Keleshaata 15:4 - Mataafa Qulqulloota

⁴ Poqallaay, ata ayno ke fuurri in kinnin ka maxxaayti ulfeessini in kinnin? Ke pattan qulqullitta. Kodaayti a hanqeeta qoota akkaade malla, lekna piisa de'a ka ke tura sakatada.”

Keleshaata 15:4 ပူးပေါင်းရင်းမြစ်များ

Mataafa Masmuureta 105:7

Ha isha Waaqa Poqallaanno, isha piita' piisa qara'e dapa ka dukaata murri.

Mataafa Masmuureta 111:9

Ka wa samaytaadi fura erke ka kodayteetaadi haka paraparati ajaje; maxxaadi a qulqullaawe ka fuurammo.

Mataafa Masmuureta 22:23

Ishina a Waaqa fuurraati isha kalataysada; ishina sanynyeeta Yayqoopi kodde' piisaayye, isha ulfeessa; ishina xotta Isira'eeli kodde' piisaayye, isha tura fuura.

Mataafa Masmuureta 22:27

Orra piita piisa, a matte isha oorsade ka Waaqopa tiitaawo; kaffa samayta' piisa ka isha tura' sakatadan.

Mataafa Masmuureta 22:3

Atti' xoori a' qulqullitta nuqusummo, a Isira'eeli qara kalataysame.

Mataafa Masmuureta 86:9

Oo Poqlo, mankistewwasene a' uumte piisa ke turopa dehaada ka ke tura' sakatada ka maxxaayti ulfeessa.

Mataafa Masmuureta 89:7

Xora qulqullowwa oppaayye Waaqa a kuttati fuurammi; ka a isha kapandesa ca' piisa oppa a kuttati ulfeessammi.

Mataafa Masmuureta 97:8

Oo Waaqqo, Siyyooni firteetaayti a dukaata'e dakayte ka xasootte, tuparra Yihuta kuli ka akata xasooden.

Mataafa Masmuureta 99:5

Waaqa Poqallaanno kukuttisha, ka loqqa kela ishi' sakatada, isha' qulqullittaay.

Mataafa Masmuureta 99:9

Waaqa Poqallaanno kukuttisha, ka irroose' xaadi a qulqulloota' qara ishi' sakatada; Waaqa Poqallaanno qulqullittaay.

Xuuma Issayyaasi 24:15

Semmalla a qinda piirtotatin co a Waaqa ulfeesso; a piitaddasene' pakateeta kara ca' qara kalo nefo ka maxxa Waaqa a Poqalla a Isira'eeli kukuttisho.

Xuuma Issayyaasi 25:3

Semmalla samayta a mankistewwa kokokkoka'e ke ulfeessa; a katamadda mankistewwa karpampaya kara kala ka ke fuuran.

Xuuma Issayyaasi 26:9

Halkeetteeyye karittiyyo ke yaatanni; hapuriyyo ka a kuttati ke faani; maana malla, oto muraatti a dukaata' piita qara' dehannittooyye, samayta piita hanqeelluma kollanni.

Xuuma Issayyaasi 45:23

Anti issinnin xaxade; qaaletiyyo ka hanqeetan afaayyo oppa sookte, umma patta'en hasso. Kilpalla piisa ana tura'e kilpiippadan; afaa piisa ka ana quda koddeeta' xaxadan.

Xuuma Issayyaasi 57:15

Waaqase a parapara a maxxaadi qulqullitta kodde isase opeela kuttade ikiini, “Kadin punu pora kutta ka qulqullaaweppa kalaayye, anti nama isi shakkinno ka maraarfanno ollin caanni ka hapura a nama isi shakkinnooti japeessini ka karitta a nama mararfannooti impasinni.

Xuuma Issayyaasi 6:3

ka dawanni ka olli' oorinni ka kiini, “Isha' qulqullitta, qulqullitta, qulqullitta Waaqa Waaqa Poqalla a we piisa ettaninno; piita piisa ulfeenaadinni immakaatte.”

Xuuma Issayyaasi 60:5

Akka ishootta akkita ka mushshuuqta; karittaayti ka oppa qawwaawa ka xasooda, maana malla teyanta a pakateeta kara kitto piisa keepa haadamtaay, qapna mankistewwa piisa ka keepa ooraneey.

Xuuma Ermiyaasi 10:7

Ke nuqusa mankistewwa koddeey; a ke tura fuurri in kinnin ayno? Ookka samayta piita oppaayye ka mankistewwaasso oppaayye; a ke paho qoota in kinnin malla, ke fuureta ino parpaaccisni.

Xuuma Ermiyaasi 16:19

Oo Waaqqo! Ke a kokkonnumaayyo ka mishshikeetiyyo an eta rakkootati karopa qahano kodde; samayta, piita piisa qaraayye ke kapopa de'an ka kida, “Aappadaanno killanna a we takkan nefo ishootta qara nakanni in kinnini a paata patta'e lehaden.

Xuuma Ermiyaasi 5:22

Waaqa ikiini, “Hela ana fuureta ishin parpaacciisni in kitto? Ana tura xareeta ishin faani in kitto? Akka haka paraparati qarannen tarpinini'i, ha anti tahaytan pakateeta tura xeela kode; pishasene kadi punu puppeetan kakattammaaneeyye, ikka qepnin in kinnin; ka kadi punu kekkehnaaneeyye qaran tarpini in kinnin.

Hoose'i 3:5

Ka sekkammaayye ooran ka Waaqa Waaqaaysho ka Taawwiti nuqusase' xaaysho kamma pora fadan ka parra a kammadesatiiyyi fuuraan qinda Waaqa opa ooran ka saka akkadan.

Xuuma Inpaqoomi 1:12

Oo Waaqa Poqallaayyo, ke a xattaaw eeyye kalo, atti a' qulqullitta a haka paraparati' kallaanno, qoota atti ino tooytinitto malla an leeno, oo Waaqqo, atti a' xelsumaanno; a koddito ma ha juppootinno qaran xaate'e, akka Paapilooni ino rakkacciisso'e ino qara' xa'isse ka hupna ishootta' daasse.

Xuuma Sakkaariyaasi 14:16

Sekkammaayye, samayta piita a Yursaalami torpe ka leeta kela hase piisa, Waaqase we' piisa ettaninno nuqusooseti sakatatta'e ka xaysoota shaakka ulfeessa'e para paroppa eeyyepa ollopa sooka.

Xuuma Sakkaariyaasi 2:11

Awsetiiyyi, samayta a piita lekayta'e Waaqa kapopa heeqqa ka samaytiyyo kodda; anka ishin oppa' kallaada.” Atti ka akka Waaqase we piisa ettaninno ke kapopa ana erke upnaatta.

Xuuma Milkiyaasi 1:11

Waaqase we piisa ettaninno ikiini “Samayta piita qara kalo piisa haka piirtotati paayyatte haka dumaatati ana ulfeessini ka pora pisa oppaayye tankarta alaawnitto ana qayyanni ka kalisoota qaja in qapnin ana kalinni, orra piisa ka ana ulfeessa.

Roomi 15:9

Wa malla Kiristoosi orxayta Yihutaata' kodde a pilaa'ew, akka orra Yihutaata in koddinin qoota diissataadi malla Waaqa kalataysado. Sede nefo, akkima taafamte ka kiinitto; “Sede malla orra Yihutaata in koddinin oppa'en ke kalataysada. Ka maxxaayti'i, masmuuretan kalata dehaysha.” Mina.

Petroosi a paayyota 1:16

Itaafamte ka kiini, “Anti an Qulqullittaay, ishina' kuli qulqullowwa kodda.”

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.

Keleshaata 14:7

Ka nessa kuttan kiite, “Waaqa fuura ka isha ulfeessa, saateta firteetaadi idesa kayteey. Waaqase moonta isho piita ka pakateeta isho ella pisha uume sakatada!”

Keleshaata 16:5

Anka erkampattoota a pisha qara hupna ukkumeeta qapto a kiinitto, “Qulqullitto, Poqallaay ke a amma co ka xatta co, qoota asse faratte malla, atti a hanqeelitta.

Keleshaata 16:7

Porase a kalisootati desaaw anka nessa a kiino, “Aa, Waaqqo Poqlo! Ke a we piisa ettaninno firteewwaatti dukaata ka hanqeeta.” dakaye.

Keleshaata 19:2

Firteetaadi nefo dukaata ka hanqeeta; sharmuutitteetase kutta, sharmuutumaadin piita nyalisse, firteetanne qatta'e ka isheetta qatta'anne diika orxayaadi malla, isheetta qara haalota pooyye.”

Keleshaata 19:8

Akka kalsatto'e, mehadda a xaynaata qora talpa oppa dawame ka pippildaawna a jureeta in qapnin ka paxaara ka ishi daasamen.” mehaddoosen a sira a xaynaata qora talpa oppa dawame nefo, kodase a qulqullowwa a hanqeelluma

Keleshaata 3:7

Erkampattoota a tika kiristaana a Filadelfiyaati' taafe ka kide: “Sede isase qulqullitta ka dukaallayta kodde ka fura a tika Taawwiti qapo kapa lelamte. Wa ishi' dufa nama takka nefo panni in co umma wa ishi' pana nama takka nefo dufni in co.

Keleshaata 4:8

Pinaanoosen afuri, matta mina' xoolla lehi lehi qapan ishootta isqudandela ka iskaranxata ildaanne immakaaden. Umma halkeetta ka kuyyaata'e “Qulqullitto, qulqullitto, qulqullitto, Waaqa Poqalla isase we piisa ettaninno. A xatta co ka amma co ka itturopa de'o.” kideeta qaatinni in caan.

Keleshaata 6:10

Ishootta ka nessa kuttan ullupen ka kidene, “Qulqullitto ka dukaallayto ke a piisa qara qapo Waaqqo! Haka aytamiti'i orra piita qara co qara' farata diissa ka diikinno malla haalota pooyya diissa?”

Mataafa Saamu'eeli a paayyota 2:2

“A Waaqa mina qulqullitta kodde in co ke mali a pila in co, umma a Waaqinno mina shila a kela pahan kodde in co.