Keleshaata 14:2 - Mataafa Qulqulloota

² Anka nessa moonte xata a fotota pisha a kutta isho nessa a kutta a xirara kutta paho dakaye; nessoose an dakaye nefo, nessa orra kehayta dawno oto kehayta dawnooyye dakaytinno paha.

Keleshaata 14:2 ပူးပေါင်းရင်းမြစ်များ

Mataafa Saamu'eeli a lammatta 6:5

Taawwiti isho samayta Isira'eeli piisa ka masmuureta ka kehayta ka maasinqoota ka timpa ka siplalla sokojkojna isho tawnanna dawanni ka fuula Waaqa tura isi piisan kirpini.

Mataafa Otoowwa a lammatta 20:28

Ka ete Yursaalami kayeneeyye, pekena ka kehayta isho kaasa dawetaanne tika qulqulloota a Waaqa opa aanen.

Mataafa Masmuureta 147:7

Waaqa' kalataan dawada; Poqallaanno'e, maasinqootan kalata dehaysha.

Mataafa Masmuureta 149:3

A kalata maxxaadi' kirpen; ka timpa ka maasinqoota dawaan isha kalataysaden.

Mataafa Masmuureta 33:2

Maasinqootan Waaqa kalataysada; ka kehayta riba kudani qapon ishi' dawada.

Mataafa Masmuureta 43:4

Anka porase' qara Waaqa kalisoota kalinnaan opa aana, ka Waaqase' xayyo an a kuttatin ishin xasoonnopa dehaada; Waaqqo Poqallaayyo, kehayta dawetannen ke kalataysada.

Mataafa Masmuureta 57:8

Napseetiyyo, impase! Kehaaytiyyo isho maasinqootiyyo, ishina' nefo xa'a! Anti nefo paraappannen xa'aay.

Mataafa Masmuureta 92:3

Kehayta a riba kudani qaponne ka maasinqootan nessa olloppa' kalissa ka ke kalataysatta atta paxaari!

Mataafa Masmuureta 93:4

Kuumissa a pisha a kutta' qaropeela ka hupna puppeeta a pakateeta' qaropeela, Waaqoose moonte co hupna' jaalli.

Mataafa Masmuureta 98:5

Kehaytan Waaqa saarsha, ka kehayta isho saaran Waaqa sammara.

Mataafa Sooketa 19:16

Kuyyaata sessattati teykanteeyye, qaqawwa ka irrootase qara dakaanni; hankaada isho oraarta poora ka akkaanni; nessa kaasa ka kuttumtan dawammi; samayta safaroppa co piisa ka xarri.

Mataafa Sooketa 20:18

Samayse piisa ete qaqawwase isho kaasase dawammo dakayeeyye ka hankaadase isho irrootase kuutaawnitto akkeeyye, fuuraanne xare ka lakadesa qa'ade;

Xuuma Issayyaasi 17:13

Horayta a samayta kadi punu a malxa kutta' mina kuuminnaayye, oto Waaqa isha fukkooyye akka ukkashsha irroota qara puppeetan haadammo mina'e haadama ka akka kuyyaalayta a puppeeta tura alle sahammo pahanaada.

Xuuma Hisqeeli 43:2

Anka a ulfeena Waaqa a Isira'eeli a qinda piirtotati desa deeno akke; nessa a deenaadi kela xaano ka a malxa kutta' mina kuuminni. Ulfeenaadi ka piita qara' la'aye.

Xuuma Sakkaariyaasi 9:14

Waaqa ka samaytaadi qara akkaada oranaadi ka akkima hankaada mina akkaada; Waaqa Poqalla ka kaasa dawa ka puppeeta qinda tupatta kara aana.

Qorontoosi a paayyota 13:1

Kadin punu afaa orra' isho afaa a erkampattowwa Waaqatin haasawatta ettaninnaayye ka jaalala an qapniniiyyi, an sipla kekkeheno taaki an sokojkoja kekkehna' mina.

Keleshaata 1:10

Kuyyaata Poqallaatiiyyi an hapuran cooyye, nessa kutta a kaasa dawammo' paho ka ana kamma desa dakaanni, anka dakaye ikka kiini,

Keleshaata 1:15

Loqqaadi sipla a poroodoppa' pale pahan. Nessaadi nefo, nessa fotota a pisha urqina'e paha.

Keleshaata 11:12

Sekkammaayye xuumampayasene lakki ka nessa kuttayta a moonte xata kiino “Arepeela fayyada!” dakayen. Ka a paarkaalaasso ishootta tooynaaneeyye, urrattoppa moontopa fayyaden.

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.

Keleshaata 15:2

Sekkammaayye wa pakateeta kaawwata pahato paha a apittoppa lahame'en akke. Ka isasene pinantase ka waakkaadi isho milikkita dikoota maxxaadi pute akke. Ikka kehaytase a Waaqa ishootta daashe qapaden ka pakateetase a kaawwata kapa qaqqa'aden.

Keleshaata 18:22

Umma nessa a orra kehayta dawannooti ka a palpalaya ka a luuttota isho turumpa dawannooti, lammatta ke kara in dakaado. Umma harmitta a paata koono, arepa desa ke kara in caado. Umma nessa yomatta arepa desa ke karaayye in dakaado.

Keleshaata 5:8

Ete mataafase ollopa marrammo qeedeeyye, uumatase caata qapo afuri isho qimayaasene kunda lakki afuri ka laahase' tura itturandesa seehen ka ishi' sakataden. Ka matta mina kehayta qapaden ka qorewwa warqeeta a oppa tankarta immakene' qapaden. Tankartose' nefo qinseeta qulqullowwa.

Keleshaata 6:1

Sekkammaayye anka a laahase kobbewwasene tappa oppaayye a paayyota panno akke. Ka uumatase caata qapo afuri oppaayye a takka nessa a xirarron “xooye!” kiino dakaye.

Keleshaata 8:7

Erkampattoota paayyota ka turumpaadi dawte, apteenta isho apitta a diika olloppa lahe ka kodde. Ka piita qaropa katame; piita qudaayye, harka sessaappa takka ka kupade. Qoraappaayyeew, harka sessaappa takka ka kupadeew. Aykittta a ilaawa piisa ka kupade.