faana' piisa, Kiristoosi kapa xawwi oorten ka daassataadi kapa alle patten.

Filippisiyuusi 2:15

Oton i''asse koodditeeyye, xeltose are quumaara koddite ka neeqa oppaayye, hellaa Waaqa a qaja ka puyatama in qapnin ka qulqullaawe'e, kodditan ka piisse oppa akka hikka' mina la'aytan;

ipro 10:32

A la'ayta ishina' la'aye kammaayye, kuyyawwasene a xatta oppa rakkoota kuttayteeta ishin qara' kayte akka duupatten matte oorsada.

Petiroosi a lammatta 3:17

Ishina' moottadaayyooyye! xoori, qoota' turanneew sede uptan malla, akka kamma dapayna a falqoolayaatin a' titammin ka kirittaayshin a kokkoka qara a' piinini'i, isi tooytaada.

Yihuta 1:24

Isase akka a' piinini ishin kodo ka a qaja in qapniniiti ishin kodo ka xasan ulfeenaadi turopa ishin dehassa ettansho'e,

Keleshaata 1:20

Juuttota a hikkasene tappa a harkiyyo a akkitta oppa akkite isho a meehase qara ipsa xaaynaan a warqeeta tappa sede; hikkasene tappa, erkampattowwa a tikkasene a kiristaana tappaati. Meehase qara ipsa xaaynaan tappaaw, tikkasene a kiristaana tappa.”

Keleshaata 16:9

Orra ka xaalayta kuttan kupade ka maxxa a Waaqase erkannawwosen qara hupna ukkumeeta qapo ote. Umma juppootaaysho oppa in oorre. Ka isha in ulfeessine.

Keleshaata 2:16

Semmalla juppootaaytippa oore, a taakkiti irra qaran ke kapopa de'a ka qaaletase afaayyoppa sooknitto koraateta pahatonne ishootta torpa.

Keleshaata 2:19

Kodaayti ka jaalalaatti ka amanteetaayti ka orxumaayti isho duupattaan japaattaayti in upa. Akkima kodaayti a kamma desa, a paayyota qara jaallo nefo in upa.

Keleshaata 2:2

kodaayti ka kokkonsattaayti isho duupattaayti in upa. Ka akkima ukkuttowwa kela duupatta a ettaninni a kinnin ka a erkamampayaayyo in koddinin mali ‘An erkamampaya Yesuusi’ issi' kiina kara qorte ka akkima darampaya kodden qara' kayte in upa.

Keleshaata 3:19

Anti orra an jaalanno piisan fukni ka ishootta qattaani, semmalla japaado ka juppootaaytippa oore.