Keleshaata 19:2 - Mataafa Qulqulloota

² Firteetaadi nefo dukaata ka hanqeeta; sharmuutitteetase kutta, sharmuutumaadin piita nyalisse, firteetanne qatta'e ka isheetta qatta'anne diika orxayaadi malla, isheetta qara haalota pooyye.”

Keleshaata 19:2 ပူးပေါင်းရင်းမြစ်များ

Mataafa a Nuqussa a lammatta 9:7

Anti diika orxayaayyo a xuumampaya isho diika orxaya a Waaqa a Elisaapeeli tuqte piisa kapa'en haalota pooyyaay, atti toola Aki'api a poqallaatti'i patissa.

Mataafa Masmuureta 19:9

Waaqa fuureeta qanqannuma haka paraparati kallaanna; wa Waaqa mure' piisa, dukaata ka hanqeetaaw.

Xuuma Issayyaasi 25:1

Oo Waaqa! atti a Waaqiyyo; in ke kukuttinni; ka maxxaayti kalataysanni; maana malla, daxxowwa' kooteey; ka kodaddaasene a' xatta turan koda' qapatte, amanuman qanqannissa dikkisse.

Xuuma Taani'eeli 7:26

Sekamma a moonteeyye dapa ka dukaata mura ka suafaaneta qara' kuti'an ka nuqusase qara siltaana qeedan ka haka paraparati alle isha pashshan.

Mataafa oppa' Ooreta 32:35

Haalota xayyo, anti ka haalota pooyyini; kuyyaata a loqtaaysho shirqatto, erkannaata ka ishootta qara kayto idehaatte; firteetaysho ka jarjartan deeni.’

Mataafa oppa' Ooreta 32:4

Ha isha shila an kela pahanino, umma kodaadippa qaja in qapo; saantadaadi nefo a qajeele; isha Waaqa a amaname, umma dapa in qapo; isha hanqeelitta ka dukaallayta.

Mataafa oppa' Ooreta 32:43

Yaahiwwe diika orxayaadi kapa'e haalota pooyya; ka nyaapaadi qara haalota qeeda; ka juppootase a samaytaadi piitase xaadi oppaayye jaqaay; ishina moontadaayye isha olli xasooda; ka ishina waaqaddaayye isha tura kilpiippada.”

Keleshaata 15:3

Ka masmuureta Muuse a orxaytase a Waaqa isho masmuureta a laahoseti dawanni ka kiini, “Poqallaay, Waaqqo ke a we piisa ettaninno, kodaayti ikutti ka orra qawwanni. Ke a nuqusa leknada kodde, saantaayti saanta hanqeeta ka a dukaata.

Keleshaata 18:20

Moontaayti, isheettan xasoodo! Ishina qulqullowwaayye ka erkamampayaayye ka xuumampayaayye, qoota Waaqa ishin malla ishootta qara farate malla xasooda!

Keleshaata 18:3

Taadetase xaadi a wayneeta a sharmuutumaadi orra maashshannitto lekna piisa ikisse, nuqussa piita ka isheetta olli sharmuutumen. Nakkaatewwa piita ka kallaataadi a akata ettante qaran xaate'e teyantoodene.”

Keleshaata 6:10

Ishootta ka nessa kuttan ullupen ka kidene, “Qulqullitto ka dukaallayto ke a piisa qara qapo Waaqqo! Haka aytamiti'i orra piita qara co qara' farata diissa ka diikinno malla haalota pooyya diissa?”