Keleshaata 17:4 - Mataafa Qulqulloota

⁴ Iskatteetase mehadda a tiima ka ishin awla kalsatte ka warqewwa ka jiriwwaanna isho furowwa siratte. Ka harkaadippa'e kuppaayya warqeeta, a wa jippame isho a nyala dahalsattaadi oppa immakaadene qapatte.

Keleshaata 17:4 ပူးပေါင်းရင်းမြစ်များ

Mataafa a Nuqussa a paayyota 14:24

Sede maliiyyiiw sharmuutta a tikka killowwa kuli piisse oppaayye ca. samayta Isira'eeli ka kodaddasene xaxaccanna a samaytase Waaqa amanni in kinnin kode; Waaqa ka minan alle Isira'eeleta tura ishootta daane piisa koden.

Mataafa a Nuqussa a lammatta 21:2

Minaase kollumasene neeqa a orrase Waaqa amanni in kinnini a Waaqa Isira'eeli tura alle sookshe kamma aane ka fuula Waaqa tura wa neeqa kode.

Mataafa Isira 9:11

Ajajjosen turan xuumampayaatti qudanne ino' de'en; xuumampaya ka ino' kidene, ‘Piisse a' lehatta karopa kullinittan nyala a samaytaaditinni immakaatteey, samaytase oppa kalo piitose piisa akka koda neeqan immakaatto'e kode.

Xuuma Issayyaasi 66:3

Ishina ana' xorma kalisoota' qalla, ishinaaw killannaassina' nama qalliiw; ishina ana' laha kalisoota' qalla, ishinaaw killannaassina' kuta qara xolma quu'ini; ishina ana' kalisoota unta' kalinna'ew, ishinaaw killannaassina diika tuuyyata' dehanni; ishina ana' tankarta qayyanna, ishinaaw killannaassin eeppisni. Sene tooy ishootta saantaaysho' reexade, ka nyalaassotin xasoonni.

Xuuma Ermiyaasi 51:7

Paapilooni harka Waaqa oppa kuppaayya a warqeeta ka piita piisa maashshasse; mankistewwa ka taadetaadi a wayneeta iken ka oori taaroden.

Pooyta Ermiyaasi 1:9

Xoptaadi ka uwwaadippa akkaatte. Wa itturopa isheetta qara' kaya in dikanne. Pi'ittaadi ka akata neeqnaade, umma nama isheetta' xasa oorsho in co. Isheetta ka kiite, “Oo Waaqa, paarkaala i'ana puteneey, rakkootiyyo ana' akke.”

Xuuma Hisqeeli 20:30

Semmalla samayta Isira'eeliti' kide, ‘Waaqase' piisa qara qapo ikiini, hela a aappadaassina' mina'e isi nyalissaneewwe? Ka killannasene' xaaysho nyale kamma antaan sharmuutumteneewwe?’

Xuuma Hisqeeli 24:11

Akka foolto'e siplaadi ka kupado'e, uta ka kara liilane'e, jureetaadi ka kara kupatto'e, porooda qara isheetta qa'e.

Xuuma Hisqeeli 24:13

Qoota paalakumte malla nyalte; allu ke jaqqaan fade, atti ka nyalaattippa jaqqama tiitteey, hakan miiriyyo ke qara' paafanno kara'e arepadesa a jaqqamto.

Xuuma Hisqeeli 28:13

Turanne akka Eteni a dulase a Waaqa kara kalto mina'e kallaata ettante kallaanni; ka sira dakadda oyna a heraan kokkoka oppa kodame' siratte; ohaataayti kan warqeeta; wa ohaataayti quda' rakene' piisa kan warqeeta patta. Siroosen nefo kuyyaata atti uumamteeyyeew ke' uumamen.

Xuuma Hisqeeli 36:25

Pisha paxaara'en ishin quda' fidda; akka nyalaassin pisa oppaayye jaqqamtan; anka killannaassin piisa alle ishin oppa tawsha.

Xuuma Taani'eeli 11:38

Ka pakkaaysho oppa killowwasene a aappadaasso turan in upnini killowwa a piita pila isasene a mishshikewwa tooytino kidamma ulfeessa ka warqeeta ka sipla dakara isho sira lekaya ishi dehaysha ka ulfeessa.

Hoose'i 9:10

Waaqa ikiini, “Ha samayta a Isira'eeli, an ishootta teyeeyye, ishootta akka dalta a wayneeta a koommaytoppa teyatte mina ana' pahan; aappadaasso' nefo ka akka luukkata hilteeta a paayyota' palite ka teyatte mina ana' pahan; ma xoori ishootta ete pora pa'aali pe'oori kidammo kayeneeyye, jeerolayteetase a killootati'i issi daashen; ishootta ka akkimase a killootose' jaaladen' mina'e asseew nyalen.

Mataafa oppa' Ooreta 29:17

Ka pahanaddasene xaaysho jippame ka killowwasene xaaysho qora ka dakaddaappa xefame ka warqeeta isho dakara pirreeta oppa kodame i'akkiten.

Keleshaata 14:8

Erkampattoota a lammatta ka isase a paayyota kamma qatte ka kiini, “Paapiloonise kutta, taadetase a wayneeta orra maashshannitto a sharmuutumaadi, leknada piisa ikisse, ipiite! Ipiitee!”

Keleshaata 18:12

Wa a markapaaysho kara fe'ame warqeeta ka dakara pirreeta ka daka a heraan kokkoka ka furoota; ka ohaata a qaaha a xaynaata qora talpa oppa dawamte ka ohaata a tiima ka ishin moonta pahato ka ohaata paxaara ka ohaata a tiima ka qoyra alaawno piisa; ka meeha hirta arpa ka qoyra a heraan kokkoka ka sipla poora ka sipla isho meeha a daka heraan kokkoka oppa kodame piisa.

Keleshaata 18:16

kidane, “Katamasene kutta ohaata qaaha a xaynaata qora talpa oppa dawamte isho mehadda a tiima ka ishin awla uwwisanna ka warqeeta isho jiriwwaanna ka furowwa siranna oo ishootta kido! Oo ishootta kido!

Keleshaata 19:2

Firteetaadi nefo dukaata ka hanqeeta; sharmuutitteetase kutta, sharmuutumaadin piita nyalisse, firteetanne qatta'e ka isheetta qatta'anne diika orxayaadi malla, isheetta qara haalota pooyye.”

Keleshaata 21:21

Xarradasene kudanka lakki, furowwa kudanka lakki. Xarrada matta mina'e furoota takkoppa kodamen. Porra katamaseneti, warqeeta paxaara a kaawwata mina a la'ayta karan akkaanno oppa kodamen.

Keleshaata 9:21

Umma nama ikassa ka kodkoda kodatta ka sharmuutuma isho hatantaaysho kammaayye in oorre.