Keleshaata 15:3 - Mataafa Qulqulloota

³ Ka masmuureta Muuse a orxaytase a Waaqa isho masmuureta a laahoseti dawanni ka kiini, “Poqallaay, Waaqqo ke a we piisa ettaninno, kodaayti ikutti ka orra qawwanni. Ke a nuqusa leknada kodde, saantaayti saanta hanqeeta ka a dukaata.

Keleshaata 15:3 ပူးပေါင်းရင်းမြစ်များ

Mataafa Uumata 17:1

A Apraami para kunda sakali' sakali kayeeyye, Yaahiwwe isha tura akkaade ka kide, “Anti an Waaqa we piisa ettaninnooy, awta piisa ana ajajame ka dukaatan kallaado.

Mataafa Otoowwa a paayyota 6:49

Akkima orxayta Waaqa Muuse ajaje mina'e, Isira'eeleta'e haseenta juppoota koda'e qulqullitteeta qulqullowwa kara koda kodammo piisa ka poqa a kalisoota qara kalisoota kupa'e ka tankarta qayyassa'e a kitame xoori Arooni isho sanynyeetaadi patta.

Mataafa Otoowwa a lammatta 24:6

Seminan nuqusa ka Yoodaahe qeesittase kutta hale ka ishi kide, “Orxaytase a Waaqa Muuse isho xora Isira'eeli akka tukkanase a maakkuma kela ishin koda kodamo'e, kipirase a orra qara katen akkima Lawaata samayta Yihuta isho a Yursaalami qaraayye pohoto'e maana'e a koonin?”

Mataafa a Nehimya 9:14

Ka sanpataayti a qulqullaawe ishootta' upnasse; ka orxaytaayti Muuse qudan ajajaayti ka taantetaayti isho seeraayti ishootta' daasse.

Mataafa Iyyoopi 36:24

Kodaddaasene' xaadi a orra masmuuretan saarinna matte oorsatta ka saarissa in teyman.

Mataafa Iyyoopi 5:9

ha isha, daxxowwa a dikoota in qapnini'i kooni ka wa orra qawwanna a kara qorammi in kinnini kooni.

Mataafa Masmuureta 100:5

Waaqa xoonampayta, suraysattaadi nefo a parapara, amanamaadi ka xelte desa xeltopa tuullini.

Mataafa Masmuureta 105:5

Ishina sanynyeeta Aprihaami a orxayta Waaqa' koddeetiiyyi, ishina hellaa Yayqoopi isasene a Waaqa reexadeetiiyyi, kodaddasene a Waaqa kode orra qawwanna ka daxxowwasene' xaadi isho dukaata mureetaadi matte oorsada.

Mataafa Masmuureta 111:2

Koda Waaqa ikutti; a ishin xasoonna' piisa ka oppa damdamsanni.

Mataafa Masmuureta 111:7

Koda harkaadi dukaata isho mura hanqeeta; taantewwaadi piisa a amaname

Mataafa Masmuureta 139:14

Qootan a orra fuurinno ka orra qawwanno kodde ka uumame malla, in ke kalataysanni; kodaayti orra qawwanni, anka a kuttati upa.

Mataafa Masmuureta 145:17

Waaqa saantaadi piisan hanqeellitta ka kodaadi piisan a amaname.

Mataafa Masmuureta 145:6

Samayta kodaayti a orra fuurinno oppa torraanni; anti' nefo ka kuttumtaayti salinni.

Mataafa Masmuureta 18:30

Saanta Waaqa a qajeelte; Qaaleta Waaqa jureeta in qapto; a ishan xelsanna' piisa'e, ishi kontaleeta.

Mataafa Masmuureta 78:12

Waaqa piita Kipsitiiyyi laka So'ani oppa'e, ilda aappadaassoti' tura daxxowwa kode.

Mataafa Masmuureta 92:5

Oo Waaqqo, kodaayti oo atta kutti! Dikattaayti nefo akata kara seki!

Mataafa Masmuureta 99:4

Ke a dukaata mureeta jaalanno, hupnampayta nuqusa, atti taantetan kallaatta orra' qaatisse ka Isira'eeli kara'e, dukaata mureeta isho hanqeeta, koda qara nakasse.

Xuuma Issayyaasi 33:22

Waaqa taanynyaanno, Waaqa a seera ino' daanno, Waaqa nuqusinno; isha inon paha.

Xuuma Issayyaasi 45:21

intoonno, a deexaaysho dehaysheneey? Ka upnayshen ka oli dehaameneey! A xatta sede lele ayno? A turanneew sede upnayshe ayno? Ana Waaqanne? Umma ana mali Waaqa pila in co, anti an hanqeellayta ka an dinshampayta Waaqa; umma ana mali Waaqa pila in co.

Xuuma Taani'eeli 6:20

Ka ete aane ka qaawase kapa kayeeyye nessa nyarrahatatin kide Taani'eeli orxayta a caattampayta Waaqa! Hela Waaqase' xaayti a awta piisa isha kela koda koonitto, ikarmada kela ken paha ettanshe?”

Xuuma Taani'eeli 9:11

Samayta Isira'eeli' piisa ka seeraayti qepshe ka haasaatti' ajajama tiite. Akka qootan ke' dakaya tiinne malla jiijasene a' xaxaan Muuse' seeran daasse ino qara' qeette.

Hoose'i 14:9

A ookuma qapa leloose' matte hitanni, qalpeelayaaw leloose kara upnaadan. Ha pora a Waaqa pora dukaata; hanqeellaya ka oppan desa anni; juppoolaya xoori qara'e kehaysanni.

Xuuma Mikkiyaasi 7:20

Kodayteetase a xatta a aappadaanno Aprahami isho Yayqoopi olli kodatte mina'e amma kuli dukaataayti ka diissataayti a xoona a parapara ino akkissa.

Xuuma Sofooniyaasi 3:5

A koddito ma, Waaqa xoori qulqullitta umma dapa kooni in co, isha' teykanta piisa dukaataaw murri umma awta piisa dukaata koda dinni in co. Nyiramaya xoori, koda nyiraamuma' koda'e ilta fuura in qapan.

Xuuma Sakkaariyaasi 9:9

Atti enenta Siyyooni, akata xasoodo! Atti enenta Yursaalami, xasan ililiwe! Ha nuqusase' xaayti hanqeellayta ka dinshampayta isha naalayta kodda ka harreeta qara' kuti'a, innayya harreeta qara'e kuti'a ka qaraayye ke kapopa de'a.

Yohaannisi 1:17

Seera, Muuse qudanne daasame, daassata Waaqa isho dukaata xoori Yesuusi Kiristoosi qudanne de'en.

Mataafa oppa' Ooreta 31:30

Muuse ka qaalewwa a masmuureseti xora samayta Isira'eeli piisa tura haka piraampirati nappape ka ishootta dakaytishe ka kide.

Mataafa oppa' Ooreta 32:3

Anti maxxa Yaahiwwen salisha; ishina kuttumta a Waaqinno saarsha.

Mataafa oppa' Ooreta 34:5

Orxaytase a Yaahiwwe Muuse ka akka Yaahiwwe ishi kide qara'e piita Mo'aapi oppa to'e.

Timotoosi a paayyota 1:17

Semalla Nuqusase a parapara, isase tooni in kinnin ka akkaanni in kinnin, takkaytase a Waaqati'i, ulfeena ka kalata a haka paraparati isha kayo. Ameen!

ipro 3:5

Wa a Waaqa itturopa kidaati maakkitta kodde. Muuse tika Waaqa piisa karaayye akka orxayta mina'en nama amaname.

Mataafa Iyyaasu 22:5

Ka ajajase a orxaytase a Waaqa Muuse ishina daashe tooytaatta'e, Waaqaayshin Poqallaassin jaalada ka akka isha heeno qara kallada. Ka ajajaadi tooytada ka fayya qapada, ka karittaayshin piisan isho napseetayshin piisan isha koda koda ka ishi ajajama.”

Keleshaata 1:8

A amma co ka xatta co ka itturopa de'o, Waaqa, Poqalla isase we piisa ettaninno, ikiini “Alfa ka omeeka a paayyota ka a piraampira ana!”

Keleshaata 11:17

ka kidene, “Poqallaay, Waaqqo! Ke a we piisa ettaninno! Ka amma co ka xatta co, qoota hupnase xaayti a ukkumeeta kutta harkoppopa oorsatte ka nuqusumte malla, in ke kalataysanninna.

Keleshaata 14:3

Suufaanase ka uumatase caata qapo afuri isho qimayasene tura'e nama kuma dippa kunda afuri afuri ka masmuureta haraya dawade; umma masmuurese namoose kuma dippa kunda afuri afuri a piita qara furame maliiyyi nama takka nefo sahatta in ettaninne.

Keleshaata 14:8

Erkampattoota a lammatta ka isase a paayyota kamma qatte ka kiini, “Paapiloonise kutta, taadetase a wayneeta orra maashshannitto a sharmuutumaadi, leknada piisa ikisse, ipiite! Ipiitee!”

Keleshaata 17:14

Ishootta laahase qara'e oranna qishshan. Ma xoori laahose qoota Poqla poqalladda ka Nuqusa nuqussa kodde malla, i'ishootta puta. Orra isha olli co a halaame ka reexame ka amaname.”

Keleshaata 19:16

Ohaataadi isho kupeettaadi quda'e maxxa a kiino, “Nuqusa nuqussa ka Poqla poqalladda'e” taafame.

Keleshaata 19:2

Firteetaadi nefo dukaata ka hanqeeta; sharmuutitteetase kutta, sharmuutumaadin piita nyalisse, firteetanne qatta'e ka isheetta qatta'anne diika orxayaadi malla, isheetta qara haalota pooyye.”

Keleshaata 4:8

Pinaanoosen afuri, matta mina' xoolla lehi lehi qapan ishootta isqudandela ka iskaranxata ildaanne immakaaden. Umma halkeetta ka kuyyaata'e “Qulqullitto, qulqullitto, qulqullitto, Waaqa Poqalla isase we piisa ettaninno. A xatta co ka amma co ka itturopa de'o.” kideeta qaatinni in caan.