Keleshaata 18:1 - Mataafa Qulqulloota

¹ Sekkammayye anka erkampattoota pila a hupna ukkumeeta a kutta qapto a moonte lekkannitto akke. Pippildaawa ulfeenaadi qaran xaate'e piita ka la'ayte.

Keleshaata 18:1 ပူးပေါင်းရင်းမြစ်များ

Xuuma Hisqeeli 43:2

Anka a ulfeena Waaqa a Isira'eeli a qinda piirtotati desa deeno akke; nessa a deenaadi kela xaano ka a malxa kutta' mina kuuminni. Ulfeenaadi ka piita qara' la'aye.

Luqaasi 17:24

Hankaada oto moonta quda hankaadooyye, akka qinda takkaayye desa qinda pilaati akkaanno mina'e, deena inna a nama asseew koddan;

Keleshaata 21:23

Qoota ulfeena Waaqa isheetta la'anno laahase ka ipsaadi kodde malla, katamasene akka piirtota taaki leya ishootta la'aysho ishootta parpaaccisni in kitto.

Keleshaata 17:1

Erkampattowwasene tappa kuppaayya tappa qapade oppaayye takka ka ana kapopa deete ka ana kiite, “Xooye! firteeta a dahalmayteetase kutta pishadda leka qara kutiite qara kayton ke akkishaay.

Keleshaata 10:1

Se kammaayye, anka erkampattoota a pila a hupnampayteeta koddite ka oraarta uwwisatte a moontexata lekkannitto akke. Pankaallata ka mattaadi kapa qorrasse; fuulaadi piirtota paha. Loqqaadi ka tuudda apitta pahan.

Teseloonqe a lammatta 2:8

Sekkammaayye namase a tiyya a Poqalla Yesuusi nessa a afaadippa sooknon isha maysho ka ulfeena deenaaditin isha pashsho ka akkaada.

Keleshaata 17:7

Erkampattootase xoori i'ana kiite, “Maana malla oppa qawwaawni? Juuttota a iskatteeseti isho juutota pinantase mattada tappa isho kaasa kudan qapto a isheetta qara kutiite'en ke la'aysha.