Keleshaata 13:7 - Mataafa Qulqulloota

⁷ Akka qulqullowwa torpo ka ishootta puto'e, hupna ukkumeeta ka ishi daasame. Kaffa ka samayta ka a afadda ika lekayta haasawanna isho lekna qara'e hupna ukkumeeta ka ishi daasame.

Keleshaata 13:7 ပူးပေါင်းရင်းမြစ်များ

Mataafa Sooketa 9:16

Ma xoori akkan hupniyyo ke akkisho'e maxxiyyo ka piita piisa qara dakaado mallan haka ammati ke caayshe.

Xuuma Issayyaasi 10:15

Takka uleeta a qoyra in koddinin mina opeela isi xa'innitto mina'e, hela erkaha inama a ishin paata quurro qaraayye seesni? Makaaseta ka nama ishin paata kaa'ino qara jeejjaanni?

Xuuma Issayyaasi 37:26

Hela akkiman xattaaw sede piisade ka kodeeta' qapade a' dakayne? Ka akkiman katamadda kawwattan kapa qorrame alle qitqitisso ka tuula dakaddaati' kooto ke kode.

Xuuma Ermiyaasi 25:9

anti Waaqa in kiin, ‘Tin samayta a piita qutatta piisan ishin qara xaasha; ka orxaytase xayyo nuqusa Paapilooni Naapukedenasoori ishin qara xaasha; ka akka piisse isho orra a karaa kalo ka mankistewwa a kapandesa ca piisa torpane koda, ka ishootta piisa pira; ka akka orra ishootta jippo ka ishootta qara xosalo'e ishootta koda; ka haka paraparati'i lulle ishootta hattisha.

Xuuma Taani'eeli 12:1

Erkampattootase kelashaatase maana akka kodde ana' lelte ka ana' kiiteewwe, Sapanoosetiiyyi erkampattootase erkampattowwa a qara saara kutta koddite samaytayshin tooytinitto Mika'eli kidammitto xa'a. Rakkoota a inna nama' piita qara uumamene paayyatte apari piita qara'en koddinin ka koddita; ma xoori sitiiyyi nama maxxaadi maskapa caatta a Waaqa oppa' taafame piisa ipaha.

Xuuma Taani'eeli 7:21

An sede tooyaappa cooyye, kaasase shakka ka qulqullowwa oli torpen, ikka ishootta pute.

Xuuma Taani'eeli 7:25

Ka Waaqase kutta kuli qara isi peepa ka qulqullowwasene a Waaqase kuttati kuli rakkacciisa ka seeraaysho isho xayso nessumadaasso kuli alle' purissa fada. Qulqullowwa ka haka para sessa ka a pakati ishi' piddaman.

Luqaasi 4:6

ka ishi kide, “Hupnose a ukkumeeta isho ulfeenose piisa ke'en daasha. Sede piisa qoota ana daasamte malla nama an heeno'e, daassata in ettansha;

Yohaannisi 19:11

Yesuusi ka ishi' kide, “Katin Waaqa kapa hupna ukkuma ke'en daasammin, kiiteeyye, helani ana qara hupna ukkumeeta takka nefo qapnaanni a' heenne. Ma xoori nama ke qaropa ana tarpishe, juppoota a dikke neeqa'e isha qara ca.”

Keleshaata 10:11

Sekkammayye ikka ana kidamte, “Qoota samaytati desa ka a leknati desa ka a afa ika lekayta haasawannaati desa ka qoota nuqussa piisati desa lammatta xuuma haasawatta ke parpaaccisni.”

Keleshaata 11:18

Orra a Yihutaata in koddinin imiiroode; miiraayti ka de'e. Eta a oppaayye orra le'e firteeta akkado ka kayte. Eta a oppaayye orxayasene xaayti xuumampaya ka qulqullowwa isho isasene maxxaayti ulfeessina a shashakka ka a kukuttaati'i rapootaaysho daasso ikayte. Eta oppaayye a piita pashshe patisso nefo ikayte.”

Keleshaata 11:7

Oto maakkumaaysho dikkishan kammaayye, pinantase qaawase a hiwwalaalla kareela sooko ishootta torpa ka ishootta puta ka ishootta leysha.

Keleshaata 12:17

Pofase ka iskatteetase qara miiroode ka sanynyeetase a iskatteetaseti peela hasse torpa sooke. Ishootta nefo, isasene ajajadda Waaqa tooytina ka qoota Yesuusi desa amanuman maakkumma.

Keleshaata 17:15

Erkampattootase ka ana kiite, “Pishaddaasene a sharmuutitteetase qara kutiite akka akkite, samayta ka orra ka lekna isho orra afa ika lekayta haasawanno.

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.