Keleshaata 18:9 - Mataafa Qulqulloota

⁹ Nuqussa a piita a isheetta olli sharmuutume ka naalaan kallaade, oto kupannittooyye ikka qayya a xaano akkaneeyye, isheetta malla ullupan ka pooyan.

Keleshaata 18:9 ပူးပေါင်းရင်းမြစ်များ

Mataafa Uumata 19:28

Ete Sodoomi ka Kamoora ka piita kapandesa kitto piisa tooynooyye, qayya oppa xaano, qayya apitta a mura a kutta kupno oppa xaano paha.

Mataafa Masmuureta 58:10

Oto juppoolaya qara haalose qeedammittooyye, hanqeellaya i'akkan ka xasoodan. Ka diika juppoolaya oppa loqqaan diddiitan.

Xuuma Issayyaasi 13:19

Awta Waaqa ishootta karkalshooyye, Paapiloonetase mankistewwa piisa qaropa qapto, samaytaadi ka isheetta jeejjaanno, akka Sottoomi isho a Kamoora mina'e koddita.

Xuuma Issayyaasi 30:33

Qaawa a kara nuqusase a Asoori kutta kupado, xattaaw qotame ka paldi ka karanxata seki; apitta isho qora ka kara' immakaaden; nessa Waaqa ka akka daka opayno mina oppa apitta qapsiisa.

Xuuma Ermiyaasi 50:40

Waaqa ikiini, “An Sottoomi ka Kamoora isho katamadda a kapandesa ca pire mina'e; nama takka nefo Paapilooni kara'en kallaado; umma nama takka nefo kallaatta karopa in ooro.

Xuuma Ermiyaasi 50:46

Nessa pi'itta a Paapilooni kela dakaannonne piita ilellehta; ullupittaadi ka mankistewwa dakaada.”

Xuuma Ermiyaasi 51:8

Paapilooni a isiqara in upnin mali pi'ite ka qepteey, isheetta pooya! Takka punu idintaay; faykaadi'i qoracca a daatatto fada!”

Xuuma Hisqeeli 27:35

A piitadda pakateeta kapa ca qara kala piisa ka qootaayti desa tammaqan; nuqussaasso ka a kuttati tammaqan fuulaaysho ka tupa' poornaada.

Xuuma Taani'eeli 4:14

Ikka nessa kuttan kiite, ‘Qoyroose' mura ka taammaadi kuli oppa alle' quura ka haashshaadi alle' quda tiiqa ka daltaadi alle' qara fida, pinaana ka alle' kela qahen; xampira a tammaadi qara kallaanna ka alle' qahen.

Mataafa oppa' Ooreta 29:23

Piisse piisa ka sookitta isho dakase a apitta puddayyaysa piita kupnon kupatta; umma we takkan nefo oppa in aylaaman; umma we takkan nefo oppa in sakkattan pateetta a isheetta qara kayto, pateettase a Yaahiwwe katama Sottoomi ka a Kamoora ka a Adaama isho a Siipayo qara qeede'e pahanaatta.

Timotoosi a paayyota 5:11

Iskatta a xayya qapo a diiraasso qara le'ene, oto xajeeltaaysho a dakinta ishootta puto, koda a Kiristoosi isi daassataaysho ka horoqooyye, hemama faaniiy, maskapa hiyyeettewwa oppa ishootta in taafan.

Keleshaata 14:11

Qayya a apittase ishootta rakkacciiso nefo, paraparaayye haka paraparati'i opeela xa'a. A uumata a catta qapo isho waakkaadi sakatanna ka milikkita a maxxaadi kodade piisa, halkeetta ka kuyyaata'e nessuma in qapan.

Keleshaata 17:2

Nuqussa piita isheetta dahalen. Orra piita qara kalo ka taadeta wayneeta a dahalmayteetoosetin maashshoode.”

Keleshaata 18:18

ka ete isheetta kupannittooyye ikka qayya a kara xaano akkeneeyye, i'ullupen ka kidene, “Katama asse kutta, i'apari caadene?”

Keleshaata 18:20

Moontaayti, isheettan xasoodo! Ishina qulqullowwaayye ka erkamampayaayye ka xuumampayaayye, qoota Waaqa ishin malla ishootta qara farate malla xasooda!

Keleshaata 18:3

Taadetase xaadi a wayneeta a sharmuutumaadi orra maashshannitto lekna piisa ikisse, nuqussa piita ka isheetta olli sharmuutumen. Nakkaatewwa piita ka kallaataadi a akata ettante qaran xaate'e teyantoodene.”

Keleshaata 18:7

Akka isheetta issi'i ulfeena isho ettana daasse kapa'e nyooreta isho nyarrahata ishi daasha; isheetta issi karanxata ijeejjaanni ka kiini, anti an nuqusitteeta mina'en kuti'e umma an hiyyeettetan; umma pakkanna nyarrahata ana qara in kayo.’

Keleshaata 19:3

Ka lammatta nessa kuttan kideneewwe, “Haalleluuyya! Qayya isheetta kara xaano a paraparaayye haka paraparati'i opeela xaana tupa tawa!”

Keleshaata 2:22

Semmalla anti looshsha a payyaha qara'en isheetta kata. Orra kodase' neeqa isheetta olli kode oton oppaayye in tiitaawniniiyyi a isheetta dahale' piisa, qara'en miiddota kutta' qeeda.