Keleshaata 11:6 - Mataafa Qulqulloota

⁶ Kuyyawwosen a ishootta oppa xuuma haasawadane karaayye, akka roopa in roopnini'i moonta dufa'e hupna ukkumeeta'e qapan. Ka akkimoose mina'ew pishadda diikopa purissa'e ka eta a heenaneeyye erkannawwa ika heenten piita da'issa'e hupna ukkumeeta qapan.

Keleshaata 11:6 ပူးပေါင်းရင်းမြစ်များ

Mataafa a Nuqussa a paayyota 17:1

Orra Kele'adi kara kalo oppaayye, Tesipittase Eliyaasi ka Aki'api kide, “Maxxa Poqalla Waaqa Isira'eeli, isase an anti ishi koda koonotinnin xaxanni ka ke kiini, hakan anti haasawado maliiyyi, parra arepadesa deena kara'e, tadahata taaki roopa in caado.”

Luqaasi 4:25

“Anopa dakkaysada! anka dukaata ishina lelo; sapana a xuumampaytase a Eeliyaasiiyyi, qoota para sessa ka leya lehi roopa dapade malla, piitaaysho piisa qare loota kokkoka deete. Sitiiyyi piita Isira'eeli karaayye, iskatta a diiraasso qara le'ene lekayta ca.

Keleshaata 11:3

Maakkiyyasene xayyo lakki akka mehadda dapteeta kalsadan ka kuyyaata kuma ka dippa lakki kunda lehi xuuma haasawadane'en ishootta hupna daasha.”

Keleshaata 16:3

Erkampattoota lammatta ka kuppaayyaadi pakateeta karopa tuqteew. Pakateetase ka diika a nama to'e pahanaatte. Wa pakateeta kara kala a nessa qapa piisa ka piramen.

Keleshaata 16:4

Erkampattoota sessatta ka kuppaayyaadi kirrada isho ella pisha qara tuqteew. Ikka diika kodden.

Keleshaata 8:8

Erkampattoota lammatta ka turumpaadi dawteew. Wa irroota kutta' paha ka opayaan pakateeta karopa pi''en. Pakateeta qudaayye, harka sessaappa takka ka diika kodde.

Mataafa Saamu'eeli a paayyota 4:8

Oo ino kido! Hupna a waaqaddosen kokkoka kelaayye ayno inon paha? A erkannawwa ika lekaytan orra Kipsi koommaytoppa pire waaqaddosen ishootta.