Keleshaata 17:8 - Mataafa Qulqulloota

⁸ Pinantose a akkite, xatta turan ikitta, ma amma in kitto. Ma kuli hiwwalaalla kara sookta ka pateetaadipa anta. A piita uumammitto paayyatte, orra a maxxadaasso maskapa caatta kara in taafammini; orra a piita qara kalo piisa akkima pinantose xatta kitto ka amma in kinnin ka kuli deeto akkaneeyye, oppa'e qawwaawan.

Keleshaata 17:8 ပူးပေါင်းရင်းမြစ်များ

Mataafa Masmuureta 69:28

Maxxaaysho a mataafa caattampaya qara alle haqamo. Ikka hanqeellaya oppa in taafammin.

Xuuma Taani'eeli 11:45

Ka otanta pakateeta' kara irrootase qulqullaawte ulfeena qapto kara'e, tukkanna a kukutta ka papaxxaara a nuqusa kara' kallaada' daapada. Ma xoori pirraampira qara isha' mattaadi ito'a umma qaarqaarsa in teyo.

Xuuma Taani'eeli 7:11

Anka haasasene a isi peepa a kaasase haasawanna dakaye ka tooyni; pinantase ka qapamte ka ete ishshen kamma akka kupatto ka dapatto'e, apittoppopa katamte.

Xuuma Taani'eeli 7:26

Sekamma a moonteeyye dapa ka dukaata mura ka suafaaneta qara' kuti'an ka nuqusase qara siltaana qeedan ka haka paraparati alle isha pashshan.

Xuuma Taani'eeli 7:3

Pinaana kukutta ka oli in pahanini afuri ka pakateese kara sooken.

Xuuma Taani'eeli 7:7

An eeyye tooyyannooyyeew pinanta afratta ka sookteew. Pinantoseew akata kokkoki ka orra fuurinni ka nama tamaqinni ka ilka sipla a kukutta' qapta ka ishin wa qapta' piisa moojni ka dammi. Ka a damtaadi kela haste oppa diddiinni. Pinantose' qoota kaassa kudani qapto malla, pinaana an turan akke oppa xawwayteeta.

Maatiyoosi 25:34

Sitiiyyi nuqusase ka isasene qinda akkittati caati kida, ‘Ishina a aappinno ishina sakeeti, xooya ka mankisteetase a piita uumamte paayyatte ishina harmisamte lehada.

Luqaasi 10:20

Ma xoori, qoota orriyya ishina ajajamen malla in xasoodan ma, qoota maxxaayshin maskapa moonta oppa taafame malla xasooda.”

Luqaasi 8:31

Orriyyasene ka eennow Yesuusi qinsaden ka kidene, “Atara, hiwwalosen kelopa ino an daanan”

Yohaannisi 17:24

“Aappo, a piita in uumammin turanne, qoota ana jaalate malla, ulfeenase a ana' daasse, akka akkane'e, sene a ana' daasse akka pora an anti oppa co oppa ana olli kallaadane'en jaalanni.

Kodampaya 15:18

A xattati paayyatte a se piisa upnayshe ana Waaqa asse kiini.’

Efesooni 1:4

Akkan qulqullowwa a qaja in qapnin koddino ka fuulaadi tura kinnaanno'e, a piita in uumammin turanne jaalalaadin Kiristoosi qudan ino reexade.

Tiito 1:2

Amanteetose kippeeta caatta parapara' qara'e qa'atte, Waaqase darta kooni in kinnin ka akka caattose ino' daasho'e a etaan paayyannin turanne qaaleta ino' kale;

Petroosi a paayyota 1:20

Isha a piita in uumammin turanne upnaysame ma, amma sapanoose a piraampira' qaraayye, ishin malla akkaade.

Keleshaata 11:7

Oto maakkumaaysho dikkishan kammaayye, pinantase qaawase a hiwwalaalla kareela sooko ishootta torpa ka ishootta puta ka ishootta leysha.

Keleshaata 17:11

Pinantase xatta kitto ka amma in kinnin, pinanta a settatta; isheetta nefo tappa oppaayye takka. Ka pateettopa anni.

Keleshaata 17:2

Nuqussa piita isheetta dahalen. Orra piita qara kalo ka taadeta wayneeta a dahalmayteetoosetin maashshoode.”

Keleshaata 20:10

Taapiloosi, isase akka kamma dapane ishootta kode, pakateetase a apitta a daka apitta oppa opayno, isase pinantase isho xuumampaytase a darta kara caan karopa katame. Ikka eeyye kara halkeetta ka kuyaata, paraparaayye haka paraparati miidama quda tawan.

Keleshaata 20:12

Anka orra le'e a kukutta isho a shashakka a sufaanase tura qa'ade akke. Mataaffa ka panamen. Mataafa a pila a mataafa caatta kodde ka panameew. Orra le'e ka kodase xaaysho mataaffasene kara taafame ka teyade kapa'e, firteetaaysho akkaden.

Keleshaata 20:15

Nama a maxxaadi maskapa caatta kara in taafammin ka kara in teyannin piisa ka pakateetase a apitta karopa katame.

Keleshaata 3:10

Qoota' qaaletase' xayyo an ke kide duupattampayta kodde tooytite malla, anti nefoow, saatetase a rakkoota orra piita qara kalo ekkaysatta'e piita piisa qara deenitto kelaayye, in ke tooyta.

Keleshaata 3:5

Nama puto, a xaaysho' mina'e mehadda a'ata kalsada, anti ka fuula aappinno isho a erkampattoowwaadi' tura'e maxxaadi ishi upnaysha; umma maskapase a caatta a maxxa caattampaaya oppa taafammo oppaayye maxxaadi an haqo.