Keleshaata 2:18 - Mataafa Qulqulloota

¹⁸ Erkampattoota a tikase a kiristaana a Tiyatirooniti' taafe ka kide: “Sede innasene a Waaqa, ilda opaya apitta paha qapa, loqqaadi ka sipla a porooda apitta oppa' pale pahane qapa kapa lelamte.

Keleshaata 2:18 ပူးပေါင်းရင်းမြစ်များ

Mataafa Masmuureta 2:7

Anti “Saleese a Waaqa'en salisha; isha i'ana' kide, ‘Atti a innaayyo; anka awwe ke xaayye;

Xuuma Taani'eeli 10:6

Namoose dakintaadi a daka paltitta' mina'e pippildaawni, fuulaadiiw, a hankaada' mina'e ildaappa orra' qinni, ildaadiiw, apitta opayno pahan, harkaadi isho loqqaadiiw, akka sipla poora a laajene pahan, nessaadi akka nessa a orra leka' mina'e dakaanni.

Maatiyoosi 17:5

Ete isha sede afappa in dikkinniniiyyi, urratta ata ka de'e ka ishootta qara libbishe; urrase kara desa nessa kiino, “Ini innasene xayyo an jaalanna ka ishin xasoonna'ey, ishi dakaya” ka dakaade.

Maatiyoosi 27:54

Motolaqasene isho orrase isha olliiyyi Yesuusi tooytino ete lellehaytase a piita isho wa kodde akkeneeyye, harmo'e fuuren ka kidene, “Ha namoose dukaatannen inna a Waaqa.”

Maatiyoosi 3:17

Sitiiyyiw nessa a kiino “Tin inii innasene xayyo an jaalanna ka mikta ishin xasoonna” Ka moonte xata dakaade.

Luqaasi 1:35

Erkampattootase ka ishi oorisse ka kiite, “Hapura Qulqulloota'e ke qara de'a. Hupna Waaqase we piisa qaropa qapo ka ke qara caada. Semmalla inna ke kara dalada qulqullitta; ka inna Waaqa kidaman.

Yohaannisi 1:14

Sede qaaleta kidame nefo, nama kodde ka daassata Waaqa isho dukaata immakaade ka otantinno oppa kallaade. Ino ka a inna sene takkan a aappa ulfeena, a'appaaysho kapa qapan akkine.

Yohaannisi 1:49

Sitiiyyi Naatina'eli ka ka kide, “Kollissampayto, atti a inna a Waaqa! ka a nuqusa Isira'eeli!”

Yohaannisi 10:36

ka kuli isase a Waaqa Aappa xawwi reexxe ka piita qara opa erke, qoota kide ‘an inna Waaqa,’ malla, maana'e isha kiinittane ‘Waaqa qara'e qaaleta otitta haasawanni?’

Yohaannisi 3:16

Nama isha amanno piisa, akka in pannin ka caatta para para akkado'e Waaqa qoota akata piita jaalade malla innaadi takkan daashe.

Yohaannisi 3:18

Nama isha amanno qara'e, in faratamto; nama isha amanni in kinnin xoori, qoota inna Waaqa takkane in amannin malla, xattaaw qara' faratamte.

Yohaannisi 5:25

Anti dukaatannen ishina kiini, eta a oppaayye orra le'e nessa inna Waaqa dakayo de'a. Kiseese nefo amma; a isha dakayna piisa ka caattaan kallaadan.

Kodampaya 16:14

Iskattase ino dakkaysanno oppa takka Liidiya kidammitto ka katama Tiyatirooniiti deete ca; ka ohaata a tiima nakanni; isheetta iskatteeta a Waaqa waaqaysannitto. Qoota Poqalla ishi karittaadi pane malla ikka qaaleta a Pawloosi haasawanno qanqannisa dakkaysanni.

Kodampaya 8:36

Ete annaaneeyye, ikka pora oppa pisha caan kayen. Kunaytase ka kide, “Tin, pisha areeyye caay, akkan an jaqqammini'i maana ana dawra?”

Roomi 1:4

Akkimose mina'ew, Poqallaanno Yesuusi Kiristoosi Hapuraadi a Qulqullumaatinni qoota tootoppa xa'e malla, akkima inna Waaqa' kodde hupna kuttanne upnaysamte.

Roomi 8:32

Oto Waaqa innaadi takkaya in suraysannin ka ino malla toota' daasheeyye, atta innaadi olliiyyi we' piisa pattayya ino in daannin?

Keleshaata 1:11

“Wa akkinitta mataafoppa' taafe ka tikkasene a kiristaana tappa erke, ishootta' nefo, Efesooni ka Semirineesi ka Perkamooni ka Tiyatirooni ka Sardeesi ka Filadelfiya isho Lodooqiya.”

Keleshaata 2:1

Erkampattoota a tikase a kiristaana Efesooniti' taafe ka kide: “Sede isase hikka tappa harkaadi a akkitta oppa' qapade ka otanta meehase' qara ipsa xaaynaan a warqeeta tappa karadesa tittiitaawno kapa lelamte;

Keleshaata 2:24

Ishina Tiyatirooni kara ca ka kollissoose neeqa in teyyannini piisaayye ka ishina wossen a orra demo kiina'e “Juuttota seetana a kara seka” kamma in anninitiiyyi anti haadeta pila ishin qara an fee'o.