Keleshaata 18:2 - Mataafa Qulqulloota

² Ikka nessa a kuttan ullupte ka kiite, “Paapiloonise kutta ipi'ite! Ipiite! Ka pora oppaayye orriyya kalan koddite; ka pora oppa hapura nyale piisa ka xampira nyale piisa ka pinaana nyale ka jippame piisa qaa'inaan koddite.

Keleshaata 18:2 ပူးပေါင်းရင်းမြစ်များ

Xuuma Issayyaasi 14:23

Waaqa a we piisa ettaninno ikiini, “Piita Paapilooni jaffetannen immaka; tokkoya ka kara' kallaadan ka sahaampa pateettatin isheetta saha.”

Xuuma Ermiyaasi 25:30

Semmalla atti qaalese piisa, ishootta qara xuuma haasawado; ka ishootta kide, “Waaqa moonte xata xirara; ka tikaadi a qulqullootati xata nessaadi dakaytisha; ka samayta a kara co qara'e, a kuttati xirara; ka lekna piita qara kalo piisa qara akka orra wayneeta diinno mina uuyada.

Xuuma Ermiyaasi 51:37

Paapilooni tuula dakadda'e koddita; ka'ala ka oppa siikadan ikka qora qara tammaqta ka a seesa koddita; umma nama oppa in kallaado.

Xuuma Ermiyaasi 51:8

Paapilooni a isiqara in upnin mali pi'ite ka qepteey, isheetta pooya! Takka punu idintaay; faykaadi'i qoracca a daatatto fada!”

Xuuma Iyyu'eeli 3:16

Waaqa Yursaalamiiyyi irroota Siyyooni' qaraxata nessa orra fuurinnon haasawada; piita isho moonta ka tura lelleehan; Waaqa' xoori seppaayye samaytaadi a Isira'eeliti kontaleeta a xelsuma ka tika a kela' dekannaan kodda.

Xuuma Sofooniyaasi 2:14

Piitose xaaysho oppa, xelloota horeeta isho pinaana heente piisa ka oppa deetan, punsukkaya isho tokkoya ka tikkasene xaaysho qitqite kara' kallaadan, iyyittaaysho ka poqaya karan dakaada, tikka pootame ka xarra turopa tuulaman, tuudda ka lakoppa' hasan.

Keleshaata 1:15

Loqqaadi sipla a poroodoppa' pale pahan. Nessaadi nefo, nessa fotota a pisha urqina'e paha.

Keleshaata 10:3

Ka nessa kutta a daattitta karma pahon ullupte. Ete ullupteeyye, xirarase tappa ka haasawade.

Keleshaata 11:8

Pukkaaysho ka paapahase a katama kutta oppa seeha katamoosen nefo oto pahanaan haleenaaneeyye Sotoomi taaki Kipsi kidammi. Katamoosen nefo, katamasene a Poqallaasso kara fannisame.

Keleshaata 14:15

Erkampattoota pila ka tika qulqulloota kela sookte ka isase oraarta qara kute'e, nessa kuttan kiite, “Fera piita isho saateta a muja nefo ikayte!”

Keleshaata 14:8

Erkampattoota a lammatta ka isase a paayyota kamma qatte ka kiini, “Paapiloonise kutta, taadetase a wayneeta orra maashshannitto a sharmuutumaadi, leknada piisa ikisse, ipiite! Ipiitee!”

Keleshaata 16:13

Anka a afa pofaseeti ka a pinantaseti isho a xuumampaytase a darta oppaayye, hapurra a nyale a mokoota pappaha sessa sooknaan akke.

Keleshaata 16:19

Katamasene kutta ka pora sessa qiten. Katamadda a orra Yihutaata in koddinini ka qitqiten. Waaqa ka Paapiloonese kutta matte oorsade; ka akka kuppaayyasene a taadeta wayneeta a miirase xaadi kutta ikkito kode.

Keleshaata 17:18

Iskatteetose a akkite katamasene kutta nuqussa piita qara nuqusuma.”

Keleshaata 17:5

Fuulaadippaayye maxxa juutota a kiino “Paapilooni a kutta aayya opa sharmuutta isho a nyala piita.” ka taafame.

Keleshaata 18:10

Ka surumtaadi fuuran ka laka qa'adan ka kidane, “Atti katama kuttaatiiyyi, atti katama kokkoka Paapilooni firteetaayti saateta takka oppa'e ke qara kayteey; oo ke kido! Oo ke kido!”

Keleshaata 18:21

Sekkammaayye erkampattoota takka kokkoka ka daka takka daka yomatta a kutta mina co qeette ka pakateeta karopa shuulite ka kiite, “Katamasene kutta a Paapilooni tooy, asse hupnan shuulaman ka patan. Umma arepadesa in teyadan.

Keleshaata 5:2

Anka hupnampayteeta erkampattoota takka a nessa kuttan haasawannitto ka kiinitto, “A kobbewwosen paneeta ka mataafose ollopa marrammo paneeta isha parpaaccisnitto ayno?” akke.