Keleshaata 2:3 - Mataafa Qulqulloota

³ Duupattaan japaattaayti ka a' paknin mali maxxiyyo malla rakkoota teyyattaayti in upa.

Keleshaata 2:3 ပူးပေါင်းရင်းမြစ်များ

Mataafa Masmuureta 37:7

Waaqa turaayye jaw kide ka duupattaan isha asado; nama neequmta koda dikanno, saantaadi ka ishi' qajeelte in yo'an.

Mataafa Masmuureta 69:7

Qootaayti mallan otitta duupade; jeera ka ana qara pire.

Xuuma Mikkiyaasi 7:9

Anti juppoota kodaannen Waaqa nyarrahasiiseey, haka neequmta ana qara' dehaatte oppa tooyno ka dukaata ana' murro kara'e, miiraadin duupada; kuli ishaaw la'aytaadi oppopa ana sooksha, anka dukaataadi akka.

Mariqoosi 15:21

Ka ete annaaneeyye Qerenitta takka, Simooni kidammo aappa opa Iskindiri isho a Ruufosi, a xaadi kantadaayye katamaappopa kallo akken ka akka irreetan masqalase a Yesuusi xaysado koden.

Luqaasi 14:27

Nama masqalaadi haadanni in kinnin ka ana kamma deeni in kinnin tamaarittiyyo kodda in ettansho.

Luqaasi 18:1

Se kammaayye, Yesuusi akka a in kafannin mali, kuyyaata piisa qinsatta ishootta parpaaccisnitto kollissa'e pahanoosen ishootta' lele ka kide,

Luqaasi 21:19

Akka duupattaayshinan issin pahatan.”

Luqaasi 5:5

Simooni ka ishi kide, “Ha Poqallaay, halkeesse kumman ekkanni rafne ka kakkafanne; umma murkuja takka nefo an qapne. Ma xoori oto atti asse kiiteeyye, nyupurasene pakateetoppopa in kata.”

Luqaasi 8:15

Xottasene piita fayya oppa seehe xoori, orra karitta fayya ka taantetan qaaletase dakayno ka tooytino lelli. Ishootta orra qaaleseetin japaanno ka dalta dallo.”

Yohaannisi 15:21

Qoota a ana erke in upnin malla, ana minanne se piisa ishin qara' kooni.

Roomi 12:12

Kippeetan xasooda. Ka makaroppa duupada ka awta piisa qinsada.

Roomi 16:12

Iskattase Poqallaan co Tirufaayna isho Tirofoossa isasene a kuttati yaallaati nakaytiyyo lela ka Persiisise an jaalanno akata Poqalla Yaallitto'e nakaytiyyo lela.

Roomi 2:7

Orra koda paxaaran japaattaan a kalata ka ulfeena isho caattase panni in kinnin faano, Waaqa caatta parapara'e ishootta' daasha.

Roomi 8:25

Oton xoori, waan an akkini an kinnini'in kippanninnaayye, duupattaannen asanninna.

Qorontoosi a paayyota 13:7

Nama jaalala qapo we' piisa duupanni ka we' piisa qara' xasa xaayanni ka we' piisa kippanni ka we' piisan japaanni.

Qorontoosi a paayyota 16:16

Orra asse pappaho isho a ishootta olli yaallaati'i akka afaa dakaytane'en a kuttati ishin dehaammi.

Qorontoosi a lammatta 10:15

Semmalla xeela koda a Waaqa ino qorre qaran an tarpine ka koda orra pilaatinni amala mali isi an jeejjini an kinno. Sekapaayye akka amanteetaayshin kuttattaan anto kodinno ka xeela a Waaqa ishin oppa ino qorre oppa a kuttati paldaattaan aanon kippanninna.

Qorontoosi a lammatta 11:23

Hela ishootta orxaya Kiristoosi? Anti a ishootta qara qapto'en an orxayta Kiristoosi. Oton asse kiinooyye a taarayta' mina'en haasawanni a xaaysho qara qapto'en a kuttati yaale ka a lekatin hidame ka a lekatin karafame ka a lekatin toota qara kaye.

Qorontoosi a lammatta 4:1

Waaqa qoota diissataadin kodoose ino' daashe malla, an xasa an murri an kinno.

Qorontoosi a lammatta 4:16

Semmalla xasa an murri an kinno; kadi punu dakintinno a laka tula' pannittaayye, dakintinno a karan xata kuyyaata mina'e haaraya koddini.

Qorontoosi a lammatta 5:9

Kadin punu dakintose' xannon kinnaannaayye taaki kara sookninnaaye, waan faaninna, Poqalla xasassa.

Qorontoosi a lammatta 6:5

qidamittanne ka hidamaanne ka tiyya ka tapeetanne ka yaalanne ka mukitta dapnaanne ka doxanne

Kelaatiya 6:2

Ishina matta mina'e olqaraayye haadeta sema, sedenne seera Kiristoosi nakassaneey.

Kelaatiya 6:9

Oton xasa, an murriniiyyi oto etaadi kaytooyye qootan feranno malla, koda paxaara koda'e nukkullaatta diinna.

Filippisiyuusi 2:16

sede nefo oto' qaaletase a caatta kokkonnaysannittan ka qapannittaneeyye asse koddita. Seden oori keerittiiyyo ka kodiyyo qoota patta'en hasnin malla, awta Kiristoosi' oorrooyye, waan jeejjaada'en qapnaada kideeta.

Filippisiyuusi 4:3

Atti ke amaname an ollin koda kooninno, akka iskattoose qaarqaarto'en ke naappanni; iskattoose ana ka Qelementoosi isho orra pila a ana olli koda koono a maxxadaasso maskapa caatta' kara' taafamen olli qa'aden ka otoose a fayya orra piisa qaran kaya'e sooten.

Qolaasiisi 1:11

Akka a kuttati' duupattan ka ettanissa qapnaattane'e, Poqalla a Hapurase' xaadi kuttan kokkonnuma piisa ishina' daasho.

Teseloonqe a paayyota 1:3

Koda amanteetaayshinan koonittan ka yaalaayshin a jaalala, isho kippeetase a' Poqalla Yesuusi Kiristoosin qaptan duupattaan asattaayshin fuula Waaqinno ka A aappinno' tura'e awta piisan matte oorsanninna.

Teseloonqe a paayyota 2:9

Hellaanno a kiristaanatiiyyi! atta akkiman koda koone ka yaalle i''uptan. An otootase a fayya a Waaqa ishina' torrininnooyye akkan nama takka nefo qara' haadeta an koddinini'i, halkeetta ka kuyyaaten yaallinna ka koda kooninna.

Teseloonqe a paayyota 5:12

Hellaanno a kiristaanatiiyyi! a ishin oppaayye Poqalla Yesuusin saarraassin ka dehaamampayaassin kodde ka yaalla, akka ulfeessitane'en ishin naappanninna.

Teseloonqe a lammatta 3:13

Ishina' xoori, hellaanno a kiristaanatiiyyi! in kafanne an kidan ka koda paxaara kodeeta alle an diishan.

Teseloonqe a lammatta 3:5

A Poqalla karittaayshin jaalala Waaqa isho duupatta Kiristoosipa qajeelsho.

Teseloonqe a lammatta 3:8

Umma nama takka nefo qara patta' damta an damme. Laadi se kapaayye, akkan ishin oppa nama takka nefo qara' haadeta an koddinini'i, halkeetta ka kuyyaatan koda kooninna ka kafanninna ka yaallinna.

Timotoosi a paayyota 4:10

Ino qootan caattampaytase a Waaqa orra piisa ka xawwi' desa orra amanno piisa dininno kippanninno malla sedeetin yaallinna. Ka kokkonsanninna.

Timotoosi a paayyota 5:17

Qimaya a fayya tika kiristaana' mukinna ka xawwi desaaw, a qaaleta torreeta ka kollissaan yaalla, ulfeena harka lakki akkatta ishootta parpaaccisni;

ipro 10:36

Heenna Waaqa kodeetanne akka' waasene a Waaqa akka ishina' daasho kippeeta daashe akkattane'e, duupattaan asatta ishin faani.

ipro 12:1

Qootan maakkiyyoosen a urratta' mina ino kapa tiitayshe piisa qapno malla, ino wa haadeta ino qara' kodde piisa ka juppoota ino quda' jaqqalte alle iskapa sekanna ka nyeroosen a keeritta ino turaayye ca duupattaan japaattaan keerra.

ipro 13:13

Ino' nefo safara kara sookna ka isha kapopa anna ka jeeraadippa qoottanna.

ipro 6:10

Waaqa faratampayta dukaata; se malla isha kodaayshin isho jaalala a qulqullowwaadi qaarqaaran ishi akkissene ka amma nefo akkinnittane in teymo.

ipro 6:12

Waan xajeellinna' nefo, akka orrase amanteeta ka duupattaan japaade ka wa kippeeta ishootta' daasame lehaanno pahanaattan diisheey, akka nunukkullaya kodditane'en.

ipro 6:15

Aprihaami ka duupattaan asade ka wa ishi' kippeeta' daasame akkade.

Petiroosi a lammatta 1:6

ka upna qara'e is tooytaatta ka is tooytaatta qara'e duupattan japaatta ka duupattan japaatta qara'e Waaqa fuureeta,

Keleshaata 1:9

Anti innasene xaayshin a kiristaana Yohaannisi; isase Yeuusi Kiristoosi qudanne rakkootaadi ka mankisteetaadi isho duupattaadi oppaayye ishin olli qoottanno, qaaleta Waaqa isho Yesuusi maakkuma minannen, piitase otanta pakateeta' kara kitto ka Fitmo kidammitto kara' hidame.

Keleshaata 3:10

Qoota' qaaletase' xayyo an ke kide duupattampayta kodde tooytite malla, anti nefoow, saatetase a rakkoota orra piita qara kalo ekkaysatta'e piita piisa qara deenitto kelaayye, in ke tooyta.