Keleshaata 14:3 - Mataafa Qulqulloota

³ Suufaanase ka uumatase caata qapo afuri isho qimayasene tura'e nama kuma dippa kunda afuri afuri ka masmuureta haraya dawade; umma masmuurese namoose kuma dippa kunda afuri afuri a piita qara furame maliiyyi nama takka nefo sahatta in ettaninne.

Keleshaata 14:3 ပူးပေါင်းရင်းမြစ်များ

Mataafa Masmuureta 144:9

Oo Waaqqo, kirpa haarayan ke' dawada; ka kehayta a riba kudanin qaasame dawattaan ke' sammara.

Mataafa Masmuureta 149:1

Haalle luuyya! Masmuureta haarayan Waaqa saarsha; ka kalataadi xora a qulqullowwa oppa' dakaytisha.

Mataafa Masmuureta 25:14

Waaqa orra isha fuurro tura paata dekni in co; isha ka kodayteetaadi ishootta akkinni.

Mataafa Masmuureta 33:3

Masmuureta haaraya ishi' dawada; kehayta fayya oorsamen ishi' dawada; ka ililiwa.

Mataafa Masmuureta 40:3

Ka kalata Waaqati'i, masmuureta haaraya afaayyoppa' xaaye; lekaya sede akka ka fuura, ka Waaqa qara' xasa xaayada.

Mataafa Masmuureta 96:1

Masmuureta haaraya Waaqa' dawada, samayta a piita' piisaayye Waaqa' dawada.

Mataafa Masmuureta 98:1

Waaqa'e masmuureta haaraya dawada, isha wa orra qawwanna'e kodeey ka hupnaadi ka qulqullumaadin putayma qeedeey.

Xuuma Issayyaasi 42:10

Ishina a pakateeta qaran anna, ka ishina a pakateeta kara immake, ka piitadda pakateeta kara ca isho ishina kara kalaatiiyyi, masmuureta haaraya Waaqa' dawada ka piita a sekati desa kalata ishi' kalsha.

Qorontoosi a paayyota 1:18

Qaalese a masqala, orra panno'e, eepuma kapa'e dikammi. Ino a dinnaati' xoori, hupna Waaqa.

Qorontoosi a paayyota 2:14

Nama hapura Waaqa in qapnin daassata a hapura Waaqa' daanno teyyatta ettaninni in co. Kuttuma daassatoseti' qoota hapura Waaqatinniiw kara qorammaan malla, namooseti kalli in caan. Ka laadi eepuma ishi' pahanaanni;

Keleshaata 14:1

Sekkammaayye, tin laahase ka irroota Siyyooni qara qa'ade anka akke. Isha olliiyyi nama kuma dippa kunda afuri afuri a maxxaadi isho maxxa aappaayshoti miintoppa ishootta taafame ka ca.

Keleshaata 15:3

Ka masmuureta Muuse a orxaytase a Waaqa isho masmuureta a laahoseti dawanni ka kiini, “Poqallaay, Waaqqo ke a we piisa ettaninno, kodaayti ikutti ka orra qawwanni. Ke a nuqusa leknada kodde, saantaayti saanta hanqeeta ka a dukaata.

Keleshaata 2:17

Wa hapura tikka kiristaanati' kiina, nama napahata dakaynitto qapo, a dakayo! Nama puto'e, mennasene' juutame' qudaayyen ishi' daasha. Ka daka ata, a qara maxxa haaraya taafame ishi' daasha, umma nama teyyado maliiyyi, nama pila takka nefo in upnaado.”

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.

Keleshaata 7:4

Anka dikoota a orrase kobbeetan toommame dakaye, kaffa Isira'eeli piisa oppaayye dikoota a orrase kobbeetan toommame kan kuma dippa ka kunda afuri afuri.