Keleshaata 12:9 - Mataafa Qulqulloota

⁹ Pofase kutta ka kumpaappe katame. Isha nefo maakaase a xatta, isase taapiloosi taaki seetana kidammo ka halaammo ka akka piita piisa kamma dapto koono. Isha piita qaropa katame. Erkampattowwaadi ka isha olliiw katamen.

Keleshaata 12:9 ပူးပေါင်းရင်းမြစ်များ

Mataafa Uumata 3:1

Pinaana a Yaahiwwe Waaqa uume piisa oppa maaka, akatan falqoolayta. Maaka iskatteetase'e kaassade ka kide, “Hela Waaqa keeto luukkata qorosen pora dishima kara ca takka nefo akka addammini ishin dawre?”

Mataafa Uumata 3:13

Yaahiwwe Waaqa ka iskatteetase kaassade ka kide, “Ata ini maana' koote?” Iskatteetase ka oorisse ka kiite, “Maaka ana sassapade anka dame.”

Mataafa Otoowwa a paayyota 21:1

Seetana ka Isira'eeleta qara xa'e ka akka Taawwiti samayta diksiiso isha nyarshe.

Mataafa Otoowwa a lammatta 18:21

Isha ka kide, ‘In aana ka afa xuumampayaadi piisa oppa'e, hapura darada kodda.’ Waaqa ka ishi kide, ‘Asseeyye aane ka isha sassapado, i'olkela ke teytaay!’

Mataafa Masmuureta 109:6

Ukkuttoota nama isha qara taanynya shuume, xasasampayta ka qinda akkittatin isha kapa qa'ado.

Xuuma Issayyaasi 14:12

Atti ke hiikkitta para mina' paho nuqusa Paapiloonitiiyyi, atta moonte piite! Atti ke a nuqussa jeershe, ata atta piitopa katamte!

Xuuma Issayyaasi 27:1

Awsetiiyyi, Waaqa koraatetase' xaadi kutta qaarta qapto ka kokkokatinni Lewaataani maakase ollopa marammo ka Lewaataani maakase loomlommo qatta'a ka naaccase kutta a pakateeta kara' ishsha.

Xuuma Issayyaasi 65:25

Waaqa ikiini, “Yoyta isho laha ollinni deetan; karma ka a xorma mina kajja dama, maaka ka piita haya; umma ishootta irrootase' xayyo qulqullaawte qara' rakkoota in qeedan ka miiddota in kodan.”

Xuuma Hisqeeli 28:16

Oto nakataayti ollin koopooyye, ishin dapaytanne immakaanni ka juppoota kooni; anka irroota Waaqa qaraxata wa nyale' mina ke shuule ka ke kirupeeletase paata tooytinitto dakaddaasene pippildaawna oppa alle ke pashshe.

Maatiyoosi 13:39

Paarkaalasene yeetota ayle seetana. Fera nefoow, piraampira piisseti. Ferampaya erkampattowwa a Waaqa.

Maatiyoosi 24:24

Orra dartan issi ‘An Kiristoosi’ kiino isho xuumampaya darta'e xa'a ka oton i'ishootta koddiniiyyi orrase a Waaqa reexade kuli kamma daptissa'e, wa kukutta a orra qawwanna isho daxxowwa koda.

Maatiyoosi 25:41

Ka kamma desaaw, isasene qinda pittittaaditin caati kida, ‘Ishina jiijameeti, ana kapa sekaada ka apittase libbini in kinnin seetana ka erkampattowwaadi harmisame oppopa aana.

Maatiyoosi 4:1

Sekkammaayye Yesuusi akka taapiloosin ekkaysatamo'e, Hapura Waaqa koommaytopa ishan aane.

Maatiyoosi 4:10

Sitiiyyi Yesuusi ka ishi kide, “Atti seetano, aane! itaafamte ka kiini, ‘Waaqa Poqallaatti sakatado ka isha pattaaw waaqaysado.’”

Maatiyoosi 4:5

Sekkammayye taapiloosi ka katamasene qulqullaawe a Yursaalami opa Yesuusin aane ka tika qulqullootati kuuta qara isha qaatishe,

Maatiyoosi 4:8

Taapiloosi ka oppa oorew ka irroota akata dera qaropa Yesuusin aane; ka mankistewwa piita piisa isho ulfeenaaysho ishi akkishe.

Luqaasi 10:18

Yesuusi ka ishootta kide, “Ha a seetana, a hankaada mina shuulame ka moonte pi'inon akke.

Luqaasi 13:16

Tin iskatteese sanynyeeta Aprihaami koddite; para kudanka sette piisa seetanan hidamte ka payyahate ka kuli isheetta paaqose a ishin hidamte ka payyahate kela kuyyaata sampatati furama isheetta parpaaccisni in kitto?”

Luqaasi 22:3

Sitiiyyi seetana ka Yihuta Asqorottittase erkamampaya a Yesuusi kudanka lakki oppaayye takka kodde karopa kale.

Luqaasi 22:31

Kamma desa Yesuusi ikide, “Simooni Simooni, tin, akkima qotampayta miillatoppaayye ukkashsha xayyinno mina'e, seetana ishin xayyissa fade.

Luqaasi 8:12

Xottasene pora kapa seehe, orra a eta desa qaaletase a Waaqa dakkaysanno lelli. Ma xoori ishootta akka in amannin ka in dinnini'i, taaploosi ideeni ka qaalese karittaaysho karaayye qeenni.

Yohaannisi 12:31

Eta a oppaayye piisse' qara faratamta amma. Eta a oppaayye poqallasene a piissiti, seetana lakopa katamo nefo, ammaaw.

Yohaannisi 14:30

Piddampaytase a piissiti seetana, qoota deeno malla, arepa desa ishin olliiyyi a kuttati an haasawado; isha ana qara hupna ukkumeeta takka nefo in qapo.

Yohaannisi 16:11

Sede a qoota firteetati desa ishootta laka' sookshoow, qoota piddampayta piisseti qara' faratamte malla.

Yohaannisi 8:44

Ishina a hellaa aappaase xaayshin a taaploosi, wa faanittane nefo xajeelta aappaayshina kodeeta. Isha paayyote paayyatte xattaaw orra lenni; qoota dukaata isha kapaen pannen malla, dukaata quda we takkan nefo in qapo. Isha qootan darampayta ka aappa opa darta piisa kodde malla, oto darta haasawnnooyye, isi kareela qeenni ka haasawanni.

Kodampaya 26:18

Akka ishootta ildaasso panta ka tukkantoppa la'aytoppopa ishootta sookisso'e, ka hupna seetana kela Waaqopa ishootta oorisso'en koda. A ishootta ka ana amana minanne, haseenta juppoota akkadan ka orrase ana amane ka qulqllaawe olliiyyi lehanda qoottadan.’”

Kodampaya 5:3

Peetiroosi xoori i'ishi' kide, “Atti Hanaaniya, akka' Hapura Qulqulloota' qara' darta kooto'e ka kaaja a piitaayti quda paka hattisatto'e seetanoose asse ke kode, maana'e karittaayti karopa kale?

Roomi 16:18

Orra asse paho xajeeltaaysho kamma aananni diisheey, Poqallaanno Kiristoosi kela koda kooni in caan; ka afaa nukulla isho neyneyaanne tajjana sassapanni.

Roomi 16:20

Oton asse' koonittaneeyye, Waaqase a nakayta eennoow seetana loqqaassin kela xata yooqa. Daassata a Poqallaanno a Yesuusi Kiristoosi a ishin olli caatto.

Qorontoosi a lammatta 11:14

Umma sede wa orra qawwanna'en. Seetana kuli, erkampattoota la'ayta' pahanaatta'e isi purinniiy.

Qorontoosi a lammatta 11:3

Akkima maaka Hewaani sassapade mina'e, takka punu dikattaayshina nyapala, akka amanumase' xaayshin paxaara ka qaja in qapnin a Kiristoosi' qaptan alle' diissanen kiini ka fuurri.

Qorontoosi a lammatta 12:7

Keleshaataddoosen kukutta' piisa qaropa qapa ana akkaadeetin akkan isi an peepnini'i, surumta a qeetta' mina ana donnitto dakintiyyo oppa ana' daasame. Ini ka erkampattoota seetana' koddite ka akkan isi an peepnini'i, ana miiddini ka ana suranni.

Qorontoosi a lammatta 2:11

Waan malla asse koona' nefo, saanta koda seetana in upnaay akka isha ino in sassapannin malla.

Qorontoosi a lammatta 4:4

Isase piisse ukkummo seetana karitta orra amanni in kinnini'i tukkanshe ka sedenne, la'aytase ishootta la'ayno a otootase a fayya a ulfeena Kiristoosi isase' pahana Waaqatin sooke akka in akkinnini ishootta kode.

Efesooni 4:14

Arepa desa oorii, xayxayta isho puppeeta a pakateeta qara a kollissa sassapa a ilattuma isho a pappahanassa namatin kodame ka akka kamma dapane'e orra koononne a nyoqqawwa' mina'e a arepa ka arepa daysamma an koddino.

Teseloonqe a lammatta 2:3

Nama takka' nefo we takkan nefon ishina in sassapannin. A paayyota' marmuma in deenin, namase a tiyya kahannamippopa kalo ka in akkaannin turanne, kuyyaase in deeto.

Timotoosi a paayyota 2:14

Asassapatamte ka seera Waaqa qepisse nefo, iskatteeta diisheey, a sassapatame Attaamin.

Timotoosi a lammatta 3:13

Ma xoori ukkuttowwa isho pappahanassampaya orra akka kamma dapo' koona ka ishootta kuli a kamma dapnaan quda'e neequmta qara' neequmta padaawattaan aanan.

ipro 2:14

Se malla helloosen, qoota orra so'a ka diika qapo kodden malla, Yesuusi a xaaysho mina'e nama kodde. Wa malla asse kode' nefo, akka tootaadinni taapiloosise' toota qara hupna ukkumeeta' qapo, pashsho malla.

Petroosi a paayyota 5:8

Mina' desa kallaada ka impasa! Paarkaalaassin, seetana, nama a loqo faani ka a karma daattino mina ishin kapa tittiitaawniiy.

Yohaannisi a paayyota 5:19

Ino akkiman a Waaqa' koddine in upna. Piita piisa xoori a seetana piddammitto koddite.

Yihuta 1:9

Mika'eeli saarase a erkampattoowwa mikka, ete pukka a Muuse qaraayye seetana oli shiisheneeyye, “Poqalla a ke fukko” Ishi' kide diisheey, afa otitta ishi in haasawanne.

Keleshaata 12:12

Semmalla moontadaayye ka ishina a kara kala piisaayye, xasooda! Taaploosi akkima eta shakkayaaw ishi hasene upnaade ka miira kuttan ishin oppopa lekkadeey, piita isho pakateeteeyye oo ishin kido!”

Keleshaata 12:3

Milikkita a pila ka moonta quda akkaadeew. Pofa a tiima kuttayta a matta tappa ka kaassa kudan qapo ka akkaade ka mattadasene xaadi qara'e, kullewwa nuqusa tappa kalsade.

Keleshaata 12:7

Oranna ka moonta qiten. Mika'eeli isho erkampattowwaadi ka pofase torpen. pofase isho erkampattowwaadi ka mina torpeneew.

Keleshaata 12:8

Ma xoori pofase isho erkampattowwaadi iputamen. Umma se kulipaata, moonte pora ishootta'en teyanne.

Keleshaata 13:14

Waasene orra qawwanna a pakka pinantase a paayyota oppa akka kodo'e ishi faqqatamte minanne, ikka akka orra piita qara kalo kamma dapo kooni. Ka ulfeena pinantase koraatetan mataawe ka dineeti'i akka waakka kodane'e orra piita qara kalo ajaje.

Keleshaata 16:14

Ishootta hapurra orriyya a wa olsa paha koona. Hapurroosen nyale oranase kuyyaatase kutta a Waaqase we piisa ettaninnotiiyyi koddo'e orra ollopa oorsatta'e nuqussa a piita piisa kapopa aanan.

Keleshaata 18:2

Ikka nessa a kuttan ullupte ka kiite, “Paapiloonise kutta ipi'ite! Ipiite! Ka pora oppaayye orriyya kalan koddite; ka pora oppa hapura nyale piisa ka xampira nyale piisa ka pinaana nyale ka jippame piisa qaa'inaan koddite.

Keleshaata 18:23

Umma la'ayta ipsa arepa desa ke karaayye in la'ayo. Umma arepa desa nessa inna heme isho a enenta hemamte, ke karaayye in dakaado. Maana malla turan nakkaatewwaatti piitoppaayye orra kukutta; atti ka tipaaytin akka lekna piisa kamma dapo koote.

Keleshaata 19:20

Ma xoori pinantase iqapamte; isheetta quda'ew xuumampaytase a darta turan fuulaadi tura wa orra qawwanna lekaya koono ka qapameew. Isha wossen orra qawwanna a koonaatin orra milikkitase a pinantaseti teyyade ka waakkasene a pinantasetiti sakatanno akka kamma dapo kooni, ishootta lakki pakateetase a'apitta daka apittatin opaynitto oppopa akka caanen katamen.

Keleshaata 2:13

Atti akkima pora a oppa suufaana seetana co oppa kalto in upa. A koddito ma maxxiyyo ikokkonnaysatte ka qapatte, umma amanteeta a ana qara qapto a' marmanne, maakkittase xayyo amaname Antipaasi ete katamasene' xaayshin a kara seetana kala kara ishshame nefooyye, ana amaneeta a' diinne.

Keleshaata 2:24

Ishina Tiyatirooni kara ca ka kollissoose neeqa in teyyannini piisaayye ka ishina wossen a orra demo kiina'e “Juuttota seetana a kara seka” kamma in anninitiiyyi anti haadeta pila ishin qara an fee'o.

Keleshaata 2:9

rakkootaayti ka teekumaayti in upa. A koddito ma a' teyantoolayta. A Yihutaata in koddinin mali a issi' kiina'e an Yihutaata ka parka seetana' kodde, akka' maxxaayti pashshen in upa.

Keleshaata 20:10

Taapiloosi, isase akka kamma dapane ishootta kode, pakateetase a apitta a daka apitta oppa opayno, isase pinantase isho xuumampaytase a darta kara caan karopa katame. Ikka eeyye kara halkeetta ka kuyaata, paraparaayye haka paraparati miidama quda tawan.

Keleshaata 20:8

Ka akka lekna piita qara kalo kooki isho maakooki akka kamma dapane kodo'e ka oranna ollopa ishootta xaasado sooka. Lekumaasso nefo hinkaajjeta daka kela mina.

Keleshaata 3:9

Semmalla darampayoosen parka seetana kodde ka a Yihutaata in koddinin mali ‘An Yihutaata’ issi' kiina, akka de'an ka loqqaatti kela' pi'anen koda ka akkiman anti ke jaalade akka upnaadane' koda.

Keleshaata 9:1

Erkampattoota kenatta ka turumpaadi dawteew. Anka hikkitta takka a moonteeyye piitopa pi'e akke. Fura hiwwalaalla ka ishi' daasameen.

Keleshaata 9:20

Sanynyeeta nama a erkannawwosen oppa toota kela pahate, kodase neeqa a harkaayshoti diisheetanne juppootoppa in oorre. Umma orriyya isho killanna a warqeeta ka dakara pirreeta ka a siplalla ka daka isho qoraappa kodame, a paata akkeeta taaki dakaya taaki pora anta ettaninni in kinnini waaqaysatta in diinne.