Keleshaata 17:3 - Mataafa Qulqulloota

³ Sekkammayye, erkampattootase ka hapuran koommaytoppopa ana qeette, anka iskatteeta takka pinanta a tiima a maxxada otitta dakintaadi piisa quda taafamen ikka mattada tappa ka kaassa kudan qapto qara kutiite akke.

Keleshaata 17:3 ပူးပေါင်းရင်းမြစ်များ

Mataafa a Nuqussa a paayyota 18:12

Oton ke kapa tawooyye, pora oppopa haapura Waaqa ken aano umma an upooy, oton aano ka Aki'api lelo, ikka ke dapooyye, ana isha. Aren anti orxaytaayti hakan shakkooyyen paayye ka Waaqa fuurri.

Mataafa a Nuqussa a lammatta 2:16

Ka ishi kidene, “Ino orxayaatti tin orra kokokkoka kunda kenin are qapnaay, takka punu hapura Waaqa Poqallaatti qeede ka irroota qara taaki naaba kara lekkishe kodditaay, a aanen ka pora faden.” Isha ka ishootta kide, “Inna! ishootta in erkan.”

Masmuureta a masmuurewwa piisa qara jaallitto 8:5

Ini innasene a' jaalatte' quda' teesatte ka koommayte kallitto ayno? Anti qoyra karsatta kelaayyen ke xaxxaashe eyye'e aayyaassin ke xaayte. Isase a xaayan qapamte ka eeyye ke xaayte.

Xuuma Hisqeeli 11:24

Hapura Waaqa ka opeela ana xaashe ka keleshaatase a ana' daashenne, orrase' poojame kapopa piita Paapilooni opa anan aane; sekkammaayye keleshaatase an akke ka ana qara alle' tawe.

Xuuma Hisqeeli 3:12

Sekkammaayye hapura ka opeela ana xaashe; anka nessa a kutta a lellehayta piita a ana kamma desa xaano dakaye; ikka kiini, “Ulfeena Waaqa a poraadippa ulfeessamo.”

Xuuma Hisqeeli 8:3

Isha ka wa harka paha anopa derayshe ka ana qara nyirfaayyo a matta' qape; hapura ka piiteela moontopeela ana xaashe ka keleshaata Waaqatin Yursaalamipa ana qeede; ka xarrase paapahase karan co opa kullino ka qinda qutatta mina tooyno opa ana qeede; poroose oppaayye killootase Waaqa kara yoota xa'innitto ca.

Xuuma Taani'eeli 11:36

Nuqusoose a Sooriya haka kuyyaatase a miira Waaqa kaynitto kara'e, wa ishi aakaa'e koda ka waaqadda piisa qaropa dela isi kukuttisha ka Waaqase a Waaqadda kuli qara seesan hasawada.

Xuuma Taani'eeli 7:20

Akkimoose' mina'ew, anka qoota kaassaasene kudani a pinantose' qapta ka kaasase shakka kamma desa dehe, isho kaassaasene sessa kaasase shakka tura seeheti desa upnaatta fadeew. Kaasoose shakka ilda isho afa qapo ka a kaassa piisa qaran qapto akata orra fuurinni ka isi peepaan haasawanni.

Xuuma Taani'eeli 7:25

Ka Waaqase kutta kuli qara isi peepa ka qulqullowwasene a Waaqase kuttati kuli rakkacciisa ka seeraaysho isho xayso nessumadaasso kuli alle' purissa fada. Qulqullowwa ka haka para sessa ka a pakati ishi' piddaman.

Xuuma Taani'eeli 7:8

An eyye kaassosen xaadi quda tooyaappa cooyye, kaasa pila shakkayta ka arta kaassaseneti kara' dehe; kaassaasene turan ca oppa sessa ka tura seehen. Kaasose shakka ilda a nama isho afaa a isi peepaan haasawanna'e qapa.”

Maatiyoosi 27:28

Ka mehaddaadi a kalsade quda sookshen ka mehadda tittiima quda kalshen

Kodampaya 8:39

Ete pishaappa sookeneeyye, Hapura Poqalla ka Filippoosi qeede; umma kunaytase sekkammaayye isha in akkine; a koddito ma xasanne poraadi qapade ka kalta qaraaw caade.

Teseloonqe a lammatta 2:4

Namoose a tiyya wa waaqadda kidamma ka waaqaysamma qaropa isi kuttisha. Ka issi' kida, “Anti an Waaqa.” Ka tikase a Waaqa a Qulqulloota' kuli kela kutiitta' maxanyuma.

Keleshaata 1:10

Kuyyaata Poqallaatiiyyi an hapuran cooyye, nessa kutta a kaasa dawammo' paho ka ana kamma desa dakaanni, anka dakaye ikka kiini,

Keleshaata 12:14

Iskatteese akka porase isheetta harmisame opa moontan xa'atto'e xoolla lakki a kawwaarayta kutta'e ishi daasame. Ikka eeyyepa maakase tura sekaatte ka para sessa ka paka tura tooyamte.

Keleshaata 12:3

Milikkita a pila ka moonta quda akkaadeew. Pofa a tiima kuttayta a matta tappa ka kaassa kudan qapo ka akkaade ka mattadasene xaadi qara'e, kullewwa nuqusa tappa kalsade.

Keleshaata 12:6

Iskatteetase ka koommaytoppa pora oppa kuyyaata kuma ka dippa lakki kunda lehi tura tooyamto a Waaqa ishi harmishe oppopa qahate.

Keleshaata 17:18

Iskatteetose a akkite katamasene kutta nuqussa piita qara nuqusuma.”

Keleshaata 17:4

Iskatteetase mehadda a tiima ka ishin awla kalsatte ka warqewwa ka jiriwwaanna isho furowwa siratte. Ka harkaadippa'e kuppaayya warqeeta, a wa jippame isho a nyala dahalsattaadi oppa immakaadene qapatte.

Keleshaata 18:12

Wa a markapaaysho kara fe'ame warqeeta ka dakara pirreeta ka daka a heraan kokkoka ka furoota; ka ohaata a qaaha a xaynaata qora talpa oppa dawamte ka ohaata a tiima ka ishin moonta pahato ka ohaata paxaara ka ohaata a tiima ka qoyra alaawno piisa; ka meeha hirta arpa ka qoyra a heraan kokkoka ka sipla poora ka sipla isho meeha a daka heraan kokkoka oppa kodame piisa.

Keleshaata 18:16

kidane, “Katamasene kutta ohaata qaaha a xaynaata qora talpa oppa dawamte isho mehadda a tiima ka ishin awla uwwisanna ka warqeeta isho jiriwwaanna ka furowwa siranna oo ishootta kido! Oo ishootta kido!

Keleshaata 21:10

Ka hapuran irroota takka kutta ka dera qaropa anan ante ka Yursaalami katamasene qulqullaawe a moonteeyye Waaqa kapa lekkanna ana akkisse.

Keleshaata 4:2

Eennow anka hapuran kinnaade ka tin moonteeyye sufaana akke. sufaanase' qara'e takka ka kuti'e.