Keleshaata 2:10 - Mataafa Qulqulloota

¹⁰ Rakkoota a itturopa ke qara' kayto in fuuran. Tin akka ekkaysamtane'e taaploosi ishin oppa orra demo tika hida' karopa kalsha; akka kuyyaata kudani rakkoota teyyattan. Haka tootati a amaname kodde, xalaala caatta'en ke' daashaay.

Keleshaata 2:10 ပူးပေါင်းရင်းမြစ်များ

Mataafa Masmuureta 31:23

Ishina a Waaqa' amaname piisaayye, isha jaalada; Waaqa a amanteeta qapa'e tooytini; ka jeejjampayta qara haalota pooyyini.

Pooyta Ermiyaasi 3:57

Eten ke halaadeeyye, ana kapopa' dehaatte ka ana' kiite, “In fuuran.”

Xuuma Taani'eeli 1:12

“Haka kuyyaata kudaniti'i, damta a so'a oppa in kodammin isho pisha pattan ino orxayaatti ekkaysado.

Xuuma Taani'eeli 1:14

Isha ka wa kiinaane oppa' sale ka kuyyaatase kudani kara ishootta ekkaysade.

Xuuma Inpaqoomi 2:3

Wossen a akkite kuyyaata a oppa koda qara nakayane in dehan; a koddito ma, kuyyaata a oppa koda qara nakayan jarjartanne deeta, umma ini dartan. Kadi punu a jarto pahataayye, in hasto. Dukaatan qoota deeto malla, duupattaan asado.

Maatiyoosi 10:22

Orra piisa ka ana malla ishin needdada. Ma xoori nama haka piranpirati kokkonnaanno, isha paha.

Maatiyoosi 10:28

Isasene dakinta ikanna ka napseeta ikassa ettaninni in kinnini in fuurane ma, se kapaayye Waaqase napseeta ka dakinta kuli apittase libbini in kinnin oppa kupeeta ettaninno fuura.

Maatiyoosi 24:13

Ma xoori, a haka piraampirati duupattaan kokkonnaado, isha paha.

Mariqoosi 13:13

Maxxiyyo minan akka orra piisa kapa needdatamtan; ma xoori, a haka piraampirati duupattan kokkonnanno, isha paha.”

Mariqoosi 8:35

Nama issin paha heeno piisa, isi dapa; nama ana ka otootose a fayya malla toota isi daanno xoori, issinni paha.

Luqaasi 21:12

Ma xoori a sede piisa in koddinin turanne, orra ishina qaqqapa ka ishin kamma daana ka tikkasene a qinseeta a orra Yihuta isho tika hida opa ishin tarpisha ka qoota maxxiyyo malla saarra piita isho nuqussa turopa ishin qeeda.

Yohaannisi 12:25

Nama isi jaalanno isi patinni; nama piisse' qara isi needdino xoori caatta paraparati'i isi tooytini.

Yohaannisi 13:2

Yesuusi isho tamaarewwaadi ollinni eetota qara caan. Innasene a Simooni Asqorottittase Yihuta' xoori, akka Yesuusi qapsiiso'e seetana karittaadi kara' dikatta a neeqa xaaye.

Yohaannisi 13:27

Yihuta, puukkatta laaqqose puukkadenne, seetana eennow isha karopa kale. Yesuusi ka Yihuta' kide, “Wa' koda dikatte irra qara kode.”

Kodampaya 20:24

Otootase a fayya a daassata Waaqa kollissa'e, Ka kodoose koda'e, ataraan Poqalla Yesuusi qara teyyade ana dikkisho diisheey, caattiiyyo we kapa an dikni an co umma isi an suraysanni an co.

Kodampaya 21:13

Pawloosi xoori i'orshe ka kide, “Maana'e asse pooynittan ka karittiiyyo nyarrahasiisnittan? Anti maxxa Poqalla Yesuusi malla Yursaalami kara hidama pattan ma, toota kuli in harmisade.”

Qorontoosi a paayyota 9:25

Orra nyara hiritta oppa olli' nyarro piisa, kolluma kokkoka quda'e tawni. Wa malla asse yaallaane nefo xalaalasene panna a etaaddesa akkatta malla. Ino' xoori xalaalasene panni in kinnini a parapara akkatta mallan yaallinna.

Efesooni 2:2

Ka sitiiyyi saantase a piisseti neeqa kamma annittan ka isase hupnaddasene a hapura xayxaytoppa ca ukkummooti ajajammittan. Isha' nefo hapurase neeqa orra ajajammi in kinnin kara koda koono.

Efesooni 6:12

Orannaanno orra ollin ma, mukissampaya ka piddampaya a ukkuumampaya ka a sapanoose a tukkanta, isho hupnada a piisiti; se kideese nefo, xela oranna a hapurra nenneeqa a moonteeyye ca, olin torpininna.

Yayqoopi 1:12

Nama ekkaysuma duupanno ka oppa japaanno qoota xalaalasene a caatta a Poqalla kodayteetaadin orra isha jaalanno' daasha' teyo malla i'oloode.

Petroosi a paayyota 5:4

Oton asse' koonittaneeyye, oto sikmaytase kutta de'ooyye, xalaalasene nyapalli in kinnini a ulfeena'e' teyyattan.

Petroosi a paayyota 5:8

Mina' desa kallaada ka impasa! Paarkaalaassin, seetana, nama a loqo faani ka a karma daattino mina ishin kapa tittiitaawniiy.

Keleshaata 13:14

Waasene orra qawwanna a pakka pinantase a paayyota oppa akka kodo'e ishi faqqatamte minanne, ikka akka orra piita qara kalo kamma dapo kooni. Ka ulfeena pinantase koraatetan mataawe ka dineeti'i akka waakka kodane'e orra piita qara kalo ajaje.

Keleshaata 13:2

Pinantose an akke, qayranta paha; loqqaadi loqqa pinantase tipi kidammo'e pahan; afaadi ka afa karma pahan. Pofase ka pinantaseti'i hupnaadi ka suufaanaadi isho hupna ukkumeeta kuttayta daashe.

Keleshaata 13:7

Akka qulqullowwa torpo ka ishootta puto'e, hupna ukkumeeta ka ishi daasame. Kaffa ka samayta ka a afadda ika lekayta haasawanna isho lekna qara'e hupna ukkumeeta ka ishi daasame.

Keleshaata 17:14

Ishootta laahase qara'e oranna qishshan. Ma xoori laahose qoota Poqla poqalladda ka Nuqusa nuqussa kodde malla, i'ishootta puta. Orra isha olli co a halaame ka reexame ka amaname.”

Keleshaata 2:13

Atti akkima pora a oppa suufaana seetana co oppa kalto in upa. A koddito ma maxxiyyo ikokkonnaysatte ka qapatte, umma amanteeta a ana qara qapto a' marmanne, maakkittase xayyo amaname Antipaasi ete katamasene' xaayshin a kara seetana kala kara ishshame nefooyye, ana amaneeta a' diinne.

Keleshaata 2:9

rakkootaayti ka teekumaayti in upa. A koddito ma a' teyantoolayta. A Yihutaata in koddinin mali a issi' kiina'e an Yihutaata ka parka seetana' kodde, akka' maxxaayti pashshen in upa.