Keleshaata 2:23 - Mataafa Qulqulloota

²³ Hellaadi tootannen qatta'a. Tikka kiristaana' piisa ka a dikatta isho xajeelta nama kara qorro akkima ana koddite upnaadan. Anka mattaayshin mina'e, akka kodaayshina' mina ishina' daasha.

Keleshaata 2:23 ပူးပေါင်းရင်းမြစ်များ

Mataafa Otoowwa a paayyota 17:18

Atti i'orxaytaayti uptaay, qoota orxaytaayti ulfeessite malla, anti sede qaropeela maanan kida ettansha?

Mataafa Otoowwa a paayyota 28:9

Atti nefo innaayyo Selemooni, Waaqa qoota karitta nama piisa kara qorro ka dikatta nama piisa upo malla, Waaqa aappaayshina upnaado ka karittaayti piisan ka heennaati piisan ishi koda kode; oto isha faanittooyye, i'isha teyta; oton xoori alle'e isha diissaayye, isha haka paraparati'i alle ke diisha.

Mataafa Otoowwa a paayyota 29:17

Oo Waaqiyyo, akka karitta kara qorritto ka hanqeeta jaalannitto in upa, anti nefo sede kumma karitta piisa ka xasa fayyaatinnin dehayshe; amma samayse xaayti are co akka daassase heennaasso qara dehayshen in akke ka xasoode.

Mataafa Otoowwa a lammatta 6:30

moonte poraayti a kallaatati xata ishi' dakaye ka juppootaaysho ishootta' diishe; qoota atti patta karitta nama kara upto malla, nama piisa'e, akka kodaadi' mina' daashe.

Mataafa Iyyoopi 24:23

Kadi punu akka qaapa mali kallaadane ishootta koonaayye, ildaadinni ishootta kamma anni.

Mataafa Masmuureta 139:1

Oo Waaqqo, i'ana kara qorte ka ana upta.

Mataafa Masmuureta 26:2

Oo Waaqqo! Ana qore ka ana ekkaysado; ka dikattiyyo ka karittiyyo kara fade.

Mataafa Masmuureta 44:21

hela Waaqa sede qorri in co? Ha isha haasa sataata nama kara juutame i'upa.

Mataafa Masmuureta 62:12

Oo Poqlo, jaalala a pirama in qapnini kuli xaaytiiw, atti ka nama piisa'e akka kodaadi' mina' daanni.

Mataafa Masmuureta 7:9

Oo hanqeellayto Waaqqo! Ke a karitta isho dikatta nama kara qorro; neequmta ukkuttowwa alle' pashshe; ka hanqeellaya japaacciise.

Xuuma Ermiyaasi 11:20

Oo Waaqqo! Ke we piisa ettaninno ka karitta nama isho dikattaadi kara qorro ka hanqeetan faranno, anti rakkootiyyo ke'en leladeey, haalota a ishootta qara pooyyinitto ana akkishe.

Xuuma Ermiyaasi 17:10

Anti Waaqa xoori, nama'e akka saantaadi ka akka kodaadi mina daassata'e, karitta nama karan qorri; ka wa matta kara dikanna ekkaysanni.”

Xuuma Ermiyaasi 20:12

Waaqqo ke a we piisa ettaninno, ka hanqeeta kara ekkaysanno, ka karitta isho matta nama kara qorro; anti deexiyyo harkaaytippa'en diisheey; oto ishootta qara haalota pooynittooyye, ana akko.

Xuuma Sofooniyaasi 1:11

Ishina urmala Mekteshi kapa kalaatiiyyi, qoota xawdaassin piisa piraman, orra kaaja purinno piisa ka le'o malla, ‘Oo! ino kido’ kida ka pora pooya.”

Maatiyoosi 16:27

Inna a nama erkampattowwaadi olliiyyi ulfeena aappaayshotitin de'a ka awse nama piisa akka kodaadi mina daasha.

Luqaasi 16:15

Isha xoori i'ishootta kide, “Ishina mattaayshina'e, fuula orra tura'e hanqeellaya isipahanannittan, Waaqa xoori karittaayshin i'upa. Wa fuula nama turaayye ulfeena qapa paha ka akkaanna, fuula Waaqa turaayye, wa jippame.”

Yohaannisi 21:17

Ka asessattati ishi kideewwe, “Simooni inna Yoona, hela i'ana jaalanni?” Qoota a sessattati ishi' kide ‘Hela i'ana jaalanni malla, Peetiroosi inyarrahe ka kide, “Poqallaay! Atti we piisa' upta, akkiman ke jaalanno nefo atti i'upta.” Yesuusi ka ishi. kide, “Kahirraayyo dawwe.

Yohaannisi 4:16

Yesuusi ka isheetta kide, “Aane ka diirtaayti hale ka arepan xooye.”

Kodampaya 1:24

Ka qinsaden ka kidene, “Poqallaay, ke a karitta nama piisa karan xata upo, sene lakki oppaayye, a' reexatte ino' akkishe.

Roomi 14:12

Semmalla ino' takka takkaayye, qoota kodinnooti desan Waaqa turopa dehaanna ka malseeta oorsanna.

Roomi 8:27

Waaqase karitta nama' kara qorro, dikatta Hapura Qulqulloota' maana akkima kodde i'upa. Hapura Qulqulloota, akka heenna a Waaqa' qara'e, orra Waaqa' malla qepanni.

Qorontoosi a lammatta 5:10

Nama matta mina'e a piita qara cooyye wa kode a neeqa taaki a paxaara kapa'e akka mushshaaraadi akkado'e, piisantiiyyi parjuma Kiristoosi turopa firteeta' dehaatta ino parpaaccisni.

Kelaatiya 6:5

Maana malla nama matta mina'e haadetaadi haadatta isha parpaaccisniiy.

Mataafa oppa' Ooreta 13:11

Samayta Isira'eeli piisa oto sede dakayooyye ifuura; umma neequmta asse pahato lammatta issi oppa in kodo.

Mataafa oppa' Ooreta 17:13

Samayta piisa oto sede dakayooyye fuura ka wa asse paha kapa lammatta sekaada.

Mataafa oppa' Ooreta 19:20

Orra ata hase ka sede dakaya ka fuura; umma wa neeqa a asse paha lammatta artaassin kara in kodan.

Mataafa oppa' Ooreta 21:21

Samayta paleeseti ka dakaddaan innoosen dakko ka ishsho; ka seden neequmta issippaayye pashshe. Samayta Isira'eeli piisa ka sede dakaya ka fuura.

ipro 4:13

Uumata fuula Waaqa' turaayye dekanno takka nefo in co. Ildaadi turaayye we' piisa lulle caani ka lakoppa' piini ka akkaanni. Ino' nefo isha tura' malseeta oorsatta ino parpaaccisni.

Petroosi a paayyota 1:17

Waaqase orra olqara jaalinni in kinnin ka nama piisa akka kodaadi' mina' faranno'e, oto “Aappo” kiinittan ka haleenittaneeyye, piisse a xaykuma oppaayye, oto kalayta kodditen ka kallaannittaneeyye, isha fuuraan kallaada.

Keleshaata 2:11

Wa hapura tikka kiristaanati' kiina nama a napahata dakaynitto qapo a dakayo! Nama puto, toota lammattatinni in miidamo.”

Keleshaata 2:7

Wa hapura tikka kiristaanati' kiina nama a napahata dakaynitto qapo a dakayo. Nama pute, akka dalta qoyra caatta a Kennete a Waaqa kara kitto damo'en ihsi' daasha.”

Keleshaata 20:12

Anka orra le'e a kukutta isho a shashakka a sufaanase tura qa'ade akke. Mataaffa ka panamen. Mataafa a pila a mataafa caatta kodde ka panameew. Orra le'e ka kodase xaaysho mataaffasene kara taafame ka teyade kapa'e, firteetaaysho akkaden.

Keleshaata 20:13

Pakateeta ka orra le'e a isheetta kara co daasse. Toota isho si'ooli ka orra le'e a ishootta kara co daashen. Nama ka matta mina'e akka kodaadi mina firteeta akkade.

Keleshaata 22:12

Tin anti jarjartaannen deeni. Ka rapoota an nama piisa akka kodaadi mina daasho are isqudaayye qapa.

Keleshaata 6:8

Tin anka farta puleeta akke. A fartase' qara kute'e maxxaadi toota kidammi. Si'ooli ka isha kamma' qatte. Toota isho si'ooli akka orannaanne ka lootanne ka paaqa orra pirronne isho pinaana koommaytatin piita qudaayye harka afuri oppa takka pirane'e, hupna ukkumeeta ka ishootta' daasame.

Mataafa Saamu'eeli a paayyota 16:7

Waaqa xoori iSaamu'eeli kide, “In isha puyadeey, pahanaadi taaki derumaadi a dakinta in tooyan. Waaqa akkima nama paata tooyno mina tooyni in cooy. Nama qudadela pahana tooyni Waaqa xoori sataata tooyni.