Keleshaata 11:9 - Mataafa Qulqulloota

⁹ Samyta isho kaffaa ika lekaya ka a afadda ika lekaya haasawanna isho lekna ka kuyyaata sessa ka paka kara'e pukkaaysho ruka; ka akka pukkaadaasso in hawlammini kuli dawran.

Keleshaata 11:9 ပူးပေါင်းရင်းမြစ်များ

Mataafa a Nuqussa a paayyota 13:22

Ka desa oorte ka porase an anti Waaqa ke kide, “Oppaayye damta in daman ka pisha in ikkan” oppaayye damta damte ka pisha ikkite, semmalla pukkaayti turka toolaayshina oppopa in kalo.’”

Mataafa Dehaamta 6:3

Nama takka, hellaa dippa qapnaatta ka parra leka kallaatta i'ettansha; ma xoori, kadi punu parra leka' kallaannaayye, oto teyaantadin xasoonni in kinniniiyi ka mooka fayya' teyni in kinniniiyyi, anti in kiini, “Isha kapaayye saldeessa wayyi.”

Xuuma Issayyaasi 33:1

Oo, ke a in pannin mali patissampayta kodde ka a' marmatammin mali marmattampayta kodde, oto' patissa diissooyye atti ipatta ka oto' marmatta diissooyye, marmatamta.

Xuuma Ermiyaasi 7:33

Pukka a samaytaseti, xampira moonta isho pinaana kappina'e dama umma a qara daano in caado.

Maatiyoosi 7:2

Akkimose a nama qara dapa murrittan mina'ew, dapa ishin qara muramaay; taara a ishin kurrittanenneew ishina kuramtaay.

Keleshaata 10:11

Sekkammayye ikka ana kidamte, “Qoota samaytati desa ka a leknati desa ka a afa ika lekayta haasawannaati desa ka qoota nuqussa piisati desa lammatta xuuma haasawatta ke parpaaccisni.”

Keleshaata 11:11

Ma xoori, ete kuyyaata sessa ka paka tarpite kammaayye, nessa caatta daanno Waaqa kapa de'e ka pukkadasene karopa kale, ikka loqqaassotin qa'aden. Orra a ishootta akke ka a kuttati fuure.

Keleshaata 13:7

Akka qulqullowwa torpo ka ishootta puto'e, hupna ukkumeeta ka ishi daasame. Kaffa ka samayta ka a afadda ika lekayta haasawanna isho lekna qara'e hupna ukkumeeta ka ishi daasame.

Keleshaata 17:15

Erkampattootase ka ana kiite, “Pishaddaasene a sharmuutitteetase qara kutiite akka akkite, samayta ka orra ka lekna isho orra afa ika lekayta haasawanno.

Keleshaata 5:8

Ete mataafase ollopa marrammo qeedeeyye, uumatase caata qapo afuri isho qimayaasene kunda lakki afuri ka laahase' tura itturandesa seehen ka ishi' sakataden. Ka matta mina kehayta qapaden ka qorewwa warqeeta a oppa tankarta immakene' qapaden. Tankartose' nefo qinseeta qulqullowwa.

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.